روايات وقصص

فارس وفريده

السكرتيرة: حضرتك النهاردة هتبدأ شغل ولا أجل كل الاجتماعات؟

رد فارس: لا، النهاردة أنا عندي مقابلة مع صحفية، أول ما توصل ابعتيها لمكتبي.

بيمشي والسكرتيرة وراه، وبيتجهوا للمصعد وبيركبوا. وتبدأ السكرتيرة، واسمها لينا، تشرحله كل الأمور اللي حصلت خلال الأيام اللي فاتت على حسب طلبه.

وبعدين يوصل المصعد للطابق الخاص بمكتب فارس، بيعجبه الديزاين وبيكون فخور بشركته. ولينا بتسأله: أحضرلك القهوة يا فندم؟

بيهز راسه، وهي بتدخل تجهزها. وفارس بيدخل لمكتبه وبيقرب من النافذة وبيشوف الفيو الرهيب اللي قدامه. كان عاجبه كل حاجة، وابتسم وقعد على مكتبه وخرج الكاميرا اللي كانت معاه. وبعد دقايق بتخرج لينا وهي شايلة القهوة الخاصة بيه.

لينا: اتفضل قهوتك يا فندم.

فارس: شكرًا ليكي. بخصوص البنت الصحفية، عاوزها لما توصل تحوليها على مكتبي، ومش عاوز أي حد يطلع عنها، الغي أي مقابلة، وممنوع حد يتدخل تمام.

هزت لينا راسها باحترام: تحت أمرك يا مستر فارس.

بتخرج لينا من المكتب وبتنزل تحت للاستقبال تنتظر البنت الصحفية!

وصلت قدام الشركة ووقفت مبهورة من شكلها. معقولة اللي أنا شايفاه؟ قعدت أبص للشركة بانبهار، وبعدين دخلت واتجهت للاستقبال: سلام عليكم، أنا عندي مقابلة مع فارس الشيخ.

بتكون لينا واقفة بتشرب قهوة، وأول ما سمعت كلامها قالت وهي بتقرب: أنتي الصحفية!

هزيت راسي: أيوه.

وهي بصت لشكلي باستغراب وقالت: تمام، ممكن تيجي معايا.

بصيت لها باستغراب، ولقت نظري لبسها واللي كان قصير وغريب، وبصيت لكل الأمال اللي في الشركة، لقيتهم لابسين نفس الشكل كلهم، قالعين كدا، مفيش واحدة ساترة نفسها خالص!

مشيت ورا البنت دي زي ما طلبت، وبعدين قربنا من المصعد وركبنا. وكنت مبهورة من شكل المصعد وعجبني شكل التصميم بتاعه. ضحكت بسخرية وأنا بقارنه بمصعد الجريدة اللي محدش بيدخله غير فريدة أم مناخير.

أعلن المصعد عن وصوله للطابق المطلوب، ودخلنا. ودي كانت المفاجأة اللي بجد، حسيت إني في مسلسل تركي، إيه الجمال دا! قعدت أبص وأنا مبهورة. ولينا كانت واقفة وبتبص لملك باستغراب وقالت: مستر فارس منتظرك جوا.

انتبهت على صوتها وهزيت راسي، وأنا بعدل هدومي وخبطت على المكتب. وهي رجعت تاني للمصعد ودخلت فيه ونزلت. وأنا سمعت صوت جالي من جوا بيقول: ادخلي.

دخلت وأنا مبهورة بشكل المكتب والتصميم بتاعه، وكان وقتها فارس الشيخ قاعد على مكتبه وباصصلي. قربت منه وأنا بقول: صباح الخير يا مستر فارس..

قولتها بطريقة البنت اللي جابتني هنا، وهو كان باصصلي ومستغرب طريقة نطقي لاسمه. ابتسم، وأنا انتبهت وضحكت وقولت بعشوائية: معلش، أصل البنت اللي جابتني هنا قالت اسمك بالطريقة دي!

هز راسه، وأنا قربت منه وقالي: اتفضلي اقعدي.

قعدت وببص لمكتبه، شوفت الكاميرا بتاعي. قولت بفرحة: الكاميرا! كنت متأكدة إني نسيتها معاك.

كان واقف يبصلي بطريقة غريبة، مسك الكاميرا وشغلها، لقيتها فاصلة. ضميت إيدي بحزن: الكاميرا فاصلة.

باصلي باستغراب وقال: يعني إيه؟

قولتله: يعني مش هعرف أعمل المقابلة من غيرها، لازم تتشحن.

قالي: وأنتي معاكي الشاحن؟

هزيت راسي: طبعًا معايا.

وفتحت شنطتي وطلعت الشاحن، وأنا بقول: أصل أنت متعرفش فريدة، وبخلها جايبلنا كاميرات ميتة. وقالت إيه؟ كل اللي هاممها فين التقارير بتاع المقال، عاملة زي روز اللي كانت بترعب وشوشني.

بصلي باستغراب وقال: ومين وشوشك؟

ضحكت على سذاجته وقولت: ههه، دا كرتون بقى، مش عارف مارد وشوشني.

هز راسه بلأ، وأنا ضحكت: دا مارد وشوشني، دا ياما ضحكنا وقضينا طفولتنا واحنا بنحبه.

كان بيستمع ليا ومبهور من كلامي. حسيت إنه مش عارف أي حاجة خالص. طلعت ورقة وقلم وقلت: احنا ممكن نجهز الأسئلة اللي هسألهالك خلال المقابلة.

هز راسه، وأنا بدأت أقترح عليه الأسئلة، وكانت كلها أسئلة عن إزاي بدأت مسيرتك العملية، وإزاي قدرت تتغلب على اليأس، وأسئلة من هذا النوع. وكان في آخر سؤال كتبته، وبعدين بصيت له وقولت: السؤال دا هيكون: أنت مرتبط؟

بصلي بصدمة ورفع حاجبه باستغراب: افندم؟

ابتسمت وقولت: أنا عملت كل دا علشان أسألهولك. أنا معلشي بقى، شغلانتنا دي كلها حلق حوش.

كان متفاجئ وأنا عمالة أشرح وأضحك، وهو حركات وشه بتتغير على حسب الكلام اللي بحكيه. وبعد ما كنت تعبت من الكلام وقفت، وطلبت منه أستكشف المكان، وافق. وأنا قعدت أبص لكل ركن في مكتبه وعجبني جدًا. وبعدين قربت من النافذة الكبيرة اللي بتجيب كل العماير اللي حوالينا، وأنا ببص منها عادي، لقيت إننا بعيد وفي دور عالي جدًا. حسيت إن رجلي اتشلت، خصوصًا لما عرفت إننا في ارتفاع عالي. صرخت وأنا بقول: الحقني!

كان واقف فارس مصدوم من اللي بتقوله: يلحقها ازاي وهي واقفة قدام النافذة وكويسة؟ باصصلها باستغراب، بس هي عيطت وقالت: أنا عندي فوبيا مرتفعات، وحاسة إن رجلي اتوقفت عن الحركة، مش عارفة أتحرك.

فارس استغرب كلامي، بس قرب مني وحركني بهدوء. بس أنا كنت فعلًا حسيت إني مش عارفة أتحرك. اضطر إنه يشيلني علشان يبعدني من قدام النافذة، ونجح.

حطها فارس على الكنبة وفرد رجليها، وكل دا مش فاهم حاجة من كلامها. كنت حاسة برعب، مش عارفة أحرك جسمي، حسيت إنه اتشنج. كان واقف باصص عليا ومصدوم.

أنا قولت: مش عارفة أحرك جسمي.

قلعني فارس الشوز ورخي رجلي خالص، وبدأ يدعك رجلي بهدوء وهو مستغرب الحالة اللي فيها. حاولت أساعده، فبدأت أتنفس بهدوء. وبعد محاولات إني أهدأ، خلاص هديت وحسيت إني أقدر أتحرك. ورجلي كانت هي، بعد عني لما أنا طلبت منه يسبني وإني بقيت كويسة. حاولت أقوم ونجحت، بس قبل ما أتحرك خطوة لقيت نفسي وقعت، وفارس على آخر لحظة لحقني!!

فارس: اهدي اهدي.

بصيت له، أنا بحاول أهدأ فعلًا. شالني لتاني مرة ورجع حطني على الكنبة وقالي: متتحركيش، اهدي. هي دي أول مرة تحصلك؟

بصيت له وأنا عيني بدمع وقولت: لأ، تاني مرة.

هز راسه واتجه للمكتب وطلب من لينا تجيبله عصير ليمون. ورجع تاني وقف قدامي، وأنا كل دا بحاول أهدأ علشان أعرف أرجع زي الأول. تليفوني رن وكانت فريدة، معرفتش أرد وطلبت منه يرد عليها. وأول ما فتح سمع صوت فريدة العالي وهي بتهزق فيا. سكت لحد ما هي خلصت، وبعدين قال: الآنسة ملك مشغولة حاليًا، وأنا اتضريت أرد على موبايلها.

فريدة: وهي فين الآنسة ملك بتاعتك دي؟ قولها لما ترجع تنجز في موضوع فارس الشيخ، بدل نابعتلها استقالتها لحد عندها.

سمع فارس كلام فريدة واتضايق من أسلوبها، واتكلم: معاك فارس الشيخ. ممكن أعرف حضرتك ازاي بتكلمي عمال جريدتك بالاسلوب دا؟

فريدة اتصنمت مكانها لما سمعت صوته وكلامه: ح..حضرتك فارس الشيخ؟

قال: أيوه أنا فارس الشيخ. أحب أقولك إني قبلت أعمل لقاء صحفي مع جريدتكم بفضل الآنسة ملك اللي بتغلطي فيها دي، ولولاها مكنتش أبدًا هتعامل مع جريدة زي جريدتكم.

فريدة شهقت بخضة: أنا آسفة يا أستاذ فارس، أكيد مش قصدي، وأنا بتكلم مع ملك كدا على طول، وهي زي أختي.

فارس: تمام يا مدام. حاليًا هنعمل اللقاء، وأتمنى إن الآنسة ملك تسيب الجريدة دي، لأني شايف إنها مش متقدرة كفاية.

وبعدين قفل.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى