عام

حكايه تخوف ج٢

بنبص لقينا ” زاهر ” داخل علينا وغضب الدنيا عليه وهو داخل بشراره  واول حاجه قالها اول لما وصل ووقف قدام ” راضوان” و” مسعود ” وهو عينه فى عينهم

– كان قلبى حاسس وشاكك يا ” و..   ” ماهو انا مش غبى عشان مافهمش اللى بيحصل معايا انا واهل بيتى وانتى بقا ياسيدنا الشيخ اللى هاتخلص اللقيه والاثارات ولا معاكم حد تانى ..  دا انا عاطلع عليكم القديم والجديد .. وقبل مايتقدم تانى بصلى وهو صدره طالع نازل وهو بيطلع دخان وعينه بطق شرار وقالى : قبل اى شئ اطلعى انتى من هنا ياام ” مروان ” عشان مايتجبش سيرتك بحاجه غلط وانتى الست الوحيده بينا

روحت انا قايله :  ليه هى ” حمديه ” مش موجوده هى والولاد

كمل بغضبه : ااه مش موجوده ما انتى متعرفيش ان الباشا باعت مراته وولاده بيت ابوها بقالوا اسبوعين عشان يبعدهم عن الاذيه واحنا الغلابه فكرينها غضبانه

انا خوفت من المواجهه الصعبه وحسيت انه هايرتكب جري.مه  روحت قايلاله وانا برجع برجلى وخارجه  : طيب  اهدى شويه انت يا” زا..

وقبل ما اكمل قاطعنى وقالى  : ابوس ايدك اخرجى دلوقت انا ماسك نفسى بالعافيه

خرجت وانا بقول لنفسى : يارب استر يارب

وصلت بيتى وانا  من الخوف خايفه ل” زاهر ” يتهور معاهم بقيت كل شويه ابص من البلكونه على بيت ” رضوان ” عايزه اطمن واعرف اللى حصل .. لولا خوفى على سمعتى وكلام الناس ماكنتش سيبت زاهر معاهم وانا حاساه هايرتكب جري.مه .. فييين لما خرج” زاهر” بعد وقت طويل ودخل بيته وهو مش باين عليه اى حاجه بعدها خرج ” رضوان ” ومن  بعده خرج ” مسعود”  اللى اول حاجه. عملها انى وجه عينه اللى  زى الصقر على بلكونتى .. بقى بيبصلى بنظره مش فاهماها وهو بيلعب بسبحته معرفش ليه قلبى اتقبض وحسيت بحاجه مش مظبوطه .. مخى فضل يضرب يقلب وانا مش فاهمه ايه اللى حصل بعد ما كنت خايفه تحصل جربمه

لكن دلوقت الوضع مش مريحنى

كنت بتكلم مع ” نور ” تقريبا الساعه كانت مقربه ل٩ بالليل  وبحكيلها اللى حصل واللى مخاوفنى وهى بتحاول تفهم معايا وتقولى

– طيب مايمكن ” زاهر ”  اتفاهم معاهم واتكلموا معاه وصالحوه

رديت انا : انا اتمنى بس معرفش ليه قلبى مش مطمن

ردت هى : طيب انتى ايه اللى مخوفك

– معرفش حاسه قلبى مقبوض ونظرة اللى اسمه ” مسعود ” ليا بعد ماخرج أكنه بيوصلى رساله قلقانى ..

قولتها وبعدها على طول سمعت صراخ الولاد قومت مفزوعه على صوتهم لقيت كنب الصالون والستاره  مولعه فيهم والولاد اللى اول ماشافونى جريوا عليا وهما مرعوبين من  وهما بيصرخوا بهستريا مبقتش عارفه اخرجهم من حضنى ولا اطفى  اللى هاتخلص عالعفش والبيت لكن ربنا نجدنى لما لقيت الجيران جم بسرعه وقعدوا يطفوها . انا كنت بتفرج عليهم وهما بيطفوها وانا مستغربه ازاى  ولعت فى الصالون لوحدها كده وهى ماسكه كنبه والتانيه لأ او ماسكه الستاره لوحدها والعفش اللى جامبها لأ ..  انا عمرى ماشوفت  لما بتولع بنتقى اللى تولع فيه .. فوقت من سرحانى لما الجيران لقيتهم بيواسونى بعد ما طفوها بالكلام والستات بطبطب عليا وتهدينى لكن انا  الخضه خلتنى ثابته فى الارض والولاد شابطين فى حضنى هما كمان وانا مش قادره اقوم من مطرحى كل اللى  قدرت عليه انى اهز برقبتى بس وانا برد عليهم شويه كده وبقوا يلموا نفسهم ويخرجوا .. ربنا العالم الليله دى عدت عليا ازاى من الفكر وانا كل ماافتكر منظر  افتكر وصف ” يمنى ” اللى كانت صحبتى ايام الجامعه ووصفها للى كان بيحصل عندهم وبقيت افتكر نظرة ” مسعود” و استنتجت  بنفسى ان  بالتاكيد هو ورا الموضوع ده

تاتى يوم المنطقه كلها تقريباً كانت عندى ستات ورجاله ..  اللى جم ياخدوا بخاطرى واللى جم يسألوا عن السبب ورا ول واللى جايين يتفرجوا وانا كنت بحاول ابقى متماسكه قدامهم حتى لما جم ” زاهر ” ووالدته حاولت اكون طبيعيه فى الرد مع ان جوايا مية سؤال نفسى اسألهم ل” زاهر” ومفاتش عليا اسأل على صحة ” فاطمه”

ردت عليا ام ” زاهر ” : كويسه يابنتى والحمد لله هى دلوقت عند  ابوها اصل  ” زاهر ” اصر عليها تروح هناك تهدى اعصابها

بصيت انا ل” زاهر وانا بقول : غريبه ياعنى يا” زاهر ” مع انك كنت رافض امبارح ومصر على قعادها

عمل نفسه بيكح قبل مايرد ويقولى : لا ما انا زهقت من زنها قولت اريح دماغى

رديت وانا مش مصدقه :  امم بقى كده

حاولت بعد كده اندمج شويه فى كلام ام ” زاهر ” شويه كدا ولقيتهم قاموا عشان يمشوا لكن قبل ما يوصلوا للباب انا ندهت وقولت

– استنى يا” زاهر ” كنت عايزاك فى حاجه مهمه

 

.. يتبع

متنسوش التفاعل وارائكم

عشان بتهمنى

بنت الجنوب

باصولى هما الاتنين بعد ما وقفوا وقبل مايتكلم ” زاهر” سبقت والدته وسألتنى بسلامة نيه

السابق1 من 4
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى