روايات وقصص

حياه الادم ل زهرة الربيع

حياه بصتلو باستغراب وادم بصلها بابتسامه جميله وقال..معقوله يعني مصدقه اني ممكن اذيكي…طب لو انا عايز اعمل فيكي كده ايه الي سكتني كل السنين الي فاتت ما انتي كنتي معايا طول الوقت…واتنهد وقال…للمره المليون..ادم بيحبك..اتخلق علشانك ومستحيل يأذيكي يا حياة أدم.

 

حياه مسحت دموعها وابتسمت براحه وقالت..طيب…شكرا بجد يا ادم…ممكن تروحني بقى..زمان بابا قلقان عليا.

ادم بقى يحط الحطب للمدفأه وقال بلامبالاه…لا متقلقيش ابوكي زمانو كمل دور الشطرنج..وابتدى يلعب طاوله ومغلوب زي العاده متشغليش بالك…هو عارف انك مع ابن عمك..وجوزك المستقبلي..واكتر انسان بيحبك في الدنيا فأكيد مطمن.

حياه قالت بضيق..وانا بقولك متتعبش نفسك ..انا مش بحبك ومش هحبك..دي حاجه مش بالغصب تمام.

ادم قال بنفس الهدوء..لا مش بالغصب برضاكي..هستناكي توافقي..شهر اتنين سنه سنتين..بصي مش هنمشي من هنا الا لما توافقي على جوازنا.

حياه قالت بضيق..وانا مش هوافق على جوازنا لو فضلنا هنا العمر كلو تمام..انا مبحبكش.

ادم قال بسرعه..ايوه ليه بقى..مبتحبنيش ليه…انا طول عمري فاكر انك بتحبيني…كنتي كل ما تشوفيني خدودك تحمر ومتعرفيش تنطقي كلمه واحده…حتى دقات قلبك الي كنت اسمعها من بعيد كانت بتقولي انك بتحبيني..بس حالك اتقلب في الـ 5 شهور الي فاتو من بعد ما رجعت من المأموريه الاخيره ايه الي حصلك مش فاهم.

بقلم… زهرة الربيع

حياه قالت..الي حصل اني خدت راحتي في غيابك طلعت للدنيا من غير ما تحرسني ولا تضايقني…اتكلمت مع غيرك من غير ما اخاف.. شوفت الدنيا وحبيت ..ايوه حبيت يا ادم..انا بحب مروان ومش هتجوز غيره.

ادم ضحك وقال..انتي بتعصبيني كده يعني…بتحبي مروان من امتي..ده انتي الاسبوع الي فات كنتي هتتجوزي الشخص الي اسمو كريم..ايه..كان حب مؤجل مثلا ولا حبتيه الاسبوع ده وبقى حب ملوش رجوع.

حياه اتوترت وقالت..انا…انا اتجوز الي انا عيزاه..كفايه انو هو شاب طموح وبيحبني ومؤدب.

ادم قال..مؤدب دي فيها كلام هنتاقش فيها بعدين بس يعني العرسان الي بيتقدمولك مش احسن مني وبعدين انتي بتوافقي على اي حد والسلام..المهم ميكونش انا.

حياه اتنهدت وقالت..لا طبعا..اسمع يا ادم..انا قولتلك قبل كده احنا اتربينا سوا وانا مش قادره اشوفك جوزي وبس كده كفايه بقى وروحني.

في بيت حياه كانو ابوها وامها قاعدين عادي ومروان رايح جاي بضيق وقال..انا مش عارف ازاي انتو بالهدوء ده…بنتكم مش موجودة ودلوقتي قاعده مع شاب لوحدها…انا مش فاهم ازاي مش عايزين تبلغو الشرطة.

مروان قال بضيق..وانا مش هستنى لحد مايرجعها انا ايه ضمني انو يرجعها… خمس شهور وانا بحاول معاها وافقت على كل العرسان إلا انا… وبعد ما وافقت…

مروان قال كده ومشي رغم ان ابو حياه كان بينادي عليه بس مرضيش يسمعو.

ابو حياه اتنهد وقال بقلق…هنعمل ايه دلوقتي الولد ده هيودي نفسو في داهيه.

توفيق قال…لا طبعا انتي بتقولي ايه..دي مع ادم يا نهله ادم ده الي طول عمره بيحميها.

نهله قالت..يوه بقى معرفش يا توفيق انا قلقانه على البنت ربنا يستر ويرجعها انهارده بقى.

حياه كانت قاعده بتبصلو بغيظ وقالت بابتسامه…ادم..هيه الساعه كام معاك دلوقتي.

ادم قال ببرود..واحده ونص.

حياه قالت…طب ايه بقى مش اتاخرنا ..ايه رأيك نروح ننام ونرجع نكمل الموضوع يوم تاني.

ادم بصلها بطرف عينه وقال..نامي لو جايلك نوم علشان مش هتروحي.

ادم اتنهد وقال..خدي البسي ده.

حياه بصت لقميصه بتردد بس ملقتش حل تاني اخدتو وقالت..اتفضل.

ادم طلع ووقف لوحده وهو مضايق جدا من كل الوضع ده بس مش قادر يبعد عنها ولا قادر ينساها مهما حاول.

جوه الكوخ حياه كانت ماسكه قميصه وبتبصلو بدموع وبقت تشم عطره فيه وقالت..ياريت اقدر اكون معاك في يوم يا ادم انت امنيه حياتي…بس ازاي بعد الي عرفتو وجات في بالها ذكرى مؤلمه من كام شهر لما ادم سافر ورجع من السفر وجاتها مكالمة من واحده متعرفهاش اصرت تقابلها.

فلاش باك: حياه قاعده على كافيه قريب من البيت وجات بنت في منتصف العشرينات وقعدت قصاد حياه وقالت..ازيك يا انسه حياه.

حياه استغربت لانها أول مره تشوفها قالت..حضرتك تعرفيني.

البنت قالت..عز المعرفه ادم مش بيتكلم غير عليكي.

حياه ابتسمت وقالت..حضرتك تعرفي ادم كمان..تبقي اكيد زميلتو.

البنت قالت..لا…انا مش زميلتو…شوفي يا حياه انا عارفه ان الي هقوله صعب عليكي بس انا وادم نعرف بعض من مده طويله ولما سافر السفريه الاخيره قضيناها سوا…يعني انا وهو ديما بنكون مع بعض.

بقلم… زهرة الربيع

حياه اتصدمت وبصت لها بغيظ وقالت..انتي كدابه ادم بيحبني ومستني بس اخلص دراستي وهنتجوز.

البنت قاطعتها وقالت..اهدي يا حياه انا عارفه انك اكيد هتنجرحي من كلامي بس انا مضطره اصارحك… ارجوكي يا حياه تفهمي.

حياه مسحت دموعها وحاولت تقوى وقالت..انتي عايزه مني ايه دلوقتى.

البنت قالت..كل الي عيزاه انك تبعدي عنو تفهميه انك مش عيزاه…ارجوكي يا حياه.

هنا فاقت من الذكري الأليمه دي على صوت ادم بيقول..كل مده مخلصتيش انا هتجمد من البرد يا حياه عيب عليكي كده.

حياه مسحت دموعها بسرعه وقالت…ايوه…ايوه ثانيه بس.

ولبست بسرعه وقالت..ادخل يا ادم.

ادم دخل وقال…كل ده…

بس اتجمد مكانو لما شافها لابسه القميص وشكلها هادئ وجميل، بلع ريقه وهو بيبصلها باعجاب شديد وقال…احم…هو ده…ده نفس القميص الي انا كنت لابسو.

حياه بصت لنفسها وقالت..اه ليه.

ادم قرب عليها وقال…اصلي مستغرب… عليكي شكل تاني خالص… وقرب منها وهمس وقال….يا بختو.

حياه ابتسمت بكسوف وارتبكت جدا وقالت..انا..انا هنام …تصبح على خير، وشدت غطا الكوخ وقالت..غريب قوي المكان ده.

ادم بقى يجهز لنفسو مكان علشان ينام وقال…اه ده مكان عزلتي الوحيد لما بتخنق باجي هنا.

حياه قالت بضيق…لوحدك…ولا بيكون معاك حد.

ادم استغرب السؤال وقال..لا طبعا لوحدي انتي اول حد يعرف بيه.

حياه مكانتش مصدقاه قالت..اممم…طيب…صدقتك…تصبح على خير.

ادم استغربها قوي بس قال…وانتي من اهلو …ونام هو كمان لانو كان تعبان جدا.

في صباح يوم جديد حياه قامت وكان ادم لسه نايم بقت تتسحب وطلعت من الكوخ.

الشباب بصولها بزهول وواحد منهم وقف وقال…هي الحته دي مسكونه ولا ايه.

بقلم… زهرة الربيع

السابق1 من 2
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى