روايات وقصص

ام هانى البارت التالت

امانى السيد

هاني ربع إيديه على صدره، وبصله بتعالي وقال:
– تمام.. وظيفتك هنا هتكون “حارس أمن”.. هتقعد اليوم كله على البوابة برة، في الشمس والبرد، ممنوع تدخل جوه الفيلا إلا للضرورة القصوى. وهجيجيبوا لك وجبة الغدا بتاعتك مع العمال هنا، ده غير إنك.. “تحت أمر والدتي”.. لو احتاجت أي حاجة أو طلبت أي طلب للبيت، هتنفذه بالحرف الواحد ومن غير ولا كلمة اعتراض، مفهوم؟!
الكلمات كانت قاسية، وعرضت همام لموقف يكسر أي راجل، بس همام من كتر الديون وقهر البيت ومصاريف بنته اللي مش رحماه، مداس على كرامته وبلع الغصة وقال بصوت مكسور:
– مفهوم يا باشمهندس.. اللي تامر بيه هيتنفذ بالحرف، وتحت أمر ست الكل في أي وقت.
هاني أشر لعم محمود بعينه وقال ببرود:
– دخله الاستراحة بتاعت عرفه مكانه وشغله من النهاردة، وخلينا نشوف هيثبت إخلاصه ولا لأ.
لف هاني ضهره ودخل الفيلا بخطوات ثابتة وواسعة، وهو حاسس بنشوة غريبة في قلبه.. الخطة بدأت، والراجل اللي رمى أمه زمان وباعهم عشان الفلوس والستات، واقف دلوقتي على بابه بيطلب لقمة العيش وهو مش عارفين حتى إنه واقف قدام ابنه اللي طرده زمان!
دخل هاني جوه الفيلا، وقلبه جواه نار هادية بتلعب. دخل على أمه، أم هاني.. الست اللي ربنا عوضها بعد الصبر الجميل بعز وستر وراحة بال. كانت قاعدة في الصالون الواسع الهادي، بتبتسم بحنان أول ما شافته داخل عليها.
قرب منها هاني، وباس راسها بحب وتقدير كبير، وقعد جنبها على الكنبة وقال بصوت فيه لمعة نصر وخباثة:
– يا ست الكل.. كنت بره بخلص كام مشوار، ولقيت برة على البوابة حارس أمن جديد لسه معينه النهاردة.. راجل غلبان على قد حاله وظروفه صعبة.
أم هاني بصت له بطيبتها اللي ما تتغيرش، وقالت برضا:
– ربنا يرزقه يا بني ويجبر بخاطره.. دام وافق يشتغل ويكسب لقمة حلال، يبقى راجل شقيان، أوعى تضايقه ولا تقفلها في وشه.
هاني ابتسم ابتسامة غامضة، وقال بصوت هامس وقريب منها:
– متخافيش يا أمي.. بالعكس ده أنا هخليه في خدمة ست الكل بنفسها! بس تخيلي.. الراجل ده، وبكلمة واحدة منك، هيكون تحت رجليك.. ولو طلبتي منه أي طلب في البيت أو الخدمة، هيتنطط وينفذه وهو مغمض!
أم هاني استغربت كلام ابنها، وقالت باستفهام:
– ليه يا هاني يا بني؟ هو مين ده ومن امتى بنذل حد شغال عندنا؟ العمال دول أخواتنا وناس شقياينة.
هاني سند ظهره لورا، ونظارة عينيه لمعت، وقال بلهجة جادة وصارمة:
– ما هو ده اللي لازم تعرفيه يا أمي.. الحارس الجديد ده مش أي حد.. ده همام.. طليقك اللي رماكي زمان وطردك في الشارع وداس على كرامتك قدام البلد كلها!
الكلمة نزلت على ودن أم هاني زي الصاعقة.. اتجمدت مكانها، وفنجان الشاي اللي في إيدها اهتز.. ذكريات القسوة، ودموع ابنها وهو صغير، وكلام البلد السام.. كله رجع قدام عينيها في ثانية واحدة! بصت لابنها بذهول وهي مش مصدقة ودنها:
– هـ.. همام؟! همام أبوك يا هاني؟! إنت بتقول إيه يا بني؟! جابه هنا إيه؟!
هاني مسك إيد أمه بحنان وقوة، وبص في عينيها وقال بنبرة مليانة ثقة وتصميم:
– جابه القدر لحد عندنا يا أمي.. عشان تشوفي بنفسك إزاي ربنا بيجيب حق المظلوم. هو جه برجله يطلب لقمة العيش، ودلوقتي واقف على البوابة برة، ومش عارف أصلاً إنه شغال عند ابنه اللي طرده زمان. وأنا جاى أقولك.. الوقت جه عشان تاخدى حقك منه، وتخليه يخدمك بنفسه، وتعرفي الكل إن الله حق!

2 من 2التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى