روايات وقصص

لست ل امنيه الريحاني

الفصل الرابع

ونستكمل حوار سيف مع غادة في صدمة من غادة

سيف: إحنا لازم نسيب بعض

نظرت له غادة في صدمة قائلة: أنت بتقول إيه يا سيف، أنت عايزنا نسيب بعض ، طب ليه؟!

سيف : صدقينى يا غادة ، الموضوع مش سهل عليا زى ما أنت متخيلة ، بس أنا بعمل كده عشان مصلحتك

غادة في سخرية: مصلحتى ! مصلحتى إنك تبعد عنى ، طب ليه أنا عملت إيه ؟

سيف: إنتى عمرك ما عملتى حاجة وحشة يا غادة، المشكلة فيا أنا ، أنا جالى فرصة سفر لألمانيا عشان أشتغل وأكمل دراستى

غادة : طب وإيه المشكلة ؟! أنا أسافر معاك، نتجوز قبل ما تسافر وآجى معاك

سيف: مش هينفع يا غادة، أنا معرفش الدنيا هناك عاملة إزاى ، ومش هينفع أتجوزك وأبهدلك هناك

غادة: طب خلاص يا سيف بلاش تأخدنى معاك، نتخطب وأنا هستناك لحد ما تخلص دراسة وترجع تتجوزنى

سيف: برضه مش هينفع ، أنا مقدرش أسيبك متعلقة كل ده ، أنا معرفش هخلص إمتى

غادة: من الواضح إن كل دى حجج ، وإنك أنت اللي مش عايزنى معاك أصلاً

سيف: متاخدهاش كده ، خديها إنى خايف عليكى من البهدلة ، وعايزلك حد أحسن منى

تنظر له غادة في سخرية قائلة: حد أحسن منك ؟! أمال اللي بينا ده كان إيه؟

سيف: اللي بينا كانت مشاعر جميلة أوى ، بس يمكن إنتى فهمتيها غلط

وهنا أنفجرت بركان غادة التي طالما حاولت إخماده قائلة: فهمته غلط ؟! أيوا صح عندك حق، لما كنت بتقولى أنا بحبك يا غادة وعايزك مراتى كنت فاهمة غلط، لما كنت بتغير عليا من أى راجل تانى وتقعد تزعقلى ونظراتك تبقى نارية ليه كان كل ده فهم غلط، لما كنت بتعلق على لبسى ، وتقعد تؤمر ألبسى ومتلبسيش كنت برضه فاهمة غلط ، لما كنت بفهمك من نظرة عينيك من غير ما تحتاج حتى تتكلم وأعملك اللي أنت عايزه كنت برضه فاهمة غلط ، لما أستكفيت بيك عن كل الناس وكنت شايفاك أمانى وحمايتى وتعويضى عن كل وجع عشته في حياتى كنت برضه فاهمة غلط

وتكمل حديثها في إنهيار قائلة: تصدق بقى أنا أكتشفت إنى من يوم ما أتولدت وأنا فاهمة حياتى كلها غلط

أغمض سيف عينيه في آلم ، فقد مسّ قلبه حديث غادة وإنهيارها ، لتحاول غادة تهدئة نفسها وإكمال حديثها قائلة : متخفش عليا أوى يا أستاذ سيف ، أنا الصدمة مش هتموتنى ، على العموم أنا مش هوعدك إنى هحاول أنساك عارف ليه؟

ينظر لها سيف في تساؤل ممزوج بألم

لتكمل غادة في حزن وقد همّت بالذهاب قائلة: عن إذنك

وتعود غادة إلى الواقع ، لتجد دموعها قد خانتها وهربت من سجن عيونها ، مسحت غادة دموعها سريعاً ، وأنتبهت أنها أصبحت في الواقع وأن كل هذا ما هو الَّا ذكريات أليمة ، أستكملت حديثها مع نفسها قائلة :

ومن ساعتها أنقطعت أخبار الإتنين ، أحمد وسيف، او بمعنى أصح أنا اللي مبقتش عايزة أعرف أخبار عن حد فيهم ، بعد ما شاركوا الأتنين في أذى قلبى وثقتى في كل الرجالة ، ومشوفتش حد فيهم غير النهاردة ، لما جه أحمد فرحى ومعاه مراته وولاده الأتنين ، بس الغريبة إنه متجوزش نهى اللي سابنى حصلا أصلاً ، كأنها كانت جاية لمهمة محددة وهي إنها تفرق بيننا وخلاص ، وبعد كده دورها ينتهى، أما بالنسبة لسيف فلحد لحظتنا دى أنا مشوفتوش ومعرفش عنه أى حاجة، بعد اللي حصلى كرهت كل الرجالة ، أتأكدت إن مفيش راجل ينفع أثق فيه ولا أسلمله مشاعرى ، مشاعر إيه أنا أصلا موتها من زمان ، أهتميت بشغلى وبس ، بقيت باخد كورسات كتير وأشتغلت في أكتر من مكان ، مكنتش بخلى ثانية واحدة في حياتى فاضية ، لحد ما أتعينت في شركة مقاولات ، وهناك أتعرفت على خالد ، كان شغال مهندس في الشركة ، خالد كان معجب بيا وده كان واضح من طريقته معايا، بس أنا كنت بحاول أتجاهل الإعجاب ده ، لحد ما فاجئنى بطلبه بالجواز منى بعد سنتين ، في الأول فكرت أرفض زى ما رفضت قبله كتير، لكن رجعت في كلامى مع ضغط ماما ، ولأنى حسيت إننى الوحيدة اللي خسرت في الموضوع ده ، كل واحد عاش حياته ، اللي سافر أتعلم واشتغل ، واللي أتجوز وخلف ، وأنا وقفت حياتى ، وفى أقل من شهرين أتجوزت أنا وخالد ، وبقيت مكتوبة على أسم راجل

نظرت غادة لخالد النائم بجانبها مكملة حديثها: بس يا ترى القدر مخبى لعلاقتنا إيه يا خالد ، ويا ترى إيه الجرح الجديد ليا اللي هتكون سبب فيه

وفي اليوم التالى ظهراً:

تفتح غادة عينيها بثقل ناظرة حولها ، وتسأل نفسها : إيه ده ، أنا فين ، وفين أوضتى؟

لتتذكر أن أمس كان حفل زفافها ، فتتنهد في ضيق وتنظر بجانبها باحثة عن خالد ، ولكنها تستعجب عندما لا تراه بجانبها محدثة نفسها: إيه ده ، هو راح فين؟

ليقطع تساؤلها خالد الذى يدخل حاملاً صينية من الطعام ، وعلى وجهه إبتسامة بشوشة قائلاً: صباح الخير يا عروسة ، كل ده نوم

غادة: ليه هو إحنا إمتى دلوقتى؟

خالد: العصر قرب يأذن يا حبيبتى

غادة: ياااااه: أنا يظهر كنت جعانة نوم ، معلش يا خالد سبتك لوحدك

يضع خالد ما بيده على الطاولة ويقترب منها ممسكاً يدها قائلاً: أنا أهم حاجة إنك نمتى وأرتحتى ، وكفاية عليا إن صحيت على وشك الجميل ده

تنظر له غادة محاولة تجاهل مشاعرها قائلة: هو إيه اللي هناك ده؟

خالد: دا الفطار يا حبيبتى ، عملته بإيدى

غادة: أنت اللي عملته؟

خالد: وإيه يعنى يا حبيبتى، وبعدين إنتى عروسة ولازم تتدلعى ، بس متاخديش على كده

غادة: أنت طيب أوى يا خالد

ليصرخ بداخلها صوت ينبهها قائلاً : إنتى هتصدقى ولا إيه ، دا حبتين بيعملهم عشان لسه في الأول ، وبعد كده هتشوفى الدلع على حقه

خالد: طب يالا بقى يا قمر ناكل ، عشان أنا هموت من الجوع ومهنش عليا أكل من غيرك

مر شهر كامل على زواجهم ، وقد قضوا معظمه في السفر أو كما يقولون شهر عسل ، حاوطها خالد فيه بالحب والحنان والإهتمام ، أما غادة فأحياناً تستلم لهواجسها الداخلية أن كل what يفعله معها خالد what هو إلا تمثيل ، وأن قناعه سيسقط في أى لحظة ، وطالما كثرت شكوكها ، وكثير من الوقت تستسلم لحبه وحنانه مكذبة نفسها ، ربما لأنها تحتاج لكل المشاعر التي يغرقها بها خالد، أو ربما لأنه يعطيها إحساس الأمان التي أفقده منذ أن كانت صغيرة ، أياً كانت الأسباب فهى تحاول أن تنعم بهذه السعادة حتى ولو لفترة مؤقتة ، لتستعد بعدها للحرب الذى شنّها عقلها على قلبها ، حتى يجعل من القسوة غلافاً مناسباً يحميها من أى غدر

بعد شهر من رجوعهم القاهرة :

تجلس غادة في بيتها الجديد التي بدأت تعتاد عليه ، وأحست أنه أصبح مملكتها وفي نفس الوقت حصن أمانه التي سوف تحتمى به ضد أى هجوم على قلبها ، تنظر إلى الساعة ويبدو علي ملامحها الضيق ، يدخل خالد حاملاً بعد الرسومات الهندسية في يده وعلى وجهه إبتسامة بشوشة أعتادت عليها

خالد : مساء الخير يا حبيبتى

يقترب خالد ليقبلها في وجنتها ، ولكنها تبتعد عنه قائلة: كنت فين يا خالد لحد دلوقتى؟

خالد: مالك يا غادة ، بعدتى عنى ليه ؟

غادة: بقولك كنت فين يا خالد

خالد: كنت في الشركة يا غادة ما إنتى عارفة

غادة: خالد ، الشركة بتخلص 4 ، والساعة دلوقتى7 ، وبيننا وبين الشركة نص ساعة دا بالكتير أوى ، كنت فين باقى الوقت

يخلع خالد جاكت بدلته في تعب قائلاً: خلصت الشركة وروحت عند ماما أطمن عليها ، فيها حاجة دى؟

غادة: وليه مقولتليش آجى معاك.؟

خالد: يعنى مجتش مناسبة ، وأنا راجع حسيت أنها وحشانى وقولت أطمن عليها

غادة: مجتش مناسبة، ولا مكنتش عايزنى آجى معاك؟

خالد: وأنا مش هعوزك تيجى معايا ليه يا غادة؟

غادة: يمكن عشان تروح تشوف حبيبة القلب براحتك من غير عوازل

خالد: حبيبة القلب مين؟

غادة: خالد متستهبلش ، أنت عارف أنا قصدى على مين ، جنى بنت الجيران اللي مربيها على إيدك ، واللي أول ما روحنا عند مامتك مقدرتش تستحمل وجريت عليك اول ما شافتك ، دا كان ناقص تبوسك وتاخدك بالحضن يا راجل، ولا عملت حساب لكرامة الكلبة اللي واقفة جنبك

خالد: مستهبلش؟! لا يا مدام إظاهر إنك إنتى اللي نسيتى إنك بتكلمى جوزك ، وانا بقى اللي هفكرك

الفصل الخامس
ويستمر الشجار بين خالد وغادة
خالد: مستهبلش؟! لا يا مدام إظاهر إنك إنتى اللي نسيتى إنك بتكلمى جوزك ، وانا بقى اللي هفكرك
غادة: إيه يا بشمهندس ، هتضربنى؟!
خالد: لا يا هانم، مش أنا اللي يهين مراته ، ولا يحط من كرامتها ، أنا قولتهالك قبل كده وإنتى مصدقتيش ، إن كرامتك بقت من كرامتى من يوم ما أتكتبتى على أسمى، أنا أتربيت في بيت أبويا كان بيحترم أمى وشايلها فوق راسه
غادة: أمال هتعمل إيه؟
نظر لها خالد ولم يجبها وأخذ جاكت بدلته تاركاً لها المنزل ، ظلت غادة تنتظره حتى عاد ليلاً ودخل غرفته وجدها جالسة على السرير في إنتظاره ، تجاهل خالد وجودها وأبدل ملابسه ، وأستعد لكى ينام
غادة: خالد، أنت هتنام؟
خالد: حضرتك شايفة إيه؟
غادة: طب مش هتاكل ، أنت متتغدتش
خالد: اللي كلته منك كفاية ، تصبحى على خير
أقتربت منه غادة ولفت زراعيها حول ظهره قائلة: حقك عليا ، أنا آسفة
خالد في جمود: ليه وإنتى عملتى حاجة؟
غادة: متبقاش بايخ بقى يا خالد، أنت عارف إنى بعمل كده من غيرتى عليك
ألتف لها خالد وقد على ملامحه قبول إعتذارها قائلاً: يا غادة ، إنتى عارفة إننى مبحبش غيرك وجنى دى زى أختى الصغيرة ، وبعدين ما هى كانت أدامى لو عايزاها كنت أتجوزتها ، لكن أنا أتجوزتك إنتى ، عشان بحبك إنتى ، افهمى بقى
غادة: خلاص فهمت ، حقك عليا بقى
خالد: أبداً لازم أتصالح
أبتسمت له غادة قائلة: حاضر
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”

4 من 4التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى