
ابتعدت عن أمي سريعًا ومسحت دموعي بطرف كفي، لكن أدهم كان قد لاحظها بالفعل. اقترب منا بخطوات سريعة، ثم جلس على المقعد المقابل لي مباشرة، ونظر إلى أبي بترقب:
ـ خير يا عمي، حصل حاجة كبيرة؟
أجابه أبي بلهجة لا تزال تحمل آثار الصدمة والذهول:
ـ غفران جاية من بيت جوزها وبتقول بكل ثقة إنها مش عايزة تكمل حياتها مع مراد نهائيًا.
نظر أدهم إليّ طويلًا، ثم سحب مقعدًا آخر وجلس أمامي عن قرب، وقد تبدلت ملامحه تمامًا حين أدرك بذكائه أن الأمر أكبر بكثير من مجرد خلاف عابر أو مشادة كلامية بسيطة بين زوجين.
ـ احكيلهم كل حاجة يا غفران من غير إخفاء، طلعي اللي جواكي كله من غير ما تخافي إن حد يزعل، ولا تحاولي تبرري لحد على حساب نفسك وكرامتك. قولي لهم الحقيقة، قولي لهم إن مراد اتجوز عليكي في السر، وإنه مقعد مراته الجديدة معاكي في نفس الفيلا، وإنه امبارح بكل كبرياء كنتِ واقفة في حفلة كبرى المفروض إنك فيها مرته الأولى، وهو سايبك لوحدك كأنك غريبة لا تعرفيه ولا يعرفك، وماشي يتباهى ويعرف الناس على مراته الجديدة وكأنك غير موجودة أصلاً!
اتسعت عينا أبي بذهول مرعب، وانتقلت نظراته الحادة بيني وبين أدهم وكأنه ينتظر مني تكذيبًا قاطعًا لما سمعه لتوه، بينما أمي أطرقت برأسها نحو الأرض في صمت ثقيل ومطبق. كانت تعرف الحقيقة، فقد أخبرتها بذلك من قبل في إحدى المكالمات بزواج مراد من شذا، لكنها لم تكن تتخيل أبدًا أنني وصلت إلى هذه المرحلة القاسية من الألم النفسي، ولم تتخيل أنني سأقف يومًا أمام أبي وأطلب إنهاء زواجي بهذا الشكل النهائي.
ـ إيه الكلام الخطير ده يا أدهم؟ مراد اتجوز على غفران؟!
خرج السؤال من فم أبي مصحوبًا بصدمة عارمة لم أره عليها من قبل طوال حياتي، فالتفتُّ إليه ببطء، وحاولت جاهدة أن أتماسك، لكن دموعي كانت أسرع مني. لم أعد أملك القدرة نهائيًا على إخفاء الحقيقة المرة أو تجميلها كما اعتدت أن أفعل طوال الشهور الماضية، ولم أعد أريد أن أقول إن الأمر عادي وطبيعي، أو إن مراد له أسباب مقبولة، أو إنني قادرة على التحمل قليلاً بعد.
ـ أيوه يا بابا، مراد اتجوز شذا، وعايشة معايا في نفس الفيلا كأنها صاحبة المكان، وأنا اللي كنت طوال الفترة اللي فاتت دي بحاول أقنع نفسي إن الموضوع ممكن يعدي وإنها مجرد نزوة عابرة، وإنه مهما عمل، أنا لازم أتصرف بإيجابية كأن مفيش حاجة حصلت أبدًا عشان أحافظ على بيتى وزواجي.
نهض أبي من مكانه بغضب شديد، ثم عاد وجلس مكانه كأنه لم يجد ما يفعله من شدة الغليان والصدمة التي ضربت كيانه:
ـ وإنتِ كنتِ ساكتة على قلة الأصل دي كلها ليه؟! إزاي تقبلي بحاجة مهينة زي دي على نفسك؟ وإزاي ما جيتيش تحكيلي من أول يوم عرفتي فيه بالمهزلة دي؟!
مسحت دموعي المنسابة بكفي يدي، ونظرت إليه بعينين أنهكهما كتمان طويل وليالي طويلة من السهر والألم الصامت.
ـ كنت فاكرة إني لو سكت واستحملت، هقدر أحافظ على بيتي وأحمي حياتي يا بابا. كنت بقول لنفسي إن مراد مهما مال أو تغير، أنا مراته الأولى، وإنه في يوم من الأيام هيفتكر عشرتي وهيعرف إني موجودة، وهيحس بقيمتي. بس كل يوم كان بيعدي، كنت بحس إني بخسر نفسي وروحي أكتر وأكتر لحد ما ما بقاش مني حاجة.
تدخل أدهم مجددًا، وقد بدا الغضب الساطع واضحًا وجليًا في نبرة صته القوية:
ـ الموضوع مش إنه اتجوز ودارى وبس يا عمي. اللي حصل ويوميات الفيلا أبشع من كده بكثير؛ مراد قرر يعيشها وسط غفران بشكل مستفز، ويعامل غفران كأنها مالهاش أي قيمة أو وجود في البيت. حتى الخدم والحرس اللي في الفيلا بقوا مش بيسمعوا كلامها ولا بينفذوا طلباتها البسيطة، وبقت قاعدة في أوضتها بالساعات الطويلة وكأنها محبوسة فيها سجن كبير، لا ليها كلمة نافذة في بيتها ولا حتى إحساس بسيط بأنها صاحبة مكان فيه!
رفع أبي عينيه إليّ ببطء شديد، وكأن كل كلمة قاسية يسمعها تضيف إلى صدمته جعمًا عميقًا وجرحًا جديدًا ينزف.
ـ الكلام الخطير ده حقيقي يا غفران؟ الخدم مش بيسمعوا كلامك ولا بينفذوا أوامرك؟! وإنتِ قاعدة في أوضتك خايفة ومش قادرة تتحركي في بيتك بحرية وراحتك؟!
أومأت برأسي إيجابًا بطريقة ضعيفة، ولم استطع نطق حرف واحد للحول الذي أصابني لبرهة. لم يكن من السهل أبدًا على ابنة مثلي أن تعترف لأبيها بأنها أصبحت غريبة مطرودة في بيتها الخاص، وأنها كانت تخرج من غرفتها بحذر شديد وخوف، وأتجنب أي احتكاك مباشر بشذا، وأبتلع كل إهانة صغيرة تتراكم يومًا بعد يوم حتى صارت حياتي كلها عبارة عن إهانة واحدة طويلة بلا إنسانية.
ـ أيوه يا بابا، حقيقي. في الأول كنت بحاول أتعامل عادي جداً، وأطلب من الخدم يعملوا اللي محتاجاه للبيت، لكن لما شذا فرضت سيطرتها وبقت موجودة في كل مكان، كل حاجة اتغيرت جذرياً. بقيت أحس إنهم بيستأذنوا منها هي شخصياً قبل ما ينفذوا أي طلب لي، وإن أوامري مبقتش مهمة ولا مسموعة زي أوامرها. ولو فكرت أتناقش أو أتكلم، كنت بخاف مراد يعرف ويعمل مشكلة ويقول إني ست نكدية بدور على المشاكل، فكنت بسكت تمامًا وأدخل أوضتي أبلع قهري.
ارتجف صوتي بشكل واضح وأنا أتابع سرد التفاصيل المؤلمة، وقد عادت إليّ شريط ذكريات الأيام الوحيدة التي قضيتها وحدي بين أربعة جدران، أسمع ضحكاتهم وأصواتهم تعالي في أرجاء الفيلا بينما أبقى أنا وحيدة خلف باب غرفتي المغلق، أتظاهر بالانشغال الشديد أو النوم المزيف حتى لا يضطر أحد لسؤالي عن سبب انعزالي القسري.




