
خير ياحبيبتى عايزاه حاجه انتى تؤمرى
– ما يؤمرش عليكى ظالم .. روحى انتى وسيبى ” زاهر ” عشان انا عايزاه يشوفلى الورق اللى جانى من البنك اصلى بصراحه مش فاهماه
وشه اتغير ساعتها كان باين اوى انه عايز يهرب منى خصوصا بعد ماسمع والدته وهى بتقولى
– وماله ياحبيبتى خليه يشوفهولك ويفهمك كمان دا زى اخوكى . اقعد انت يا” زاهر ” وانا هاسبقك
مشت الست وهو قعد تانى وانا استنيت بس تخرج من الباب روحت سألاه على طول
– عملت ايه معاهم يا” زاهر ” ؟
حسيته اتخض من سؤالى اللى جه بسرعه قبل يتكلم ويقول
– انتى تقصدى مين انا مش فاهم ؟
لما لاقيته هايلاوع روحت هاجمته على طول وقولتله
– ماتستهبلش يا” زاهر ” انتى فاهم باتكلم على مين دا انت امبارح كنت قتي
الكلام وقف فى حنكى لما خطرتى الفكره فاقمت سالاه
– هو ايه اللى حصل بالظبط ولا يكونش انت معاهم من الاول وانا اللى كنت غبيه مافهماش
اتكلم هو على طول وانكر لماقال
– لا والنعمه الشريفه انا اول مره اعرف امبارح وانا فعلا كنت هاصور قتيل بس انا بعد ماشوفت باب المقبره وحكالى الشيخ ” مسعود ” عن الخير اللى مستنينا بصراحه وزنتها مدام انا اتأذيت بالفعل يبقى على الاقل اخد حقى منهم وقاسمهم فى الخير واليغمه اللى هاتطلع من بطن الارض دى
كنت بابصلوا وانا مش مصدقه اللى بسمعه منه قبل ما اقوله : شيخ ” مسعود ” هو عرف يأثر عليك انت كمان يا” زاهر ” ياخساره .. اشحال ما كنت اول واحد عارف كويس ان الراجل ده شغله مع الجن وكمان هاتقبل على نفسك لقمه حرام يا” زاهر”
رد عليا : لا مش حرام دا كنز فى بطن الارض يعنى ماسرقتش ولا نصبت وكمان مسألة الشغل مع الجن انا مليش دعوه بيها
– انت حر يا ” زاهر ” اعمل اللى انت عايزه .. قولتها بعد مايأست من الكلام معاه
بعد مامشى ” زاهر ” حسيت نفسى هاتخنق خصوصا لما شوفت الكنب المحروق قلبى وجعنى عليه لأنه كان ضمن جهازى وانا شايفاه الدمعه كانت متحجره فى عينى . رجلى خدتنى على البلكونه لقيت ” مسعود” قريب قوى من البيت و كأنه كان مستنينى الضحكه بقت ماليه وشه انا طبعا فهمت كويس السبب ورا ضحكته دى . لعنت فى سرى اللحظه اللى طب فيها على بلدنا بس اللى فوقنى صوت الجرس روحت افتح لقيت “مروان ” فتح الباب ودخلت ” نور ” وهى بتضحك ووشها منور
مساء الخير يا ” رحومتى ” واحشانى واحشانى قوى
لقيتها فرحانه اوى روحت سألاها
-ايه اللى حصل مالك فرحانه اوى كده
ردت هى : اصلى رايحه انقى فستان الفرح انا و” منذر ” ونحجز معاد فى البيوتى سنتر كان واضح انها معرفتش حاجه فمحبتش اعكنن عليها روحت قايلاها : الف مبروك ياحبيبتى ربنا يتمم بخير امال هو فين مطلعش ليه معاكى
ردت هى : ياستى مستنى تحت فى عربيته يلا بقى عشان تيجى معانا
– معلش ياحبيبتى مش هقدر اجى معاكم بس انا هنزل معاكى اسلم عليه
نزلت معاها لقيتوا قاعد فى عربيته واول ماشافنى خرج منها عشان يسلم عليا ويدوبك قولنا كلمتين لقيته بيشاورلى بعينه ويسألنا على ” مسعود” اللى كان بيتكلم مع ناس من البلد ومش واخد باله
– هو مين دا حد من البلد عندكم ؟
قبل ماارد لقيت ” نور” هى اللى بتقوله
– ياسيدى دا واحد غريب عن البلد بس ساكن هنا بقالو اكتر من سنه بس زى ماانت شايف منتشر فى المكان
ادخلت انا ساعتها وقولت : انت تعرفه يا” منذر” لقيته بيضيق عنيه ويفكر قبل ما يقول : مش عارف حاسس انى اعرفه او شوفته . فين بس مش عارف
انا كنت مستنيه يقول اى حاجه عشان بس اعرفه لكن لقيت” نور” بتتكلم بلهفه : انت هاتفضل تفتكرلى مش يالا بقى مفيش وقت الفرح باقى عليه اقل من شهر
– خلاص ياستى يالا بينا
قالها وركبوا العربيه هما الاتنين ومشيوا وانا استنيت بس يبعدوا ورحت لفيت عشان ارجع بيتى بس سمعت واحد بينده عليا ويقول :ام مروان
ببص لقيت” مسعود ” جاى عليا وهو بيقول بصوت عالى قدام الناس
– الف سلامه عليكم قدر ولطف ياام مروان
لاحظت عيون الناس عليا وكأنها بتقولى اهو الراجل اللى مش طايقاه عمل بالاصول وبياخد بخاطرك فعلا بيعرف يرسم الدور كويس رحت رديت عليه
– فيك الخير يامولانا
بعد ما قولتها كان وصل عندى ووقف قصادى وبصوت واطى لقيته بيقولى
– انا المره دى بعت الخدام بس يهزروا شويه معاكى ودا لأنك بلغتى ” زاهر ” خدى بالك بقى المره الجايه عشان هايروح فيها ارواح
.. يتبع
فضلا وليس ا
مرا اتشرف بتعليقاتكم وتفاعلكم
بنت الجنوب
انا اول ماسمعت منه الكلام ده ركبى سابت من الخوف وقلبى بقيت سامعه صوت دقاته اللى بقت عاليه وبتضرب بشكل سريع بس ماحبيتش ابين ورحت اتكلمت وانا راسمه على وشى شجاعه مزيفه
– اسمع ياجدع انت لا بلغت” زاهر “ولا ليا دعوه بيه مش انتوا اتفقتوا اشبعوا ببعض بقى وسيبونى فى حالى انا خلاص جبت اخرى اعملوا اللى عايزين تعملوه انا ماليش دعوه فاهم ولا لأ




