روايات وقصص

شمس وقمري ل زهرة الربيع

مصطفى قال بحزن: موافق، بس دي بنت عمي ووالدها متوفى، ومسؤولية مننا.

راغب ابتسم ابتسامة جانبية وقال: خلاص فهمت، هكتب عليها.

بقلمي زهرة الربيع

مصطفى قال: تمام يا باشا، حلال عليك، انت هتطلقها امتى يعني؟

اتقدم راجل في الستينات، ده محسن أبو مصطفى، قال بلهفة: أيوه يا باشا، أنا عمها وعملالي توكيل.

راغب لبس نضارته ووقف وقال: تمام، هاجي بالليل نخلص.

محسن قال بلهفة: والفلوس هتكون معاك، مش كده؟

راغب بص لهم بضيق وقال: طبعًا. ومشي وهو بيقول: غريبين بجد. ولسه هيخرج التفت لهم وقال: هي اسمها إيه؟

مصطفى قال بحزن: شمس، شمس يا باشا.

راغب ابتسم بمكر شديد وقال: شمس، امممم، مش بطال.

في شقة بسيطة، كانت شمس بترسم الحنة على اديها، وحواليها صاحباتها. وجات ست في الأربعينات، دي فادية والدة شمس، قالت: بقى أبعثك تيجيبي شوية حاجات من عند العطار اللي جنبنا، تاخدي ساعة ونص يا شمس، امتى هتلحقي تخلصي رسم وتجهزي؟

شمس قالت: اسكتي يا أما متفكرنيش، ده أنا كنت هرتكب مشكلة كبيرة انهارده.

فادية قالت بقلق: ليه بقى إن شاء الله؟

شمس قالت بضيق: أنا ومعدية الشارع، شوفت واحد راكب عربية قد بيتنا ده، وزي ما يكون مشتريها جديد وفرحان بيها، طايح في خلق الله ولا همه. بس إيه؟ اتصرف بطريقة غير لائقة مع الناس.

فادية اتنهدت بيأس وقالت: تاني مشكلة يا شمس؟ وانتي مالك يا بنت؟ تنشكي ليه؟ ما يطيح هو قربلك ولا جيه جمبك يا بنت مرزوق.

شمس قالت: مقربليش، بس كان هيتسبب في إيذاء بنت جارتنا، اسكتلو.

صاحباتها قالوا بضحك: لأ طبعًا.

شمس قالت: اهو ده اللي عملته، مسكتلوش، روحت عاتبته عتابًا شديدًا ومشيت. أوم إيه البجح عاكسني، اسكتلو.

أمها قالت بتريقة: لا ودي تيجي، لازم أجيب لأمي مصيبة.

شمس قالت: اهو ده اللي قلته بالظبط يا فوفا، روحت أوقفته قدام الناس، بس فيه مشكلة صغيرة.

فادية قالت بخوف: اتحفيني يا روح أمك.

شمس بخوف وتوتر: طلع يعرف تيفا خطيبي.

فادية قالت: منك لله يا بعيدة، واحد من صحابه يعني؟

شمس قالت بسرعة: لا لا لا، متقلقيش يا ماما، مش صاحبه الحمد لله. وكملت بخوف وقالت: طلع صاحب القصر اللي مصطفى شغال فيه.

بقلمي زهرة الربيع

فادية برقت بصدمة وقالت بخوف: يا نهار أبوكي أسود، هتخسري الراجل قبل ما يتجوزك؟ يقولوا عليكي إيه دلوقتي؟ نحس بومة.

الرسامة قالت: خلصت.

وشمس قامت حضنت أمها وقالت: يقولوا اللي يقولوه بقى يا فوفا، افرحي بقى، بنتك انهارده هتتجوز وهتخلصي منها.

فادية حضنتها بحب وقالت: على عيني والله يا قلب أمك، انتي عارفة أنا لو عليا مش عايزة أجوزك خالص، وكان نفسي تستني تكملي جامعتك، يمكن حظك يبقى أحسن من حظ أمك.

شمس باستها وقالت: أنا مبسوطة أوي كده يا ماما، أنا ومصطفى بنحب بعض قوي، وأنا متأكدة إن ربنا هيكرمه وهيبقى أحسن واحد في الدنيا كلها.

فادية قالت: ربنا يهنيكم يا قلبي ويكتبلك الخير كله.

بالليل كتبوا الكتاب، وراغب قال لمصطفى: أنا راجع القصر، خلص انت وهاتها ورايا.

مصطفى هز راسه بحاضر، وطلع على بيت عمه في نفس العمارة علشان ياخد شمس.

شمس كانت جهزت ولبست فستان الفرح، وكانت قمر بمعنى الكلمة. قالت: حلوة كده يا ماما؟

فادية قالت بحب: قمر يا قلب أمك، انتي أنا الصراحة الأول كنت زعلانة إنك مرحتيش كوافير زي كل بنات الحارة، بس انتي طلعتي قمورة ومش محتاجة تتزوقي أصلًا، ربنا يحميكي من العين.

شمس قالت بابتسامة: معلش يا ماما، أنا عارفة إنك نفسك أروح كوافير وألبس فستان غالي ويبقالي شقة، بس انتي عارفة ظروف مصطفى، بس ربنا يكرمه وهنعوضها في حاجات أحسن.

فادية قالت بحزن: طيب يا حببتي، خليكم في شقة عمك اللي تحت، أو خليكم معايا هنا، مش أحسن ما تروحي حتة منعرفهاش؟

شمس قالت: تحت فين بس يا ماما؟ ده عمي ومراته مفيش لهم أوضة هيدونا. احنا أوضة، وهنا كمان مش ينفعش، انتي عارفة مصطفى بيتكسف. وبعدين احنا هنروح مكان حلو قوي، أصل البيه اللي مصطفى شغال عنده اداله أوضة في الجنينة تحفة، هنفضل هناك لحد ما ربنا يفرجها، واهو يبقى جنب شغله.

فادية اتنهدت وقالت: المهم تبقى مبسوطة.

شمس قالت: أوي أوي يا ماما، انتي متعرفيش أنا بحب مصطفى قد إيه.

فادية لسه هتتكلم، سمعت خبط على الباب، فتحت وكان مصطفى.

مصطفى قال: مساء الخير يا مرات عمي.

فادية بفرحة: خلاص بقى، بقيت حماتك.

مصطفى ابتسم ابتسامة بسيطة وقال: أمال العروسة فين؟

طلعت شمس من الأوضة، وأول ما مصطفى شافها انبهر بجمالها، وفضل مثبت نظره عليها، بس فاق على صوت فادية بتقول: احم احم، مش وقت تأمل، كلها دقايق وتبقوا لوحدكم وتسرح فيها براحتك.

مصطفى اتنهد بحزن وقرب منها وقال: طالعة حلوة قوي بالفستان يا شمس، تجنني.

شمس ابتسمت بكسلوف وقالت: انت أحلى يا مصطفى، حلو أوي في البدلة.

مصطفى ابتسم بالعافية وقال: عجبتك البدلة؟

شمس قالت بكسلوف: انت اللي عاجبني يا مصطفى، حلو في أي حاجة.

مصطفى بص لها بحزن شديد وقال: طيب، يلا بينا.

شمس قالت بفرحة: يلا.

وطلعت معاه وسط زفة أهلها وأصحابها والزغاريد اللي ملت المكان، وركبوا العربية المزينة مخصوص للعرسان، وطلعوا على القصر.

أول ما وصلوا كان راغب في الجنينة مستنيهم.

السابق1 من 7
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى