روايات وقصص

شمس وقمري ل زهرة الربيع

ردت عليه بحزم وقالت: كفى! شمس قالت كده وبقت تبص له بغضب.

الكل بقى يبص بصدمة، ومنيرة ضربت على خدها بخوف وجريت عليهم. أما راغب بص لها بصدمة وغضب رهيب وهو بيقول: عملتي إيه؟ يا حيوانة! يا بنت الكا…

عمر بقى يحاول يبعده عنها، بس مكانش قادر عليه، وشمس وشها بقى أحمر وروحها هتطلع، ومنيرة كانت بتحاول تبعدو عنها وبتتحايل عليه، بس من غير فايدة، لحد ما قالت: والله لو ما سبتها لا أنت ابني ولا أعرفك.

راغب سابها بعنف وهو بينهج والغضب مسيطر عليه، وشمس وقعت على الأرض وأغمى عليها من التعب.

عمر نزل لمستواها وبقى يحاول يفوقها، بس راغب بص له بغضب وقال: سبها، ابعد عنها. وشالها وطلع بيها على الأوضة، ومنيرة قالت بعصبية: طلعها وتعالى، عيزاك.

راغب حطها في السرير وبص لها بغضب، وطلع دخل عند أمه وقال: نعم يا أمي.

منيرة وقفت بغضب وقالت: اللي سمعته بره صحيح؟ دي العروسة اللي روحت تحضر فرحها؟

راغب اتنهد وقال: أيوه، هي.

منيرة قالت بعصبية: ازاي تعمل كده؟ ازاي؟ انت روحت تبارك لهم ولا تخطف مراته؟

راغب اتنهد وقال: اهدي يا ماما، اقعدي لتتعبي، علشان خاطري اقعدي، وأنا هفهمك كل حاجة.

منيرة قالت بعصبية: مش قاعدة، ويارب أموت علشان مش قادرة أشوفك بتتحول لشخص معندوش ضمير ولا أخلاق. إيه اللي حصلك؟ انت عمرك ما كنت كده. يعني إيه اللي قلته لعمر؟ يعني إيه دفعت حقها؟ هي عروسة لعبة علشان تعجبك وتتفق عليها؟ هي ذمبها إيه، وخطيبها ذمبه إيه؟

راغب قال بهدوء: يا ماما، خطيبها لو كان بيحبها مكانش قبل. أول ما عرضت عليه الفلوس وافق على طول. لو كان فعلًا حبها مكانش وافق.

منيرة قالت بغضب: مش شرط، مش شرط أبدًا يا راغب. فيه ناس بتغريها الفلوس لأنها محتاجالها، فيه ناس بتحسب بالعقل قبل القلب. وحتى لو كلامك صح، هي بتحبو، أنا شوفت كسرة نفس والحسرة في عيونها. هي ذمبها إيه إنو طلع ضعيف زي ما انت بتقول؟ حرام يا ابني، حرام.

راغب اتنهد وقال: شوفي، انت عمرك ما هتفهمي، ولا هي كمان. انتو هتشوفو إن اللي عملته غلط في حقها، بس لما هي تفكر وتحسبها هتلاقي إني أنقذتها من إنها تفضل مخدوعة وفاكرة إن الشخص ده بيحبها ويبيع الدنيا علشانها. وهتفضل معايا فترة وهدفعلها هي كمان وتعيش حياتها، لأن الفلوس بس اللي هتنفعها، وهتقدر تلاقي ناس كتير بتتقرب لها لمصلحة زي مصطفى وغيره. عن إذنك.

راغب كان هيطلع، بس منيرة قالت: آه، فهمت. انت لسه على جنانك القديم. لو لسه بتحب إيناس لدرجاي؟ اهي قدامك، تتمنالك الرضا. ارضى وبلاش تعذب نفسك وتعذب غيرك.

راغب بص لها وقال بدموع وعصبية: أنا مش بحبها، أنا خلاص مبقتش أحبها ولا هحب أي واحدة تانية. أنا مش محتاج لأي ست في حياتي، أنا بقدر أعمل اللي أنا عايزه ومش ناقصني حاجة.

راغب مشي، ومنيرة قعدت مكانها بحزن شديد وقالت: ربنا يهديك يا ابني، ربنا يحميك من نفسك.

راغب طلع بعصبية على أوضته وزرع الباب جامد، وطلع للبلكونة يفكر، وبقى يدور في أفكاره لحظات كانت بنسباله مفيش أجمل منها.

فلاش باك

راغب: عارفة يا إيناس أنا بحس بإيه كل ما أشوفك؟

إيناس: بإيه يا قلبي؟

راغب قال بحب واضح في عيونه: بحس إنك عوض ربنا ليا، عوضني بيكي عن أي تعب عشته، وأي حاجة وحشة حصلتلي بنساها بنظرة واحدة من عيونك. انتي عندي أغلى من القصر والفلوس، وأغلى من نفسي كمان.

إيناس ضحكت وقالت: أنا كمان بحبك جدًا يا راغب، وانت بالنسبالي أغلى من كنوز الدنيا، وأغلى من عمري كله.

راغب فاق من شروده على صوت أنفاس مرهقة من شمس، اتنهد بألم شديد، واتحولت ملامحه لغضب مرعب، ودخل الأوضة وقال: صحيتي يا ست الحسن؟

شمس بصت حواليها وقالت بتعب: انت جبتني هنا تاني؟ أنا قولتلك عايزة أمشي من هنا.

راغب نفخ بغضب وقال: بقولك إيه يا بت، انتي حكاية امشي من هنا دي تنسيها خالص. أنا دافع فيكي مليون، مش عشرة جنيه، يعني مش هتمشي من هنا إلا لما أنا أحب إنك تمشي، فاهمة؟ ولازم تعرفي إني لولا إني دافع فيكي كتير مكنتش خليتك عايشة لحظة واحدة بعد اللي عملتيه تحت. أنا أمي ممدتش إيدها عليا يا جربوعة انتي.

شمس وقفت قدامه وقالت: واضح من غير ما تقول إنك عمرك ما اتربيت، لا من أم ولا من أب، ولا شوفت يوم واحد تربية. ولو أمك كانت أدتك القلم ده من زمان وربتك كويس، مكنتش ادتهولك.

راغب بص لها بغضب وقال: اسمعي يا بت انتي، أنا أقسم بالله جبت آخري منك، وعلشان متعودتش أدخل صفقة وأخسر فيها، هقولك على اتفاق يرضيكي ويرضيني. شوفي، انتي طبعًا عارفة أنا عايز منك إيه. أنا أديت خطيبك مليون جنيه، وجاهز أديلك الضعف، ومشي إيده عليها بوقاحة وقال: أنا إيدي فرطة واعجبك.

شمس بصت على إيده اللي بيحركها عليها، ابتسمت بطريقة غريبة، وهوب ردت عليه بحزم أقوى من الأول وقالت: أنا كمان إيدي فرطة واعجبك. أديني أديتك الضعف، وجاهزة أديلك تلت أضعاف كمان.

وهنا راغب بقى زي كتلة الجمر ومسكها من شعرها وقال: يا بت ال…

شمس زقت إيده وقالت: انت لسه شوفت حاجة. وفجأة بقت تصرخ بصوت عالي وتقول: الحقوني يا ناس، انجدوني يا خلق، حرام عليك يا باشا، يا باشا، حرام عليك يا لاااهوي.

بقلمي زهرة الربيع

راغب بص لها باستغراب شديد، لسه معملش حاجة ولا ضربها ضربة واحدة حتى. قال: بطلي زعيق، حوالينا ناس، متستهبليش. انتي مش في شارعكم الزبالة.

بس شمس بصت له وابتسمت وقالت بصراخ: يا خرابي، هيموتني يا باشا، حرام يا لااااهوي.

وهنا جات منيرة وإيناس والخدم اتلموا حوالين الأوضة.

منيرة أول ما دخلت قالت بخض: فيه إيه يا ولاد؟ مالكم؟ مالك يا حببتي؟

راغب بص لشمس بغيظ شديد ودهشة أشد من دموعها وطريقتها وقال: والله يا ماما ما جت جنبها، دي هي اللي بدأت. بس سكت لأنو مقدرش يقول إنها أوقفته تاني.

منيرة قالت: هي إيه؟ كمل. سكت ليه بقى؟ اسمع يا ابن منيرة، أنا سكتالك على اللي عملته مع الغلبانة دي على أمل إن ربنا يهديك، لاكن توصل إنك تحاول تقربلها بالعافية، مش هسمحلك، فاهم؟

راغب اتنهد بضيق وقال: معلش يا ماما، أنا غلطت، ودلوقتي هصالحها. حضرتك روحي ارتاحي، وأنا أوعدك إني هصلح اللي عملته. اتفضلي انتي ارتاحي لتتعبي.

إيناس قالت بغيظ: هو انتو مخليين حد يرتاح؟ دي الجيران جات تسأل فيه إيه، فهم مراتك إنها في أرقى منطقة سكنية، محدش هنا بيستحمل الصداع ده على الصبح.

راغب اتنرفز ولسه هيرد، شمس قالت: أنا عارفة أنا فين كويس، بس انتي اللي الظاهر مش عارفة انتي فين. انتي هنا في أوضة ابن عمك، يعني شخص أجنبي عنك، منتيش في حمامك علشان تقفي كده.

إيناس شهقت وقالت بغضب: هدوم إيه؟ هقول إيه لواحد بيئة زيك جابك من الحواري ومشيت؟ وهي هتموت من الغيظ.

منيرة ضحكت، وراغب كمان مقدرش يمنع ضحكته وقال: روحي انتي يا ماما، أنا مش هزعلها تاني، أوعدك.

منيرة قالت: طيب، اهو حلف مش هيزعلك تاني. أنا همشي، ولو ضايقك تاني ناديلي بس. تمام؟

شمس ابتسمت وقالت: تمام، شكرًا لحضرتك.

منيرة طلعت، وراغب بص لشمس بغيظ وقال: خلصتي المسرحية الجميلة بتاعتك؟ نتكلم جد شوية بقى. شوفي، أنا عايزك تعرفي مبدأيًا كده إن ولا أمي ولا أي مخلوق يقدر يحوشني عنك، وأقدر أخدك مكان تصرخي فيه براحتك لحد ما صوتك الحلو ده متقدريش تسمعيه، وميبقاش اسمي راغب الصفتي لو حد سمعك. تمام؟ بس أنا مش هعمل كده ليه بقى؟ لأني عايزك بمزاجك. أنا عمري ما أجبرت واحدة ولا هعمل كده معاكي، وهسيبك براحتك خالص لحد ما انتي بنفسك تعرفي إن عرضي هو الأنسب ليكي وتقبلي بيه.

شمس ابتسمت بسخرية وقالت: ده ممكن يحصل، بس في أحلامك.

راغب ابتسم وقال: لا، وهيحصل في الحقيقة كمان. واتحولت ملامحه لغضب مرعب وقال: أنا هسيبك لمزاجك، بس أقسم بالله لو ما احترمتي نفسك ولميتي إيدك اللي عايزة تقطعها دي، لأوريكي اللي عمرك ما شوفتيه. ماشي؟ ومتنسيش إن عندك أم غلبانة وعايشة لوحدها، ولازم تخافي عليها.

هنا شمس بلعت ريقها بخوف وقالت بتوتر: هتعمل إيه يعني؟ انت بتهددني؟

راغب قال: لو كنت عايز أهددك كنت أخدت اللي أنا عايزه بالتهديد وخلصت منك ومن لسانك، بس أنا مش هعمل كده. هسيبك لما تجيلي بمزاجك وتقوليلي معاك حق وتقبضي زي غيرك. بس في الفترة دي، لو عايزة أمك تفضل كويسة، لمي نفسك ومتطوليش لسانك ولا إيدك. ماشي يا حلوة؟

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى