روايات وقصص

فارس وفريده

فارس دور وراه وعرف انو متجوز وان مراته مبتخلفش، وجاي يطلب إيدي وهو ضاحك علينا ومش موضح غرضه من البداية. ففارس عرف يبعت ناس يعرفوا مراته اللي هيحصل، وهي جو اخدته، بس فارس طلب إن محدش يعلي صوته ويتفاهموا برا. وخرجوا وأنا كنت في أوضتي برسم مستقبلي ومش حاسة بأي حاجة.

ضحكت وأنا بحضن ماما، وكان عجبني اللي عمله فارس علشاني. ابتسمت وأنا بتخيل إن فارس الشيخ بقى خطيبي، يا لهوي دا بجد.

عدي كام يوم وكنا كتبنا الكتاب، وخلاص رايحين نجيب الفستان بتاعي.

إيه رأيك في دا يا ملك؟

بصيت لفارس، وكان بيشاور على فستان شكله يجنن. بصيت له بابتسامة: الله حلو أوي، ممكن أجربه.

البنت: طبعًا يا فندم، اتفضلي.

البنت دخلت تساعدني ألبس الفستان، وبعد دقايق خرجت لفارس اللي كان واقف. وأول ما شافني عينه لمعت بحب. كنت واقفة قدامه وباصة في عينه وشايفة نفسي جوّاها.

فارس حضنني وقال: ملاك نازل من السماء.

خجلت جدًا، والبنت اللي واقفة بصالنا ومبتسمة. وقربت مننا وقالت: أنا أول مرة أشوف حب صادق كدا، ربنا يصلح حالكم.

ابتسمت ليها ودخلت أغير الفستان، وبعدين خرجت. وفارس أدالها الفيزا، وهي خرجت بعد دقايق وهي مغلفة الفستان. ووقتها فارس كان مبسوط جدًا، وأنا كنت مبسوطة أكتر منه.

روحنا نجيب البدلة، ورغم إن فارس بيلبس من أكبر الماركات، بس أنا طلبت إني أختار البدلة من هنا، وهو وافق. وكان طالع زي القمر. كنت مبسوطة جدًا وأنا باصة له بعيون بتلمع من الحب، وقلت: ربنا يخليك ليا.

عدا كام يوم وأنا كنت مبسوطة بعوض ربنا ليا.

في يوم روحت مع فارس الشركة، كان مصمم إني أستكشف بنفسي الشركة كلها. ودخلت وكان الكل باصص عليا، وأولهم لينا اللي كانت بصالي بغيرة. وسمعت كلمتها وهي بتقول: يا بنت الجنيه، عرفتي توقعيه ازاي؟

فارس سمعها وبصلها، وهي اتحرجت ووطت وشها بخجل منه.

واحنا بعد ما لفينا الشركة، وكان عاجبني جدًا تصميمها، وقعدت في مكتبه. وافتكرت لما كنت ببص من النافذة وجاتلي حالة من الصدمة، وهو ساعدني. حضنته وأنا بضحك لتذكري كل المواقف اللي جمعتنا مع بعض.

خرجنا، ووقتها لقيت الصحافة والإعلام قدام شركته. وكنت مكسوفة أطلع، ولكن فارس قالي: متوتريش، هما جايين علشانك أصلًا.

خرجنا ولقيت الصحفيين واقفين، وأول ما شافونا قربوا مننا وبيسألوا فارس عني، وباصين عليا وبيسألوني إمتى اتقابلنا. ووقتها أنا لمحت فريدة وهي ماسكة الكاميرا ومقربة من فارس وبتسأله، ومكنتش شايفاني كويس. وأول ما شافتني اتصدمت إني أنا خطيبته، اللي الكل جاي يتعرف عليها ويشوف مين اللي وقعت فارس الشيخ في حبها.

ابتسمت ليها وحضنت فارس، وكانت واحدة بتسالنا: إمتى الفرح؟ فرد فارس وقال: الشهر الجاي. وخرجنا، وطبعًا رجالة فارس هما اللي عدونا وركبنا عربيته. وفتحت الشباك ولقيت فريدة وهي بصالي بصدمة، وقتها ابتسمت ليها والعربية مشيت.

تمت. انتظروني في رواية جديدة مع تحياتي لكم، شيماء صبحي.

رواية مقابلة حب
بقلمي الكاتبة شيماء صبحي

7 من 7التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى