
شمس أول ما شافته قالت: يا لهوي يا مصطفى، ده مديرك اللي عاتبته الصبح، واقف بنفسه يستقبلنا؟ أنا مكسوفة منه أوي، أكمني عاتبته، وهو هيخلينا في بيته؟
مصطفى قال بدموع: شمس، أنا عايز أقولك حاجة.
شمس قالت بكسلوف وعنيها بتلمع من السعادة: عرفاها، أنا كمان بحبك وبحبك كمان.
مصطفى نزلت دموعه وقال: لا، أنا عايز أقولك حاجة مهمة، بس وحيات سيدنا النبي ما تزعلي مني، أنا طول الطريق عايز أقولك ولساني مربوط.
بس قطع كلامه لما راغب فتح باب العربية وشددها من إيدها بقوة ونزلها من العربية بالعافية.
شمس اتفاجات جدًا واتسعت عنيها بشدة بلونهم الزيتوني الرهيب.
راغب ركز فيها وقال: ما أجمل عينيك، مش طبيعية.
هنا شمس قالت بعصبية: انت اتجننت يا جدع؟ سيب إيدي، إيه اللي بتعمله ده؟ فيه إيه يا مصطفى؟
مصطفى نزل راسه في الأرض ومردش، وراغب قال بجمود: روح انت، مهو مش معقول مليونير زيك هيفضل يشتغل بواب، مش كده ولا إيه؟
مصطفى هز راسه ولسه هيركب العربية، شمس قالت بعصبية وذهول: استني، انت رايح فين وسايبني؟ وازاي سايبو يمسكني كده؟ كلمني يا مصطفى، فيه إيه؟
راغب قال ببرود: أنا أقولك أنا. أنا اتفقت معاه على مبلغ، وأصبحتي زوجتي بموجب الكتاب. مبروك يا حلوة.
2
تم الاتفاق، وخطيبك وافق، وأصبحتي زوجتي. مبروك يا حلوة.
شمس كانت مصدومة بطريقة فظيعة من اللي راغب قاله، كانت مش مستوعبة اللي بيتقال أصلًا، فضلت مبرقة جامد ومش قادرة تتكلم، وأخيرًا قالت: إيه؟ بيقول إيه؟ ده مصطفى، يلا يلا بينا من هنا يا مصطفى، أنا مش عايزة أقعد هنا أصلًا، مديرك ده مجنون، يلا يلا يا مصطفى يلا.
مصطفى كان واقف مكانه ونزلت دموعه وقال بحرج شديد: أنا آسف، سامحيني.
شمس بصت له بذهول وقالت بصدمة: أسامحك؟ يعني إيه؟ يعني إيه أسامحك؟ ها؟ وقالت بصراخ: يعني إيه أسامحك؟ رد عليا.
مصطفى دموعه كانت بتنزل ومكسوف منها، وشمس كانت بتبص له بخيبة أمل شديدة، ونزلت دموعها بغزارة، وفجأة أغمى عليها من شدة الصدمة.
مصطفى اتخض وجري عليها وبقى يقول بدموع: شمس، شمس، ردي عليا، ردي عليا، أنا آسف، آسف يا حببتي، آسف والله.
هنا راغب دخل وزقه وقال: متقربلهاش، انت نسيت إنها مراتي؟ ونسيت تلتزم حدودك يا شاطر؟ انت شغال عندي بقالك كتير وعارفني كويس.
مصطفى وقف وهز راسه بخوف ودموع، وراغب شال شمس ودخل بيها وهو بيقول بصوت عالي: يلا روح، انت خلاص وصلت العروسة وعملت اللي عليك.
مصطفى مشي وهو بيبكي وبيلوم نفسه، ومش قادر ينسى نظراتها ليه.
في القصر، راغب طلع على طول على أوضته لأن الوقت متأخر، وكل اللي في القصر نايمين. دخل أوضته وحطها على السرير وبص لها بابتسامة سخرية، ودخل ياخد دش.
نستوب بقى زي العادة، لازم نعرف شوية عن الحلوين دول. أولًا راغب الصفتي، مهندس معماري ومدير شركات ومصانع معمارية، من أغنى أغنياء البلد، شاب جميل جدًا وكاريزما طول بعرض، عمره 30 سنة، والده منفصل عن والدته، وعايش مع والدته. والباقي هنعرفه عنه مع الأحداث.
ثانيًا شمس الشيمي، بنت من أسرة فقيرة، وطبعًا زي ما عرفتوا ملهاش غير أمها وعيلة عمها، بنت محظوظة جدًا من الناحية الجمالية، جسمها متناسق وعيونها زيتوني تبهر، وشعرها طويل زي سلاسل الدهب، عمرها 18 سنة، كانت حلم جميع سكان حارتهم، بس هي اختارت ابن عمها اللي بتحبه، حسرة عليها.
وطبعًا باقي الأبطال هنعرفهم مع الأحداث.
نرجع بقى لراغب، طلع من الحمام وراح علشان ينام، اتنهد بضيق لما شاف شمس نايمة على السرير. قال: أووف، أنا نسيت. طيب أنا هنام ازاي دلوقتي؟ وقرب عليها بقى يحاول يفوقها، بس مفاقتش.
فتح الدلاب واخد لها حاجة تلبسها.
في صباح يوم جديد، شمس قامت من النوم وفتحت عنيها ببطء، بس اتسعت عنيها بدهشة وصدمة لما شافت راغب نايم جنبها، وفجأة صرخت بصوت عالي جدًا.
راغب قام من النوم مفزوع وقال: فيه إيه؟ إيه اللي حصل؟
شمس شدت الغطا عليها وبعدت لآخر السرير وقالت برعب: أنا فين؟ إيه اللي جابني هنا؟
راغب اتنهد بارتياح وقال: حد يصحي حد كده؟ قطعت الخلف حاجة مزعجة على الصبح. راغب قال كده بعصبية ووقف واخد هدوم ودخل الحمام من غير ما يرد عليها.
بعد شوية خرج، وبقى يطلع هدوم من الدلاب.
شمس قالت بزعيق: أنا هنا بعمل إيه؟ أنا عايزة أمشي من هنا.
راغب قال ببرود من غير ما يبص لها: غريبة يعني، مغمضتيش عنيكي وعملتي مكسوفة؟
شمس قالت بعصبية: لآخر مرة هقولك، عايزة أمشي من هنا.
راغب قال بضيق: تمشي ازاي؟ انتي مراتي، يعني مكانك مع جوزك.
شمس قالت بعصبية وأكبر زعيق: متقولش جوزك، انت مش جوزي، مش جوزي، انت مجنون ولا متخلف؟ أنا امتى اتجوزتك؟
راغب اتنهد وقال وهو بيلبس: شوفي يا شاطرة، أنا دفعت لابن عمك مقابل إني أكتب الكتاب بدالو، وده اللي تم. كل ما تتقبلي الوضع أسرع يكون أحسن ليكي. وبص لها بصه ترعب، وكمل بغضب وقال: أصل أنا خلقي ضيق حبتين، فمتخلنيش أتعاملك بطريقة مش هتعجبك خالص، فاهمة؟
شمس قالت بزعيق أشد: لا مش فاهمة، مش فاهمة حاجة. انت مش جوزي، أنا هوديكم في داهية، انت والجبان التاني، والله لأوريكم. وراحت ناحية الباب هتخرج، بس وقفت لما راغب قال بسخرية: على فين؟ هتنزلي بلبسك ده؟
شمس بصت لنفسها واتفاجات، صرخت وقالت: أنا فين فستاني؟ مين غيرلي؟ انت ازاي سايبني كده؟ كده حرام، أفهم فين طرحي و…
بس راغب قاطعها بضحكة عالية وقال: هي المشكلة في الطرحة يعني؟ والباقي سترو على الله. على العموم أنا مش فاضي ورايا شغل، انتي اقعدي مع نفسك كده وكرري الجملة دي: أنا مرات راغب وراغب جوزي. يمكن تتعودي عليها وتحفظيها.
راغب مشي، وشمس قعدت على السرير والدنيا بتدور بيها، مش مصدقة اللي حصل. امبارح كانت بتخطط لحياتها مع مصطفى، ازاي عمل فيها كده ورماها بالشكل ده؟ معقولة يكون قبض تمنها فعلًا؟ ألف سؤال بيدور في دماغها. حطت اديها على وشها وبقت تبكي بألم ووجع شديد.
راغب نزل، وكانت فيه ست في الخمسينات بملامح هادية وملابس راقية، دي منيرة هانم والدة راغب، كانت قاعدة بتشرب قهوتها.
راغب قرب باس راسها وقال: صباح الخير يا ست الكل، نمتي كويس؟
منيرة ابتسمت وقالت: صباح العسل يا قلبي، الحمد لله نمت كويس، فضلت مستنياك كتير ترجع من الفرح، بس طولت. ها قولي بقى، عروسة مصطفى حلوة؟
راغب ابتسم وقال: اهي واحدة زي أي واحدة.
منيرة ابتسمت وقالت: عقبال ما تفرح قلب أمك انت كمان وتجبلي عروسة حلوة وأشوف أولادك يا راب.
راغب قال بتوتر: احم، آه، ما أنا هقولك، هو أنا امبارح كنت…
بس قطع كلامه على نزول بنت جميلة بجسم ممشوق ولبس استايل بيظهر كل مفاتنها، دي إيناس الصفتي بنت عم راغب، عمرها 25 سنة، نزلت بكل ثقة وقعدت على الفطار وقالت: صباح الخير يا طنط، صباح الخير يا راغب.
راغب بص في أكله وقال بضيق: صباح النور.
منيرة قالت: صباح الخير يا حببتي، هتروحي الشركة انهارده؟
إيناس قالت: هشوف راغب، انت رايح؟ لو رايح نروح سوا.
راغب بص لها بضيق وابتسم وقال: لا، أنا انهارده أجازة، هقعد مع عروستي.
بقلمي زهرة الربيع
منيرة شرقت وهي بتشرب، وإيناس فضلت بصالو بصدمة وقالت: إيه؟ عروستك؟ عروسة إيه؟
منيرة قالت: انت اتجوزت يا راغب؟ امتى؟
راغب بص لها وقال: اتجوزت امبارح، عروسة حلوة أوي هتعجبك يا ماما.
منيرة قالت بذهول: امتى يا حبيبي؟ انت مش امبارح كنت معزوم في فرح مصطفى البواب؟ امتى اتجوزت و…
راغب ابتسم أول ما شاف شاب داخل القصر، قال بسرعة: أهلًا يا عمر، أنا كنت مستنيك. عن إذنك يا ماما، ورايا شغل مهم، نتكلم بعدين. وشد عمر وطلع بيه على الجنينة.
عمر شاب جميل بملامح وسيمة، عمره 27 سنة، صاحب راغب جدًا وبير أسراره. قال: طيب استنى، أسلم على طنط.
راغب شده بسرعة وقال: تسلم عليها بعدين، انت جتلي نجدة من السما، تعالى هنشرب قهوة بره.
راغب اخد عمر الجنينة وسابهم مصدومين بشدة ومش فاهمين حاجة أبدًا.
في الجنينة كان عمر مبرق بدهشة وقال: اتجوزت ازاي؟ قصدي امتى؟
راغب قال ببرود: أصل أنا كنت رايح أحضر فرح مصطفى البواب بتاعنا، هو عزمني وأصر، وماما قالت متكسفوش. بس إيه يا عم يا عمر، طلعت قدامي بنت لافتة جدًا، حاجة من الآخر، بس لسانها حاد شوية. حلفت أضمها للستة، تطلع مين بقى؟
عمر قال باستغراب: مين؟
راغب قال بضحك: تطلع العروسة.
عمر برق بشدة وقال: إيه؟ عروسة مصطفى؟
راغب قال: اممم، هي خسارة فيه.
عمر قال: وبعدين؟
راغب قال ببساطة: بس ولا قبلين، دفعت له مبلغ واتفقنا.
هنا عمر بقى في قمة الذهول ومش مستوعب أبدًا، قال: لا معلش، مفهمتش، دفعت لمين واخدت إيه؟
راغب اتنهد وقال: إيه؟ بتكلم صيني؟ دفعت لمصطفى واتجوزت أنا. خطبتو هي تمنها؟ طلع متسرع شوية، بس هي تستاهل، وهو كمان تسرع في الموافقة. لو كان فاوض شوية كنت دفعت أكتر، أصل أنت مشوفتهاش.
بس عمر وقف وقال بغضب: بس بس، انت إيه اللي بتقولو ده؟ انتو ازاي عملتو كده؟ إيه التصرف ده؟
راغب ضحك وقال: اهدى واقعد بس. إيه؟ غيرتلك مفاهيمك؟ ما أنا دايمًا أقولك الفلوس تشتري أي حاجة، كنت تقلي لا يا راغب، الفلوس متشتريش الناس. اهي اشترت، وفرز أول كمان. لما اتشوفها هتتأكد.
عمر قعد بصدمة وقال: راغب يا حبيبي، أنا عارف إن اللي حصل معاك صعب، تمام، أنا معاك، بس ينفعش لمجرد إنك اتأذيت تفضل تأذي اللي حواليك؟ ينفعش. البنت ذمبها إيه؟
بقلمي زهرة الربيع
راغب قال: ولا حاجة، من امبارح مصدومة شوية، كمان هتهدى وتفكر وتقبض هي كمان، ونعيش يومين حلوين وتمشي زي اللي قبلها وبس.
عمر قال: وبس إيه؟ وبعدين؟ اشمعنى دي اللي اتجوزتها؟ ما طول عمرك مقضيها مع أي واحدة تعجبك من غير جواز، اشمعنى دي؟
راغب ضحك وقال: أصلها بنت عمه يا سيدي، شرفو نقح عليه وقال لازم أكتب عليها، فوافقت. أصل مشوفتهاش، حاجة لافتة، مستحيل أسبها. أنا الحاجة اللي تعجبني بخلص على طول، انت عارفني.
عمر لسه هيرد، نزلت شمس زي الإعصار من فوق، ومنيرة حاولت تكلمها، بس هي خدت في وشها وطلعت على بره، وكانت مكملة هتخرج من القصر كله، وهي متجاهلة راغب اللي كان بينادلها.
راغب جري عليها ومسكها من إيدها بقوة وقال: رايحة فين؟
شمس بصت له بغضب وقالت: مروحة بيتنا، ابعد إيدك عني.
راغب ضحك وقال: والله مروحة؟ طيب سلميلي على الكل بقى، وعلى مصطفى. ها. وبص لها بصه ترعب وقال: ارجعي الأوضة أحسنلك، متخلينيش أعصب عليكي.
شمس زقت إيده بعصبية وقالت: انت اللي متطلعش أجناني عليك. أقسم بالله أرمي بكرامة اللي خلفوك الأرض، أوعى من سكتي.
شمس كانت بتزعق بقوة، والكل واقفين، حتى الخدم والجناينية وكل اللي في القصر. راغب قال وهو هيفرقع من الغيظ: اطلعي لوحدك بدال ما اطلعك متكسحه.
عمر قال: اهدى يا راغب، مش كده يا جماعة، بهدوء.
راغب مسك إيدها ولفها وقال لعمر: سيبك من زنها. ها، إيه رأيك؟ دفعت فيها مبلغ، تستاهل، مش كده؟
هنا شمس بصت له وعنيها بتطلع نار، وأوقفنه عند حده وقالت بضيق: كفى! اخس على اللي كتبك راجل في البطاقة.
3




