روايات وقصص

فارس وفريده

مامت فارس: ماشي يا حبيبتي، خلي بالك على نفسك، كريم هيوصلك!

خرجت حنين وركبت العربية اللي سواقها اسمه كريم، ودا السواق الخاص بفريدة أم فارس.

بيطلع فارس يرتاح في أوضته، وبيمسك الكاميرا وبيبتسم على البنت المجنونة اللي قابلها النهاردة. فهمس بصوت واطي: مجنونة.

بيحط الكاميرا جنبه على السرير وبينام.

دخلت المنطقة اللي أنا ساكنة فيها، ووقتها كانت الساعة 12. لقيت الكل نايم، وأنا حاولت مطلعش صوت علشان محدش ينتبه إني راجعة في الوقت دا. واللي كنت خايفة منه حصل!

لما لقيت صوت جاي من ورايا بيقول: على فين العزم؟

اتعربت من الصوت ولقيت أبص أشوف مين، لقيت سعيد، شخص معروف في المنطقة بأسلوبه الحاد. اتوترت وقولت وأنا برجع لورا: طالعة شقتنا..

قرب مني ومسك دراعي وقال: كنتي فين كل دا؟

مكنتش عارفة أرد عليه، وهو بقى بيتكلم بعصبية وقال بزعيق: عاوزاني أعلي صوتي وأسمع كل المنطقة وأقول إن الست ملك بنت الأستاذ إبراهيم الله يرحمه راجعة في نص الليل ومش عارفين جاية منين؟

اتعصبت من كلامه وقربت منه وقولت: ملك بنت الأستاذ إبراهيم دي أشرف منك ومن عشرة زيك، ومش من حقك تدخل في حاجة متخصكش.

لقيتو اتحول وقلب وشه، وطلع بسرعة مطوة وقربها مني، وأنا قلبت طمطمايه خالص. وجيت ورا وقولت: سعيد، أنت مصدق الهبل اللي أنا بقوله دا؟ ههه، دنا بنكشك بس. أنا يسيدي كنت بجيب دوا ماما، وللأسف الصيدليات القريبة كانت قافلة، اتضريت أنزل البلد جوه.

بصلي بطرف عين، وبعدين حسيتو صدقني كدا واطمنت. وبعدين قالي: ماشي يا ست ملك، تعالي أنا أوصلك.

بلعت ريقي وأنا بهز راسي بمشي جنبه.

سعيد: مش ناوية تحني بقى وتوافقي عليا؟

احممم، سعيد، أنت عارف ظروفي، وأنا مش جاهزة خالص للمرحلة دي.

بصلي بحزن وقالي: ماشي يا ست ملك، اديني مستني، يلا اطلعي.

دخلت العمارة، وأول ما طلعت خطوتين للسلم بهدوء، أخدت الباقي جري وأنا بتنفس بصعوبة. طلعت مفتاح الشقة ودخلت، وروحت بصيت من البلكونة وشاورتله إني وصلت. هز راسه ومشي!

وأنا أخدت نفس طويل بعدما اطمنت، وبسرعة غيرت هدومي. ولسه هنام لقيت نور الأوضة بيشتغل.

ماما: كنتي فين يا ملك؟

أخدت نفس طويل وأنا بلف وأكلم ماما: أنا آسفة يا ماما على التأخير دا، بس النهاردة كان يوم صعب جدًا.

ماما قربت مني وقعدت جنبي: ملك يا حبيبتي، احنا عايشين هنا بقالنا عمر كامل، يعني أمر محد حس بينا ولا سمع لينا صوت. ورجوعك متأخر دا هيطلع عليكي سمعة مش كويسة، وأنا خايفة عليكي من إن حد يآذيكي. أنتي عارفة إني مليش غيرك.

هزيت راسي وأنا ببوس إيديها: أنا آسفة يا ماما، صدقيني مش هتتكرر تاني.

ماما حضنتني وقالت: ماشي يا حبيبتي، يلا نامي علشان شغلك، وأنا هروح أرتاح.

هزيت راسي بموافقة، وماما خرجت من أوضتي. وبعدين أنا كنت مرهقة جدًا. لفت نظري الكارت الخاص بفارس الشيخ، مسكته وأنا بقرا العنوان بتاع شركته، واتصدمت: الله أكبر، معقولة دي شركته يا جامد!

كنت حاسة بفخر أوي من إن في شاب في العمر دا يحقق كل الإنجازات دي. كنت مبسوطة إني هعمل معاه لقاء. ابتسمت وأنا بستعد للنوم، واتنهدت وأنا بقول: توكلنا على الله.

تاني يوم بيصحى فارس وبيستعد للخروج، وهو نازل على السلم.

فريدة باستغراب: على فين يا حبيبي؟

فارس: رايح الشركة.

فريدة وهي متفاجئة من اللي بيقوله: أنت مستعجل على الشغل كدا إيه؟ دنتا لسه راجع مكملتش يوم، وبعدين يا حبيبي الشغل مش هيطير.

ابتسم فارس وهو بيقرب من مامته وباس إيديها بحنية: أنا آسف يا حبيبتي، بس النهاردة لازم أروح الشركة.

وابتسم وهو بيتذكر البنت الصحفية اللي هتيجي النهاردة الشركة، وقال: مش هتأخر، وأوعدك أخلص الشغل دا بسرعة وأرجعلك ونقضي أحلى يوم مع بعض.

ابتسمت مامته وحضنته: ماشي يا حبيبي، ربنا معاك.

ابتسم فارس وأخد سندوتشه من على السفرة أكلها وقال: باي باي يا دودو.

بتتبسم فريدة على مداعبته ليها وبتدعيله: ربنا يوفقه.

عند ملك، بتصحى من النوم وبتقوم تدخل للحمام تتوضي وتصلي الصبح، وبعدين بتجهز علشان تروح الجريدة.

وهي خارجة: أنا هروح الشغل يا ماما، هتعوزي حاجة يا حبيبتي؟

أمل من المطبخ: خلي بالك على نفسك يا حبيبتي، ترجعي بالسلامة!

خرجت من البيت وأنا في طريقي للشغل، لقيتو واقف على ناصية الشارع وبيضحكلي. عملت نفسي مش شايفاه أو مش واخدة بالي، بس هو قرب وهو بيقول: الجميل رايح فين؟

قولتله وأنا بحاول أختصر: الشغل يا سعيد، معلشي بقى علشان متأخرة جدًا.

هز راسه وهو بيوسعلها الطريق: ماشي يا ست الإعلامية، ربنا معاكي.

ضحكت على كلمة إعلامية، وخرجت من المنطقة بالكامل، ركبت مواصلة وروحت الجريدة. وأول ما دخلت كان الوضع هادي، فجأة لقيت إيد بتتحط على مكتبي. أيوه، هي.. الإيد دي أنا عارفاها كويس.

فريدة بغضب: فين تقرير المقابلة بتاعت فارس الشيخ؟

بلعت ريقي بتوتر: هو.. هوااا..

فريدة: هوا إيه يا ملك؟ أنا قلتلك إيه؟ لو مفيش تقرير يبقى مفيش دخول للجريدة.

هزيت راسي بتوتر وقلت وأنا مخرجة الكارت بتاع فارس: النهاردة هروح أعمل مقابلة معاه في شركته.

هديت فريدة وهي باصة للكارت، وحسيت الوضع اتحسن. وقالت: أنتي جبتي الكارت دا ازاي؟

هزيت راسي بفخر: هو اللي أدهالي.

فريدة: أكيد اداهولك من زنك وغبائك.

زعلت من وصفها ليا بالغبية دايما، وهزيت راسي: المقابلة هتبدأ بعد ساعة، بعد إذنك لازم أمشي.

فريدة قالت بصوت عالي: وقفتني! دي آخر فرصة ليكي يا ملك، لو مفيش تقرير عن المقابلة جالي على مكتبي النهاردة، اعتبري نفسك مرفوضة.

دموعي نزلت وأنا مكمله طريقي، والكل باصصلي. وأول ما خرجت جريت بسرعة علشان ألحق الباص اللي هركب فيه. كنت طول الطريق بدعي إن ربنا يوفقني وأخلص المقابلة على خير ومن غير أي مشاكل.

عربية فارس الشيخ وصلت قدام شركة فخمة جدًا، نزل من العربية واتجه للداخل بكل هيبة. قابلته بنت واقفة وماسكة في إيديها تابلت، وأول ما شافته قربت منه وقالت: حمدلله على السلامة مستر فارس.

فارس هز راسه وبدأ يبص لكل ركن في الشركة.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى