منوعات

أنا مش هاجيب التموين تانى ١

منى السيد

يعني إيه؟.. يعني أنا كنت بتخان في بيتي؟ يعني إنتي كنتي عارفة يا محمود؟ وبتسيبني أضربها وأزعق فيها كل شهر؟! محمود وطى راسه في الأرض ومردش.
أبويا خبط بعكازه على الأرض خبطة رنت في أرجاء البيت، ووقف بطوله لحد هنا والكلام خلص. بص لأحمد بقرف وقال بنتي مكنتش بتخدم أهلك، بنتي كانت بتتسخر وبتتشتم وبيتداس على شرفها وأمانتها عشان حضراتكم تعملوا عليها سبوبة.. وإنت يا راجل جيت على لحمك وعرضك وكسرت عضم بنتي قدام عيالها عشان أمك تداري على بنتها. أحمد قرب مني ودموعه بدأت تنزل، وشه
مكنش فيه ذرة من الجبروت اللي كان بيه الصبح نرمين.. أنا.. أنا والله ما كنت أعرف.. أنا كنت فاكر إنك بتعاندي أمي وخلاص.. حقك عليا، أنا جزمتك فوق راسي، قسماً بالله لأهد البيت ده فوق دماغهم كلهم.. تعالي نرجع دلوقتي وحقك هيجيلك لحد عندك!
مد إيده عشان يمسك إيدي، بس أنا رجعت خطوتين لورا. النظرة اللي في عيني كانت كفيلة تخليه ينزل إيده مكسور.
ترجع مين يا أحمد؟ إنت فاكر إن الحكاية حكاية تموين وزيت وسكر؟! أنا مشكلتي مكنتش في كيس مكرونة اتسرق، مشكلتي كانت في الكف اللي نزل على وشي وإنت مش شايفني بنادمة أصلاً.. مشكلتي إنك صدقت فيا إني حرامية، وسهلت إهاني قدام سلايفي وعيالي اللي اترعبوا منك. الچرح اللي في شفتي هيخف يا أحمد، بس الكسرة اللي جوة قلبي عمرها ما هتتصلح.
حمايا قرب من أبويا وهو بيترجاه يا حاج إسماعيل، عيال وغلطوا، وأنا اللي هربي الواد محمود، والست أم أحمد هتيجي بنفسها راس نرمين هنا في بيتكم قدامكم كلكم.. بس متخربوش البيت، دول بينهم عيال!
عمي إسماعيل رد بصرامة بنت الست أم أحمد تاكل من خير بنتنا،
وبنتنا تاكل
الضړب والإهانة؟! راس نرمين متنباسش، راس نرمين تتقدر.. القعدة دي مش هتخلص بكلمتين يا حاج إبراهيم.
أحمد كان هينهار، قعد على الكنبة وحط راسه بين إيديه، كان حاسس بحجم الکاړثة اللي عملها. هو مكنش بس خسرني، ده خسر صورته قدام نفسه وقدام أهلي، وظهر قدام الكل إنه كان مجرد أداة أمه بتستغلها عشان تمشي اللي هي عايزاه.
رفعت راسي وبصيت للكل، صوتي كان ثابت وحاسم أنا مش هرجع البيت ده دلوقتي.. ولا حتى بعد ما أمك تيجي تعتذر. أحمد رفع راسه بلهفة أومال أنتي عايزة إيه يا نرمين؟ قولي وأنا أعمله، لو عايزاني أعزل بيكي في آخر الدنيا هعملها!

ابتسمت بمرارة تعزل؟ بالسهولة دي؟! سكت شوية، والكل كان مستني الكلمة اللي هتطلع مني.. أنا ليا شروط، والشروط دي مش بس عشان أرجع.. الشروط دي عشان لو فكرت في يوم تبصلي بنص عين، تفتكر الليلة دي كويس. أولاً شقتي تتقفل بالمفتاح، ومحدش من أهلك يعتب عتبتها إلا بإذني وبمعرفتي. ثانياً بطاقتي التموينية تتفصل بكره الصبح وتبقى في جيبي أنا، ومليش دعوة بتموين حد في البيت ده حتى لو هيموتوا من الجوع. ثالثاً، وده الأهم.. ورقة الشقة اللي إحنا قاعدين فيها، تتكتب نصها باسمي قصاد الإهانة والضړب والدم اللي سال في بيتك قدام عيالك، ضمان لكرامتي
وكرامة ولادي..
أحمد اټصدم، ومحمود أخوه نط من مكانه إيه؟! تكتبي نص الشقة باسمك؟! دي شقة العيلة اللي أبويا بانيها لينا كلنا!
بصيت لمحمود باحتقار، وكنت لسه هرد عليه وأخرسه للأبد.. وفجأة، الباب الخارجي للمندرة اتفتح پعنف، وصوت صړيخ هستيري هز البيت كله، كانت حماتي
داخلة زي القضاء المستعجل، وشها كان أصفر ومخطۏف، ومش باصة لا لأحمد ولا لحمايا.. عنيها كانت عليا أنا، وفي إيديها ورقة بتترعش بيها، وصړخت بأعلى صوتها الحقي يا نرمين.. مصېبة حلت على البيت، المحضرين جم على الشقة فوق ومعاهم أمر طرد وحجز عشان كمبيالات متوقعة باسمك إنتي
وأحمد!

2 من 2التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى