
كنت مصدومة ومش فاهمة حاجة، بس هو قالي وعيونه بتطلع شرار: ادخلي يا ملك واسمعي الكلام.
دخلت بسرعة ولميت حاجاتي، وبعدين خرجت وأنا لسه لابسه البس بتاع الشغل.
خرجنا من المطعم وقالي وهو متجه لعربية فخمة جدًا: اركبي.
بصيت له وأنا عايزة أفهم بيعمل إيه، بس مدنيش فرصة أتكلم. فتح الباب وركبني، ولف ركب عند القيادة وساق العربية. وأنا كنت مش عارفة إيه اللي بيحصل وعاوزاه يشرحلي أي حاجة.
بعدنا شوية عن الدوشة وروحنا مكان هادي جدًا. وقف العربية ونزل، وبعدين لف وفتحلي الباب! وأنا نزلت وأنا ماشية وراه وهو باصصلي وساكت.
ممكن أفهم حضرتك جايبني هنا ليه؟ كنت بسأله وأنا عاوزاه يشرحلي اللي بيحصل.
فارس: أنتي أما سيبتي شغلك ومكلمتينيش ليه؟ لما سبتيه؟
اتفاجأت من كلامه ورفعت حاجبي وأنا بسأله: وكنت هكلمك أقولك إيه؟
فارس وهو بيقرب مني: تقوليلي وتعرفيني. كنت ساعدتك تشتغلي في جريدة تانية مش ويتر.
اتضايقت من كلامه وقولت: حضرتك أنا مش محتاجة مساعدة من حد، وأنا عارفة أنا بعمل إيه. وشغلة الويتر دي شغلانة محترمة، وأنا كنت جيت علشان أساعد واحدة صحبتي، بس مش شغالة هناك. بس أنا معنديش أي مشكلة أشتغل أي حاجة، الشغل مش عيب.
كان باصصلي ومتفاجئ من اللي بقوله. وبعدين غمض عينه واتنهد تنهيدة طويلة جدًا، وأنا كنت أصلًا مخنوقة.
بعد إذنك روحني.
رفع عينه وقرب مني ومسك دراعي وبص في عيني، وأنا قولت وأنا ببعد عيني: بعد إذنك روحني.
هز راسه بلأ، وكانه متضايق من حاجة ونفسه يدمر أي حاجة قدامه ويخرج غضبه.
تليفوني رن وكانت ماما، وقتها أنا بعدت عنه ورديت. وماما قالتلي: أنتي فين يا ملك؟ اتأخرتي ليه؟ أنتي ناسية إن العريس زمانه جاي هو وأهله؟
غمضت عيني وأنا بفتكر إن العريس جاي النهاردة، وقولت: أنا آسفة يا ماما، نسيت العريس دا خالص، بس أنا جاية في الطريق أهو.
قفلت مع ماما وبصيت له، ولقيت وشه أحمر جدًا. اتعربت منه وقولت: أنت كويس؟
قالي بغضب: عريس؟ أي دا!
قولت وأنا بعدي من جنبه: دا جاي يخطبني!
وانتي هتوافقي؟
حسيت بقلبي بيوجعني جدًا لما سمعت الكلمة دي. مش عارفة أنا وافقت علشان خاطر ماما، بس مفتكرش إني موافقة. كنت بتكلم مع نفسي.
وفضلت واقفة مكاني وأنا بفتكر كلمته، ولفيت وأنا بهز راسي: أيوه!
باصلي بصة طويلة وهز راسه بتمام!
وأنا ركبت العربية وهو ركب وساق بسرعة شديدة، وأنا كنت مرعوبة. ممكن تبطئ السرعة، أنا بخاف جدًا.
مردش عليا، بس أنا كنت مرعوبة جدًا وصرخت وأنا بعيط: فارس، أرجوك وطي السرعة.
لما شاف دموعي بطئ السرعة ووقف العربية خالص. وأنا وقتها فتحت الباب وخرجت وأنا مرعوبة، وهو ورايا. وأنا قولت: أنت ليه بتعمل كدا؟
قرب مني وحاول يهديني: أنا آسف يا ملك، بس اهدي، خدي نفسك.
فعلًا بدأت أهدأ وأنا بصالو وقولت: أنا لازم أروح البيت، مقدرش أصغر ماما قدام الناس.
باصلي وحس إن عندي حق، ورجعنا ركبنا العربية وساق بالراحة. وقال بصوت هادي: لو مش عاوزاه ارفضيه.
بصيت له وقولت: مفيش سبب أرفضه علشانه.
قالي وهو باصصلي: فيه يا ملك!
بصيت له ولقيت نظراته اللي بتحكي، وفعلًا عينه بتلمع.
فارس سكت ووصلني عند بيتنا. وأنا خرجت من العربية وطلعت لشقتنا، وأول ما دخلت كانت الضيوف وصلت. وماما قربت مني وهمست: أخيرًا رجعتي من الكوافير يا ملك، هي آخرتك كدا ليه؟
بصيت للضيوف ولماما، وكان باين على وشي إني مش بخير!!!
ماما ابتسمت للضيوف وأخدتني لأوضتي وقالت: إيه يا ملك، شكلك مخطوف كدا ليه؟ أنتي كويسة!
هزيت راسي وقولت: كويسة يا ماما، اخرجي أنتي للضيوف وأنا هجهز حالًا.
ماما خرجت وأنا بدأت أغير هدومي، ولبست فستان كنت محضراه للمقابلة دي. وبعدين ظبط شكلي وعدلت شعري، وبعدين خرجت. ووقتها لقيت ماما قاعدة، والعريس وأهله مش موجودين. اتفاجأت من اللي حصل وقولت لماما: هما فين الضيوف يا ماما؟
ماما وقفت وبصتلي وقالت: مشيوا يا ملك.
كنت متفاجئة وبصة لماما: مش فاهمة يا ماما، برضوا مشيوا ليه؟
ماما قعدتني جمبها، وبعدها الباب خبط. وماما قامت تفتح، وكان واقف فارس. ابتسم وهو بيبوس إيد ماما، وأنا واقفة مش فاهمة حاجة. لقيت ماما بتضحك وهي بتقول: اللي كانوا هنا دول مش العريس اللي أسلمك. إيه، العريس الحقيقي هو فارس!
اتفاجأت إن ماما عارفاه ومكنتش فاهمة حاجة. وبصيت لفارس اللي كان باصصلي وساكت، أنا وقتها كانت الصدمة لسه مسيطرة عليا. وقولت بغضب: يعني إيه الكلام دا؟
فارس قرب مني وقال: متفاجئة ليه يا ملك؟ أنا العريس.
ازاي يعني؟
ضحك وقالي: العريس اللي كان هنا دا متجوز، ومراته جت خدته. ووقتها أنا تقدمت، وماما وافقت، ونزلت أجيب الخاتم من العربية.
وطلع خاتم من جيبه، وأنا واقفة مصدومة. ماما واقفة وبصالي وهي مبتسمة، بصيتلها وأنا مصدومة.
فارس قال لماما: بنتك خطفت قلبي من أول يوم شافتها فيه. تسمحيلي أخطفها منك؟
ماما ابتسمت لفارس، وأنا كان باين عليا إني موافقة، لأني بصراحة اكتشفت إن مشاعري لفارس مش مجرد إعجاب، دا طلع حب!
فارس قرب من إيدي وباسها، وطلع الخاتم ولبسهولي. وأنا كنت مبسوطة، بس الصدمة مسيطرة على ملامحي مش أكتر.
ماما قربت وهمست في ودني: اعدلي وشك، الولد شكله خايف منك.
بصيت لفارس وابتسمت، وهو ضحك. ودخلنا وقعدنا كلنا، وكنت مبسوطة!!
فارس قضى اليوم معانا، وبعدين اتفق مع ماما إنه هيجي يطلبني رسمي ونكتب الكتاب.
وبعدين مشي، وأنا كنت مبسوطة. وماما شرحتلي إن فارس جه من كام يوم وطلب إيدي، بس هي وقتها عرفته إن في عريس متقدملي، ووقتها…



