
شمس ابتسمت بغرور وقالت: طبعًا مني، الفرق شاسع أصلًا يا بابا.
راغب ضحك وبص لها من فوق لتحت بإعجاب شديد وقال: في دي معاكي حق.
شمس اتكسفت وبعدت نظرها عنه وقالت: طيب، انت فيه حاجة بينك وبينها؟
راغب قال: وانتي مالك؟ ما تاكلي وانتي ساكتة.
منيرة قالت: إيه يا ولاد؟ بتتوشوشوا في إيه كل ده؟
راغب لسه هيرد، جيه شاب وبقى يزعق ويقول: قولوا عايز أقابلو حالًا.
راغب بان الغضب على ملامحه أول ما سمع صوته، وزعق للخدم وقال: سيبوه يدخل. وقام واتوجه ناحية الباب بغضب.
إيناس قالت بقلق: إيه ده؟ ده صوت ماجد.
شمس مكانتش فاهمة أبدًا، ومنيرة قالت بقلق: عايز إيه ده؟ استر يا رب.
دخل شاب وسيم بملابس راقية وطلة جذابة، ده ماجد الراوي، عمره 28، هنعرف قصته مع الأحداث.
ماجد دخل بغضب شديد وقال: انت هتبطل حركاتك دي امتى؟ بتدخل في شغلي ليه؟ مش هتشيلني من دماغك بقى؟
راغب ابتسم باستفزاز وقال: أنا بمشي شغلي، مالي ومالك؟ وبعدين انت مين علشان أحطك في دماغي؟
ماجد قال بغضب: انت عارف كويس أنا مين، زي ما أنا عارف انت بتعمل كل ده ليه. انت مش قادر تنسى إن أبوك سابك انت وأمك علشان حب أمي واتجوزها كمان. مش قادر تنسى إني أخدت منك خطبتك اللي بتحبها.
راغب كان هينفجر من الغضب، بس حاول يبين العكس وقال باستفزاز: امممم، شوف يا ماجد، أنا هعتبر نفسي مسمعتش الكلام ده، لأني مقدر اللي انت فيه. انت هنا يا حبيبي علشان عارف إن أنا لو مشلتش إيدي من المناقصة عمرها ما هترسي عليك، بس لو طلبت مني باحترام انسحب، هنسحب علشان خاطرك.
ماجد اتنهد بغضب وقال بضيق شديد: طيب لو سمحت يا باش مهندس، المناقصة دي أنا دفعت فيها كل جهدي علشان ترسي عليا، فلو سمحت سبها. حلوة الصيغة دي؟
راغب بص لإيناس بانتصار، وهي نزلت راسها في الأرض وغضبت بشدة.
راغب ابتسم وقال ببرود: حلوة، بس مش هسبها.
هنا ماجد شاط من الغضب وقال: انت عايز إيه بالظبط؟ عايز إيه؟ ومسك في راغب، ومنيرة طلعت جري وشمس وراها.
ماجد قال بغضب وهو ماسكه: وديني لو ما بطلت تدخل في شغلي و…
بس قطع كلامه ووقف بانبهار لما شاف شمس واقفة جنب منيرة بخوف، فضل باصص عليها وساب راغب وصفر جامد وقال: إيه الجمال ده؟ هو فيه جمال كده؟
راغب التفت وشافه بيبص على شمس، قال بعصبية: لم نفسك وغور من هنا، بدال ما أناديهم يرموك رميه الكلاب.
ماجد قال بتوهان وهو لسه مركز في شمس: استنى بس، قولي جبت الحتة دي منين؟ أوووف، لعبت معاك المرادي. خد بالك منها بقى.
راغب لسه هيرد، إيناس قالت بخبث: لا لا يا ماجد، عيب، دي مش زي اللي بيجيبهم كل مرة، دي مراته.
ماجد رفع حاجبه وقال: مراته؟ انت من امتى بتتجوز؟ بس وقعت واقف.
راغب بقى كتلة من الغضب، مسكه من قميصه بعنف وقال وهو بيزقه: غور من هنا، اطلع بره أحسن ما اطلع بروحك.
ماجد بص لراغب قال بوقاحة: استنى بس، مراتك تجنن، متدهالي، وحلال عليك المناقصة و…
4
ماجد بص لراغب قال بوقاحة: استنى بس، مراتك تجنن، متدهالي، وحلال عليك المناقصة.
راغب اتنرفز بشدة وبقى قمة في الغضب، بص له بنظرة ترعب، وفجأة بوكس قوي ونزل فيه ضرب بقوة وعنف.
منيرة وإيناس وحتى شمس جريوا عليه وبقوا يبعدوه عنه، وماجد استغل محاولتهم وفلت منه، وبعد قال: انت قد اللي عملته ده؟ انت فاكر نفسك مين علشان تمد إيدك عليا؟ أنا هوريلك.
راغب كان متعصب جامد وقال بعصبية: غور من هنا لو باقي على حياتك، امشي، أقسم بربي أخلص عليك، غووور من وشي.
ماجد خاف منه ومن نظراته اللي كانت زي الرصاص، قال: طيب أنا ماشي، بس مش هعديهالك، وبكرة تشوف وتعرف انت مديت إيدك على مين.
ومشي تحت أنظار راغب اللي كان هيموت من الغضب، بص لشمس وقال بزعيق: الزفت ده لما يجي متظهريش قدامه خالص، فاهمة؟
شمس اتخضت من صوته وهزت راسها بحاضر تلقائيًا، راغب طلع أوضته بنرفزة، وشمس بصت لمنيرة وقالت: هو هو مين ده؟
منيرة اتنهدت وقالت: ده ماجد الراوي، منافس لراغب في الشغل. احم، مامتو كانت متجوزة طليقي، وهو طليق إيناس.
شمس بصت لها بدهشة وقالت: هي هي إيناس كانت متجوزة؟
منيرة اتنهدت وقالت: ده موضوع طويل يا بنتي، ممكن تروحي تشوفي راغب، هو بيكره الولد ده قوي، ممكن تفضلي جنبه.
شمس بلعت ريقها بخوف وقالت: مين؟ أنا؟
منيرة قالت: أنا عارفة إن بعد اللي عملو مش من حقي أطلب منك كده، بس أنا عرفاه، مش هيقبل يخليني جنبه، لو ممكن تحاولي معاه أبقى ممنونة ليكي.
شمس ابتسمت بخوف وقالت: احم، تمام، هطلع أهوه.
في الأوضة كان راغب قاعد بيشرب سجاير وبينفخ بعصبية وفي قمة غضبه.
شمس خبطت على الباب ودخلت على طول.
راغب بص لها بغضب وقال: أنا سمحتلك تدخلي؟
شمس خافت منه بس حاولت متبينش، قالت: مش محتاجة اخد إذن علشان أدخل أوضتي.
راغب بص لها بذهول وقال: أوضتك؟ امممم، ومن امتى الكلام ده بقى؟
شمس قالت: والله الكلام ده كلامك انت اللي قلت انتي مراتي ومكانك هنا.
راغب قرب منها بطريقة ترعب وقال: امممم، طبعًا طبعًا. طيب بما إني جوزك، مش المفروض نتمم جوازنا ونتشارك السرير زي ما بنتشارك الأوضة؟ ولا إيه؟ وشدها عليه من وسطها وقرب منها جامد.
شمس بلعت ريقها بخوف وزقته ورجعت لورا وقالت: بقولك إيه، الزم حدودك معايا، أنا غلطانة إني جيت أقف جنبك.
ولسه هتخرج، راغب مسك إيدها وقال: أنا مش محتاج لحد جنبي أبدًا، بس دي أوضتك طالما لسه على زمتي، وتقدري تفضلي لو حابة. وسابها وقعد على السرير بضيق شديد.
شمس بصت له باستغراب لما شافت الحزن في عيونه، ولسه هتكلمو، سمعت صوت تعرفه كويس بيقول: انتو يا عالم، يا زبالة، اطلعلي يا راجل يا ناقص، ابعد عني انت وهو، بنتي فين يا ناس يا عرة.
بقلمي زهرة الربيع
شمس قالت بصدمة: ماما!
راغب برق بشدة من كلامها ونزل لتحت زي الإعصار، وشمس كانت بتجري وراه خايفة على أمها.
منيرة طلعت وقالت للحرس: إيه ده؟ إيه ده؟ فيه إيه؟ سبوها. نعم حضرتك فيه إيه؟
فادية دخلت وقالت بغضب: في قلة أدب وقلة تربية، بنتي فين؟ لأوديكم في ستين داهية.
منيرة لسه هترد، راغب قال: اتفضلي ارتاحي يا مدام، بنتك بخير ومحدش قرب لها.
فادية لسه هتتكلم، شمس جريت عليها وحضنتها بقوة وبقت تبكي.
فادية شدتها عليها وقالت بدموع: بس يا قلب أمك، محدش يستاهل يا قلبي. أنا ياما قولتلك إنه ضعيف، مكنتيش تصدقيني يا شمس.
شمس كانت بتبكي وبس، وفادية هدتها وقالت: كفايه يا حببتي، يلا بينا، يلا نمشي.
وشدتها من إيدها هتطلع بيها، بس راغب قال: استني، عندك بنتك بقت مراتي شرعًا وقانونًا، مش هتروح مكان غير بإذني.
فادية بصت له بغضب وقالت: بنتي صحيح بقت مراتك بالقانون، بس عادي هطلقها منك. بس الشرع ده متجبش سيرته على لسانك، لأنك متعرفش حاجة عنه أصلًا. أنا بنتي لما وافقت وافقت على ابن عمها مش عليك يا باشا، فالشرع ده سيبو على جنب. يلا يا شمس.
بس شمس بصت لراغب وشافت نظراته اللي ترعب، وافتكرت تهديده، خافت جدًا على أمها، سابت إيدها وقالت: أنا هفضل عند جوزي يا ماما.



