روايات وقصص

صمت غفران البارت الخامس

امانى السيد

ساد الصمت الثقيل في غرفة الجلوس، وبقي أبي يحدق بي مطولًا وكأنه ينتظر أن أبتسم وأخبره أنني أمزح، بينما وضعت أمي يدها على صدرها بقوة، وقد ارتسمت على وجهها علامات الصدمة العميقة وعدم التصديق وكأنها لم تستوعب بعد هول المفاجأة.

 

قال أبي أخيرًا بصوت يخالطه الكثير من الذهول والاستنكار:
ـ إنتِ بتقولي إيه يا غفران؟ طلاق إيه اللي بتتكلمي عنه؟ وإيه اللي حصل لكل ده؟ إنتِ جاية من بيت جوزك فجأة من غير ما تقولي لنا إن فيه أي مشكلة، وفجأة وبدون مقدمات تقولي مش عايزة تكملي معاه!

تدخلت أمي وهي لا تزال تنظر إليّ بعيون مليئة بالحيرة والترقب:
ـ يا بنتي، إنتِ ومراد اتخانقتوا؟ هو قال لك كلمة زعلتك؟ حصل بينكم إيه يا ضنايا؟ أنا مش فاهمة حاجة خالص من كلامك!

هززت رأسي نافية، وشعرت بأن الكلمات والعبارات التي رتبتها طوال الطريق المظلم قد تاهت مني وتطايرات بمجرد أن رأيت خوفهما الصادق عليّ وحرصهما الساكن في أعينهم.
ـ ما حصلش خناق يا ماما، ولا مراد طردني من البيت، ولا حصل موقف معين بعينه خلاني آخد القرار الصعب ده النهارده. أنا بقالي فترة طويلة بفكر بصمت، والنهارده حسيت إني وصلت لنقطة إني مش قادرة أكمل بنفس الطريقة ولا استحمل أكتر من كده.

نظر إليّ أبي باستنكار واضح، وبدت على وجهه علامات عدم الرضا:
ـ يعني إيه مش قادرة تكملي؟ هو الجواز بيتساب كده بالسهولة دي من غير مشكلة واضحة وصريحة؟ يا بنتي، كل البيوت فيها مشاكل، ومفيش بيت في الدنيا بيخلو من الخلافات والمشاحنات، ولو كل واحدة قررت تسيب بيتها وجوزها لمجرد إنها مش مرتاحة يومين، ما كانش حد كمل في جوازه أبدًا!

انخفض رأسي، فقد كنت أعرف تمامًا أن أبي لا يتحدث بقسوة متعمدة، بل لأنه لم يستوعب بعد حجم المعاناة التي عشتها وحدي. في نظره، كنت الزوجة التي غادرت بيتها فجأة، دون صراخ صاخب أو شجار عنيف أو حتى خلاف أخير يمكنه أن يفهم من خلاله المنطق الكامن خلف قرار مفاجئ كهذا.

أما أمي، فاقتربت مني ببطء وأمسكت يدي الباردة:
ـ طب يا حبيبتي، إنتِ عمرك ما اشتكيتي لنا من مراد أبدًا. بالعكس، كل ما أسألك عنه تقولي كويس، ولما أسألك عن تفاصيل حياتك معاه تقولي الحمد لله كل ماشية تمام. حتى لما كنا بنقولك إنك بقالك فترة مش بتيجي تزورينا، كنتِ تقولي إنك مشغولة معاه وفي البيت ورعاية شؤونه. إزاي فجأة تقولي مش عايزة تكملي؟

نظرت إليها نظرة مليئة بالشجون، وابتسمت ابتسامة باهتة هزيلة لم تلبث أن اختفت تمامًا.
ـ عشان أنا فعلًا ما كنتش بشتكي يا ماما، دي كانت الحقيقة وقتها.

قطبت حاجبيها بدهشة أكبر:
ـ أمال إيه اللي حصل ودخلك في الحالة دي؟

ـ مفيش حاجة حصلت النهارده لوحدها، لكن فيه حاجات كتير ومتراكمة بتحصل من زمان، وأنا كل مرة كنت بقول لنفسي أعديها، وأستحمل، وأدي مراد عذره، وأقنع نفسي إن بكرة هيبقى أحسن وإن الحال هيتعدل. كنت بخاف أتكلم، وبخاف أعاتبه، وبخاف أطلب منه أي أبسط حقوقي عشان ما يحسش إني بضغط عليه أو إني زوجة نكدية بتدور على المشاكل.

تبادل أبي وأمي النظرات بقلق بالغ، ثم قال أبي بنبرة هادئة لكنها صارمة:
ـ بس يا غفران، إنتِ بتتكلمي كأننا بنسمع عن تفاصيل حياتك معاه لأول مرة في حياتنا. إنتِ ليه ما جيتيش حكيتِ لنا؟ ليه ما قولتيش من البداية إنك تعبانة ومش مرتاحة؟

شعرت بغصة حارقة في حلقي، وأجبت بصوت خافت بالكاد يطال آذانهم:
ـ عشان كنت فاكرة إن الزوجة الشاطرة هي اللي تعرف تحتوي جوزها كويس، وتعدي له أخطاؤه وهفواته، وما تكبرش المشاكل عشان تمشي السفينة. كنت فاكرة إن لو صبرت كفاية وقدمت تنازلات أكتر، مراد هيحس بيا لوحده من غير ما أنطق، وهيعرف إني بحبح وبقدره، وهيبدأ يهتم بيا زي ما أنا بهتم بكل تفاصيل حياته.

سكتُّ قليلًا لألتقط أنفاسي المتسارعة، ثم تابعت بصوت مرتجف:
ـ لكني مع الأيام وبمرور الوقت بقيت بحاول أحافظ على الجواز ده لوحدي تمامًا. بقيت أخاف أزعل، وأخاف أعاتب، وأخاف أتكلم عن أي حاجة تضايقني، لحد ما بقيت حتى مش عارفة أنا سعيدة فعلًا ولا لأ. كل اللي كنت بعمله في يومي إني أصحى كل صباح وأحاول أخلي مراد مبسوط ومرتاح، وأقول لنفسي إن رضاؤه عني ده كفاية لوحده.

هز أبي رأسه ببطء شديد، لكنه لم يبدُ مقتنعًا تمامًا بهذه المبررات:
ـ طيب، ومراد نفسه؟ هو يعرف أصلًا إنك حاسة بكل المشاعر دي؟ إنتِ واجهتيه قبل كده بصراحة وقلتي له إنتِ مش مرتاحة في إيه؟

صمتُّ لبرهة من الزمن، ثم أجبته بصدق مؤلم:
ـ لأ، ما قلتلوش بالشكل المباشر ده أبدًا.

رفع أبي حاجبيه بدهشة أكبر واستنكار أشد:
ـ يعني إنتِ جاية تطلبي الطلاق والانفصال من غير ما حتى تقعدي مع جوزك جلسة مصارحة وتفهميه إنتِ حاسة بإيه بظبط؟

لم أستطع الرد فورًا، فقد كان سؤاله منطقيًا في ظاهره، لكن ما لم يفهمه أبداً أنني لم أكن أهرب من مشكلة عابرة حتى أعود إلى زوجي بمجرد حلها؛ كنت أهرب وأحاول الخروج من حالة نفسية كاملة عشت فيها طويلًا وأنا أقنع نفسي بأن احتياجاتي الإنسانية البسيطة يمكن تأجيلها إلى أجل غير معلوم بلا رجعة.

انهمرت دموعي بغزارة، فلم أعد أملك القدرة على كبحها، واختبأت في حضن أمي التي احتضنتني بحنان دافئ، بينما بقي أبي صامتًا ينظر إلينا بحيرة بالغة لم يستطع إخفاءها وراء ملامحه الجادة.

وفي تلك اللحظة بالضبط، فُتح باب المنزل الخارجي، ودخل أدهم شقيقي، الذي بدا عليه أنه لم يكن يتوقع أبدًا أن يجدنا مجتمعين في هذا الوقت المتأخر وبهذه الحالة. ألقى السلام بصوت هادئ، ثم توقف فجأة حين لمح دموعي الساخنة وملامح أبي وأمي المتوترة بشدة.
ـ السلام عليكم… إيه يا جماعة؟ فيه إيه؟ مالكم قاعدين كده كلكم في الحالة دي؟

السابق1 من 3
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى