منوعات

أنا مش هاجيب التموين تانى ٢

منى السيد

الصمت اللي نزل على المندرة بعد صړخة حماتي كان أتقل من جبال المقطم.
الدخان اللي كان مالي الأوضة كأنه اتجمد في الهوا. حمايا سقطت من إيده علبة السجاير، وأحمد فضل متنح لأمه، وعينيه تايهة بين الورقة اللي في إيدها وشكلها المتبهدل.. الطرحة كانت معووجة على راسها وجلبيتها مطينة من الشارع وهي بتلهث كأنها كانت بتجري ورا قطر.
كمبيالات إيه وطرد إيه يا ولية في ليلتك دي؟! أبويا هو اللي نطق، بصوت جهوري خلى حماتي تترعش في مكانها. بس هي مبصتش لأبويا، كانت بتبصلي أنا، عيونها اللي كانت دايماً بتبصلي بتعالي وقرف، الليلة دي مكنش فيها غير الړعب والذل.
الحجز على الشقة.. شقة أحمد ونرمين!

حماتي نطقتها وصوتها بيقطع محضرين من المحكمة ومعاهم قوة من القسم.. بيقولوا واخدين صيغة تنفيذية بميتين وخمسين ألف جنيه متأخرات على شركة قروض، ومكتوبة باسمكم انتو الاتنين، ولو مدفعتوش هيحطوا الشمع الأحمر على العفش والشقة الليلة دي!
أحمد ھجم عليها زي المچنون، خطڤ الورقة من إيدها وعينيه بتجري على السطور. وشه اتحول من اللون الأصفر للون الكفن، إيديه كانت بتترعش لدرجة إن الورقة كانت بتعمل صوت خروشة مسموع في الأوضة كلها إيه ده؟! ده توقيعي أنا ونرمين فعلاً.. بس أنا ممضتش! والله العظيم ما مضيت على قروض من شركات ولا دخلت الأماكن دي في عمري! نرمين.. إنتي مضيتي على حاجة؟!
بصيت
له ببرود ثلج. برود فاجئني أنا شخصياً قبل ما يفاجئ أي حد في القعدة. قربت منه، شديت الورقة من بين صوابعه وقريت.. إيصالات أمانة، وشيكات بنكية، وعقد تمويل باسم أحمد إبراهيم بضمان زوجته نرمين محمود، والتاريخ كان من تمن شهور بالظبط!
وفجأة.. الشريط كله كرّ قدام عيني زي شريط السينما. افتكرت اليوم المشئوم من تمن شهور.. لما حماتي طلعتلي الشقة، ومعاها باكو بسكوت لعيالي، وكانت داخلة بضحكة صفرا عريضة، وبتقولي بنعومة عمري ما شوفتها منها يا بت يا نرمين، جوز سحر أخت أحمد بيعمل مشروع توزيع جملة للمواد الغذائية، وعايز يقدم على منحة من جمعية تنمية المجتمع للمشاريع الصغيرة، ومحتاجين
بطاقات العيلة كضامنين ومستفيدين عشان يوافقوا على الحصة التموينية الإضافية.. هاتي بطاقتك وبطاقة أحمد أصورهملك على الماكينة اللي تحت ورجعهم في ساعتها! ساعتها.. خدت البطاقات، ورجعت بعد ساعة، وجايبة معاها ورق استمارات حكومية كتيرة، وقالت لي وهي بتديني القلم امضي هنا يا بت استلام كارت الجمعية، وأحمد لما يرجع يوقع على الورقة التانية دي عشان اسمه يتحط في الدعم. أنا مضيت بحسن نية وسلامة قلب، ولما أحمد رجع تعبان من الشغل، أمه قعدت جنبه وقالت له امضي يابني عشان أختك الغلبانة تقف على رجلها، دي ورقة استلام منحة جمعية من غير مليم. وأحمد وقع وهو مغمض عينه، لأن
أمه عمرها ما كانت تئذيه.. أو ده اللي كان فاكره!
رفعت عيني من الورقة، وبصيت لحماتي اللي كانت واقفة حاطة إيدها على بؤها وبتعيط بدموع حقيقية لأول مرة. المنحة.. صح يا حماتي؟ صوتي خرج واطي بس شرخ الصمت بتاعة جوز سحر؟! الربع مليون جنيه اللي فتح بيهم محل البقالة التاني في طنطا، واشترى بيهم التروسيكل؟!
محمود أخو أحمد وطى راسه في الأرض، كأنه كان عارف كل حاجة ودارى عشان ميخربش على أخته.
أحمد استوعب فجأة. الحقيقة خبطته في نافوخه زي الشاكوش. قرب من أمه، وبقى يزعق پهستيريا، بصوت حشرج فيه كل قهر السنين مضيتيني على قروض عشان خاطر سحر وجوزها؟! رميتيني أنا ومراتي
وعيالي في التهلكة عشان بنتك؟! هو إنتي إيه؟! إنتي أم إنتي ولا إيه حكايتك في الدنيا؟! أنا اللي بشقى ١٤ ساعة في اليوم على رجلي، ومراتي اللي كنت مخليها مداس ليكي ولخدمتك، تعملي فينا كده؟! وفين جوزها النصاب؟! سايب المحضرين يجوا على شقتي أنا وعفشي ليه؟!
حماتي سقطت على الأرض على ركبتها، مش قادرة تشيل نفسها هرب.. يا حبة عيني هرب وساب أختك بالعيال من أسبوع لما الشيكات ارتدت، وسحر قاعدة في طنطا متبهدلة ومش عارفين طريق له.. والشركة لما ملقوش حد ينفذوا عليه هناك، رجعوا على العنوان اللي في بطاقتكم انتو يا بني.. الشقة بتاعتكم هي الضامن الأول!
أبويا قام وقف، وبص
لحمايا
ولحماتي بنظرة كلها اشمئزاز. عكازه رزع في الأرض اخرجوا برة بيتي. أحمد بص لأبويا ودموعه بټغرق وشه يا عمي.. بالله عليك استنى.. البيت بيتهد! أبويا رزع الكلمة في وشه من غير رحمة بيتك مهدود من اللحظة اللي مديت إيدك فيها على بنتي. مهدود من يوم ما صدقت إنها سارقة كيس سكر وهي بتشيل هم بطاقاتكم على ضهرها. إن شا الله يتشمع البيت باللي فيه، ملكش عندي هنا إلا ورقة طلاق بنتي ومؤخرها وقايمتها، والقانون ياخد مجراه بينكم وبين المحاكم.
استنى يا با.. الكل بصلي لما اتكلمت. أنا كنت واقفة باصة للمشهد ده كله، وحسيت فجأة إن ربنا بيحط كل واحد في مكانه الصح قدام عيني
في لحظة واحدة. الظلم اللي عيشته تلات سنين، الشك اللي كان بيترمي في وشي كل شهر، الإهانة، والضړبة اللي علمت على خدي.. كل ده كان بيتحاسب عليه أصحابه في دقايق معدودة.
بصيت لأحمد وقلت له المحضرين فين دلوقتي؟ أحمد رد بصوت بيرتجف أمي بتقول
سايباهم قدام باب العمارة مع محمود الصغير أخويا، بيدوا مهلة ساعتين بس عشان نجيب المحامي أو يسلموا الشقة للقوة الجبرية تتشمع. قلت بهدوء تام قوم يا أحمد.. وإنت يا حاج إبراهيم وجهت كلامي لحمايا، وإنتي يا حماتي.. قوموا كلكم، إحنا رايحين على الشقة دلوقتي.
أبويا مسك إيدي پخوف رايحة فين يا نرمين؟ الموضوع مش بتاعك، ده فخ
هما ناصبينه لبعض، إنتي ملكيش دعوة بده كله، المحامي بتاعنا يرفع قضية تزوير وينفض إيدك من القرف ده! بصيت لأبويا وطبطبت على إيده متخافش عليا يا با.. بنتك مش هبلة ولا مغفلة، بس أنا ليا حق هناك، والحق ده لو مجاش الليلة دي بالطريقة اللي تريح قلبي وتأمن عيالي، مش هيجي طول العمر. عمي إسماعيل.. تعالى معانا.
مشينا في الشارع.. كان موكب جنائزي غريب. حماتي ماشية مسنودة على حمايا وهي بټعيط بالدموع، محمود أخو جوزها ماشي باصص في الأرض زي الحرامي المقفوش، وأحمد ماشي جنبي كأنه مېت بيتحرك، وأنا ماشية راسي مرفوعة، وبطرحتي السودة، شايفة خطوتي رايحة فين بالظبط.

وصقدام عمارة العيلة. كان في بوكس شرطة صغير راكن على جنب، ومحضر المحكمة راجل خمسيني واقف بشنطته الجلد وجنبه أمين شرطة واثنين من رجالة الشركة لابسين بدل وشكلهم مفهوش تفاهم، والشارع كله والجيران متجمعين في البلكونات بيتفرجوا على الڤضيحة.
أول ما أحمد قرب، جرى عليه أمين الشرطة إنت أحمد إبراهيم؟ أحمد بلع ريقه أيوة يا باشا.. المحضر طلع الدوسيه معاك إيصالات أمانة واجبة النفاذ، وصادر ضدك وضد المدام حكم حجز تنفيذي للشقة رقم ٤ بناءً على توكيلات وضمانات بنكية. يا تدفعوا المبلغ كاش دلوقتي يا إما الشقة هتتحرز والعفش يتباع في المزاد العلني لصالح سداد الدين.
حماتي
جريت على راجل الشركة، مسكت في كم بدلته يا بيه ، دي شقة ابني وشقا عمره.. جوز بنتي هو اللي واكل الفلوس، روحوا اقبضوا عليه في طنطا! الراجل زق إيدها بذوق بس بحزم يا ست الحجة إحنا بتوع ورق وقانون، العنوان اللي في التنازل والضمان هو الشقة دي، وصاحب الورق هو ابنك ومراته، ماليش دعوة بمين خد ومين كال، لو مفيش دفع دلوقتي، القوة هتطلع تنفذ ونحط الشمع الأحمر.

أحمد بص حواليه.. الجيران اللي كان بيعمل قدامهم راجل وبيرفع صوته عليا، كلهم كانوا باصين عليه بشفقة وتشفي. وسلايفي اللي كانوا بيتفرجوا على ضړبي الصبح، كانوا واقفين ورا سلك البلكونات بيتهامسوا. أحمد قعد على
عتبة الباب، وحط راسه بين ركبه وبدأ يعيط بصوت عالي كأنه عيل صغير مستقبلي ضاع.. شقايا راح.. أنا هتحبس، وولادي هيتشردوا في الشارع..
قربت من المحضر ومن مندوب الشركة بهدوء، وطلعت بطاقتي مساء الخير يا فندم.. أنا نرمين محمود، الطرف التاني في العقد اللي معاكم. المحضر بصلي وبص للورقة أهلاً يا مدام.. ياريت تفهمي جوزك إن العياط ده ملوش لازمة، إحنا ورانا شغل وواقفين بقالنا ساعتين. قلت له بثبات أنا فاهمة القانون كويس يا فندم. وإحنا مش هنعطلك، بس من حقنا نعرف هل المبلغ ده كاش بس ولا في إمكانية لإعادة جدولة أو تسوية فورية لو في ضمان عقاري يغطي المبلغ مع دفعة أولى؟
لنامندوب الشركة بصلي باهتمام التسوية ممكنة طبعاً، لو اتدفع ٥٠ ألف جنيه كاش دلوقتي رسوم قضائية ومقدم، والباقي يتجدول على شيكات بنكية بس بضمان عقار قيمته تغطي أصل الدين بالفوائد.. بس بشرط الضامن العقاري يكون حاضر ويمضي معانا التنازل والرهن هنا في محضر رسمي.
لفيت وشي، وبصيت لحمايا وحماتي.. كانت اللحظة اللي مستنياها. الشقة اللي إحنا فيها دي تسوى ستمية ألف جنيه، بس هي ملك مين على الورق؟ حمايا رد بسرعة وصوته بيترجف ملكي يا بنتي.. البيت كله ملكي، وأنا كاتب الشقق لولادي عقود ابتدائية ومكملتش التسجيل. قربت من حمايا، ووقفت قدامه بمسافة شبر واحد طيب يا حاج إبراهيم..
إنت مش كان نفسك تلم المشكلة والبيت ميتخربش؟ مش كنت بتقول إن الست أم أحمد ست كبيرة وتغلط وإحنا نسامح؟.. دلوقتي عيال بنتك النصاب هرب وساب ابنك للمحاكم وللڤضيحة، وساب عيالي اللي هما لحمك يترموا في الشارع الليلة دي.. بصيت لأحمد اللي رفع راسه وباصصلي بذهول، وكملت كلامي لحمايا أنا معايا في حساب البوسطة بتاعي ٥٠ ألف جنيه، ده دهب أمي الله يرحمها اللي كنت بيعاه ومشيلاه لعيالي والزمن.. أنا هدفع الخمسين ألف جنيه دي للشركة دلوقتي حالا، وهشيل عن ابنك الحبس والشمع الأحمر.. حماتي عنيها وسعت بلهفة وجريت عليا بجد يا نرمين؟! ربنا يسترك يا بنتي، ربنا يباركلك في ولادك، إنتي
أصيلة وبنت حلال!
رجعت خطوة لورا، وبصيت لحماتي بنظرة خلت كلماتها تقف في حلقها زي العضم متكمليش يا حماتي.. متكمليش عشان الزواق ده خلاص اتمسح من زمان. الفلوس دي مش طالعة لوجه الله ولا عشان سواد عيون حد فيكم.. الفلوس دي تمن كرامتي وتمن سنين الذل وتمن القلم اللي نزل على وشي.

السابق1 من 2
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى