
ـ بقيت بحس إني مجرد ضيفة ثقيلة في بيتي يا بابا، ويمكن ضيفة غير مرغوب فيها كمان. حتى امبارح في الحفلة الضخمة، مراد كان بيلف بشذا في كل مكان ويعرف الناس عليها بكل فخر، ويقول لهم إنها مراته الحبيبة، وأنا واقفة بعيد، محدش من الحاضرين بيسألني أنا مين ولا أنا بالنسبة له إيه. كنت مراته قدام القانون وعلى الورق القديم، لكن تصرفاته وتهميشه المباشر كان بيقول للكل إني واحدة غريبة عنه لا تعنيه في شيء.
ضرب أبي بكفه القوية على ذراع المقعد الخشبي، فانتفضت أمي من مكانها بفزع من شدة انفعاله.
ـ كفاية يا غفران! كفاية كلام يجيب القهر! أنا مش قادر أصدق لحد دلوقتي إن مراد الحقير ده عمل فيكي كل العمايل دي، وإنتِ كنتِ ساكتة ومستحملة كل ده لوحدك! ده إنتِ بنتي، بنتي الوحيدة اللي ربيتها بدموعي وعمرها ما مدت إيدها لحد ولا قللت من قدر نفسها أو كرامتها عشان أي مخلوق في الدنيا!
انفجرت صاخبة بالبكاء الحاد، لا لأن أبي رفع صوته الغاضب، بل لأنني للمرة الأولى منذ زواجي البائس شعرت حقاً أن هناك من يرى بصدق ما حدث لي، وأنني لست مضطرة بعد الآن لشرح ألمي الداخلي باعتباره أمرًا تافهًا يمكنني تجاوزه بابتسامة صفراء باهتة.
اقتربت أمي مني بسرعة وربتت على كتفي المرتجف بحنان، ثم التفتت إلى أبي محاولة تهدئة روعه وثورته العارمة:
ـ طيب، ارجووك اهدا بس يا أبو غفران، إحنا لازم نفكر بعقلانية وحكمة، مش بعصبية. الطلاق مش لعبة سهلة وخطوة كارثية، ومراد مهما حصل في النهاية يظل جوزها، ويمكن نكلمه ونفهم منه أبعاد الموضوع، ويمكن يصلح اللي خربه ويهديه ربنا. مش لازم ناخد قرار مصري وإحنا في قمة غضبنا وعصبيتنا.
استدار أبي نحوها بسرعة، وقد تغيرت ملامحه تمامًا، ولم يعد غضبه العنيف موجهًا إلى مراد وحده، بل امتد ليشمل فكرة أن نطلب من ابنتنا أن تتحمل أكثر مما تستطيع النفس البشرية احتماله.
ـ نسكت إزاي وتقولي لي نهدا يا هانم؟! نفكر في إيه بعد ما فات الأوان؟! البنت دي كانت بتتقطع من جواها ونحنا نسألها في التليفون عاملة إيه، وهي تضحك في وجهنا وتقول الحمد لله كذبًا! جوزها اتجوز عليها في السر وعاشر مراته الجديدة معاها في نفس البيت، وبيهمشها لدرجة إن الخدم والعمال نفسهم بقوا مش عاملين لها أي حساب، وإنتِ بكل برود بتقولي لي نكلمه ونشوف يمكن يصلح اللي فسده؟!
حاولت أمي أن ترد وتدافع عن موقفها، لكنه لم يمنحها حتى فرصة للتنفس.
ـ إنتِ كنتِ عارفة إنه اتجوز عليها من البداية، صح يا أم غفران؟! اعترفي!
ارتبكت أمي بشدة، ونظرت إليّ بخوف قبل أن تعود بعينيها المتسعتين إليه:
ـ أيوه، غفران كانت قالت لي في سرها، بس أنا وقتها كنت فاكرة وهماً إنها هتقدر تتعامل مع الموضوع باحترافية وإنها مجرد نزوة عابرة وهتعدي، وكنت خايفة عليها بجد من المجتمع ومن مرارة الطلاق وعواقبه، ومن كلام الناس اللاذع، ومن إنها ترجع بيتنا وجوازها يتدمر وينتهي..
قاطعها أبي بصوت هادر هز أركان المنزل كله:
ـ إزاي هانت عليكي ضنايا وبنتك؟! إزاي طاوعك قلبك تسكتي على الظلم ده كله؟!
ساد الصمت المطبق أرجاء المكان، حتى أمي التي اعتادت في كل موقف أن تجد الكلمات المناسبة لتهدئة الغاضبين لم تستطع النطق بكلمة واحدة دفاعًا عن نفسها.
تابع أبي حديثه، وصوته يزداد اختناقًا كلما نظر إلى عينيّ المليئتين بالدموع:
ـ إزاي قدرتي تنامي يا أم غفران وإنتِ عارفة إن بنتك عايشة في قهر وذل بالشكل ده كل يوم؟! إزاي سيبتيها تواجه جحيم زي ده لوحدها بلا ضهر ولا سند؟! أنا مش بلوم غفران إنها ما حكتش من الأول، يمكن كانت خايفة على بيتها، ويمكن كانت مخدوعة وبتوهم نفسها، لكن إنتِ يا أمها لما عرفتي بالخبر، كان المفروض تكسري الدنيا وتحسسيها إن وراها أهل وضهر تندحر إليه، وإنها مش مضطرة أبدًا تستحمل المهانة عشان ترضي راجل ظالم!
انهمرت دموع أمي بغزارة هي الأخرى متأثرة بكلماته القوية، وقالت بصوت مكسور تمامًا:
ـ والله يا أبو غفران أنا كنت خايفة عليها وعلى مستقبلها، والله كنت خايفة عليها من بكرة. كنت فاكرة إن الصبر ممكن يرجع مراد لصوابه ويصلح الأمور، وما كنتش أعرف أبدًا إن الموضوع وصل بيها للدرجة المرعبة دي من القهر.
ـ والصبر اللي بتتكلمي عنه ده كان هيعمل إيه أكتر من كده؟! كان هيخليها تفضل محبوسة جوه أوضتها زي السجينة لحد ما تنسى نهائيًا إنها بني آدمة لها كرامة وعزة نفس؟! كانت هتستنى إيه تاني يا ست الكل؟! إنه يطردها من بيتها بالشارع بإيده؟!
ثم التفت إليّ فجأة، وجاء صوته هذه المرة أهدأ بكثير، لكنه كان يحمل من الحزم والقوة ما جعلني أرفع رأسي إليه بثقة لأول مرة:
ـ بصي لي كويس يا غفران يا بنتي.
رفعت عيني بصعوبة بالغة، فمد يده الدافئة وأمسك كفي المرتجف بين يديه باحتواء شديد.
ـ إنتِ مش لوحدك أبدًا، سامعة كلامي كويس؟ مش هتواجهي الوحوش دول تاني لوحدك أبدًا، ومش هسمح لأي كائن كان إنه يكسرك أو يحسسك ولو للحظة إنك مالكيش قيمة في الدنيا دي. أنا سكتُّ شوية لحد ما أجمع خيوط الحقيقة كاملة، لكن دلوقتي الصورة بقت واضحة كالشمس، ووالله يا بنتي، لمراد ده حساب قاسي وعسير على كل دمعة نزلت من عيونك وإنتِ بتحاولي تخبيها عنا.
حاولت أن أتكلم وأقاطعه قليلاً، لكنه شد على يدي برفق محبب، وأكمل بعينين تقدحان غضبًا حققيًا:
ـ أقسم بالله لأخليه يدفع تمن كل اللي عمله فيكي غالياً، مش عشان اتجوز واحدة تانية بالحلال وبس، لكن عشان استهان بيكي وبمشاعرك، وجرح كرامتك أمام الجميع، وافتكر بغبائه إن سكوتك معناه إنك ضعيفة وملكيش سند، وإن مفيش وراكي رجالة تقدر توقفه عند حده. مراد لازم يعرف كويس إن غفران ليها أهل وناس تدافع عنها، وإن كرامتها خط أحمر ما يقدرش أي مخلوق يدوس عليه ويمشي كأن مفيش حاجة حصلت!
نظرت إليه بإجلال، وشعرت للمرة الأولى منذ وقت طويل جدًا أن الحمل الثقيل الذي أثقل صدري وكسر روحي بدأ يجد من يشيله معي عن طيب خاطر. لم أكن أريد انتقامًا أعمى بقدر ما كنت أريد أن يتوقف نهائيًا ذلك الشعور القاسي بأنني وحيدة ومتروكة في مواجهة رجل كنت أظن واهمة أنني أستطيع أن أبني معه مستقبلاً آمناً.
لكن أبي لم يكن قد انتهى من كلامه بعد. نهض من مقعده بثبات، وأخرج هاتفه المحمول من جيبه، ثم نظر إليّ نظرة قاطعة وثابتة لا رجعة فيها.
ـ دلوقتي إنتِ هترتاحي هنا في بيتك وسط أهلك، ومش هترجعي تاني لبيته مهما حصل، ولو تجرأ واتصل بيكي مهما كثرت اتصالاته ماترديش عليه نهائيًا، وسيبي الباقي عليا أنا، أنا هعرف إزاي أرد له اعتبارك وأخدلك كل حقوقك كاملة غير منقوصة بالقانون وبأصول الرجال.
نظرت إلى أبي بتردد واضح وخوف دفين وقالت:
ـ طب يا بابا، وحاجتي الخاصة ولبسي وكل أغراضي اللي هناك؟ أنا خرجت من الفيلا بسرعة وبدون ما أخد معايا أي حاجة تخصني، كل هدومي، أسراري، وأغراضي لسه مرمية في أوضتي هناك.
نظر إليّ بحزن عميق يملأ قلبه:
ـ هجبلك غيره يا غفران أحسن منه ألف مرة، وكل حاجة تحتاجينها هجيبهالك فورًا، لحد ما يتم الطلاق الرسمي وتاخدي كل حقوقك وحاجتك بالقانون. مش عايزك تفكري أبدًا في أي حاجة تخص الفيلا اللعينة دي، ولا حتى تحطي رجلك فيها تاني دلوقتي. انسي تمامًا إنك في يوم من الأيام كنتِ عايشة فيها.
ـ بس يا بابا، فيه حاجات شخصية تخصني ومش هقدر أستغنى عنها بسهولة، وهدومي كلها هناك، وأنا بجد مش عايزة أكون معتمدة عليكم في كل صغيرة وكبيرة طول الوقت.
هز رأسه برفض قاطع، ثم قال بنبرة حاسمة لا تقبل النقاش ولا الجدال:
ـ وإنتِ مش هتفضلي معتمدة على حد طول عمرك يا بنتي، دي مجرد فترة مؤقتة وهتعدي على خير، وكل حاجتك هترجعلك كاملة مرغوب فيها. لكن أنا مستحيل أسمح أبدًا إنك ترجعي المكان ده لمجرد إنك محتاجة هدومك أو حاجتك. كفاية الذل والقهر اللي عشتيه هناك بين الحيطان دي.
صمت قليلًا ليلتقط أنفاسه، ثم تابع وهو ينظر مباشرة في صميم عينيّ:
ـ وعايزك تسمعيني كويس أوي يا غفران وتنفذي بالحرف، من اللحظة دي ممنوع تمامًا تردي على مراد، أو تكلميه، أو حتى تدخلي معاه في أي نقاش جانبي لو حاول يتصل بيكي بأي طريقة. اللي جاي ده كراته وسيبيه عليا أنا بالكامل، وأنا راجل وأعرف أجيب لك حقك منه تالت ومثلث.
ارتبكت قليلاً، وقلت بصوت متردد:
ـ طب ولو اتصل بعتذر بجد؟ أو قال إنه عايز يتكلم معايا ويوضح وجهة نظره؟
ـ مش عايزك تسمعي منه حرف واحد دلوقتي، ومش عايزك تردي عليه خالص ولا حتى تعملي له بلوك، سيبيه يتصل للصبح. إنتِ طوال الفترة اللي فاتت دي كنتِ بتسمعي وتبرري وتعدي له، وكل مرة كنتِ بتدي له فرصة جديدة على أمل إنه يتغير ويعدل سلوكه، وهو استغل طيبة سكوتك وافتكر بغبائه إنك هتفضلي مستحملة ظلمه مهما عمل وتمادى. المرة دي بقى، مش هتشيلي إنتِ لوحدك نتيجة تصرفاته الرعناء ودماغه الناشفة.
تدخل أدهم مؤيدًا كلام أبيه بكل قوة:
ـ بابا عنده حق مليون في المية يا غفران. إنتِ مش مطالبة أبدًا تواجهيه ولا تشرحي له ليه اتوجعتي، هو عارف كويس أوي هو عمل إيه فيكي وفي حياتك. سيبيه هو اللي يتخبط ويفكر في الطريقة اللي وصل لها، وإنتِ اهتم بنفسك وصحتك شوية وريحي بالك.
نظرت إليهما باعتنان، ثم انخفض بصري بهدوء إلى يديّ المتشابكتين بقوة في حجري.
ـ أنا والله يا بابا مش عايزة أنتقم منه ولا أأذيه، أنا بس كل ما أتمناه إني أرتاح نفسياً. تعبت من إني أفضل أجري وأحاول وأستحمل وأقول يمكن بكرة يبقى أحسن، وفي النهاية ألاقي نفسي لوحدي في مواجهة الريح.
تنهد أبي بعمق، وربت على يدي بحنان أبوي دافئ:
ـ وأنا مش هخليكي تنتقمي منه بالطرق الرخيصة، أنا كل اللي عايزه إنك تاخدي حقك كامل وتستردي كرامتك وعزة نفسك اللي أهدرها. فيه فرق كبير وشاسع بين إنك تنتقمي من شخص لمجرد الانتقام، وبين إنك ترفضي كلياً إنه يفضل يظلمك ويهينك من غير ما يتحمل مسؤولية عواقب اللي عمله. إنتِ بنتي وحتة مني، ومستحيل أقبل أبدًا إنك ترجعي مكسورة الخاطر عشان خاطر عيون أي مخلوق، مهما كان شأنه.
ثم التفت فجأة إلى أمي، التي كانت تجلس بصمت تام وعيناها ممتلئتان بالدموع والندم:
ـ وإنتِ كمان يا أم غفران، مش عايز أسمع منك كلمة واحدة تانية عن الصبر المر أو إن الست لازم تستحمل وتهين نفسها عشان بيتها يفضل مكمل. بنتنا استحملت بما فيه الكفاية وزيادة.
أطرقت أمي رأسها ندماً، ولم تجادل حرفًا هذه المرة، بينما شعرت أنا في تلك اللحظة بالذات أن جبلًا ثقيلًا من الهموم انزاح مرة واحدة عن صدري. لم يكن الأمر أن مشكلتي الصعبة قد انتهت سحرياً، أو أن الطريق الطويل الذي ينتظرني سيكون مفروشًا بالورد والورود، لكنني للمرة الأولى منذ سنوات طويلة لم أكن مضطرة لدفاع مستميت عن ألمي أو إثبات أنني أستحق بصدق أن أرتاح وأعيش بكرامة.
وفي تلك اللحظة بالضبط، عاد هاتفي المحمول الملقى فوق الطاولة إلى الرنين بنغمة مزعجة ومتواصلة.
كان مراد يتصل بي للمرة الأولى بلا توقف.
نظرت إلى الشاشة المضيئة، ثم رفعت عينيّ بهدوء إلى أبي. لم أمد يدي هذه المرة لأجيب، ولم أعد أشعر بأي ذنب أو خوف من أن يغضب أو يتهمني بالتقصير في حقه كما كنت تفعل دائمًا. تركته يرن ويرين حتى انقطع الاتصال تلقائيًا، وبعد ثوانٍ معدودة ظهرت رسالة نصية جديدة منه على الشاشة.
لم أفتحها ولم أكلف نفسي عناء قراءة حروفها الباهتة.
أشار أبي بثبات إلى الهاتف الملقى وقال بكل حزم:
ـ خليه يبعت اللي هو عايزه، وخليه يشرب من نفس الكاس ويعرف كويس أوي إن الدنيا مش هتفضل ماشية على مزاجه زي ما هو متعود. من النهارده، الحساب اللي جاي عليه هو وحده، مش إنتِ يا بنتي.
أغمضت عينيّ براحة تامة للحظة، وأسندت رأسي بلطف إلى كتف أمي الدافئ، بينما ظل أبي جالسًا بجواري بثبات، وقد اتخذ قراره النهائي والأبدي بألا يتركني أواجه مراد وظلمه وحدي مرة أخرى أبدًا.
أما أنا، فكنت أحاول جاهدة منذ تلك اللحظة أن أتعلم من جديد كيف أعيش حياتي طبيعية من دون أن أنتظر منه أي اتصال متأخر، أو كلمة رضا زائفة، أو حتى اعتذار متأخر يعيد إليّ شعوري المفقود بأنني زوجته المدللة.
لم أكن أعرف على وجه الدقة ماذا سيحدث عندما يواجه أبي مراد وجهاً لوجه، لكنني كنت متأكدة تمام التأكد أن صمتي الطويل هذه المرة لن يكون أبدًا وسيلة جبانة لحماية زواجي الفاشل، بل سيكون البداية الحقيقية لاستعادة نفسي وروحي التي ضاعت مني طويلاً.
توالي اتصال مراد للمرة الثانية والثالثة على التوالي، وتلك كانت أول مرة في حياتنا الزوجية يتصل بي مراد بمثل هذه الطريقة الهستيرية المتوترة. تذكرت كلمات أبي الذهبية فلم أحظره ولم أجبه، واكتفيت تمامًا بتجاهله التام وكأن شيئًا لم يكن، عازمة على بدء حياة جديدة تليق بكرامتي وعزتي التي لم ولاتفرط فيها أبداً.
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”




