روايات وقصص

لست ل امنيه الريحاني

تتركه غادة وتذهب ودموعها محبوسة فى عيونها ، ظلت غادة صامدة تحبس بداخلها صرخات وبكاء مرير ولكن منعتها كرامتها من البكاء ، جلست على محطة المترو تنتظر قدوم المترو وهى شاردة حتى أنها لم تشعر بقدوم أكثر من مترو أمامها ، ظلت شاردة تفكر فى حالها حتى فوجئت بمكن يضع يده على كتفها ، رفعت عنيها إليه لتفاجيء أنه أحمد ، نظرت غادة للجهة الأخرى حتى لا تنظر إليه ، فنظرة واحدة منه كفيلة أن تنهار أمامه ، تمالكت نفسها وأستجمعت قواها قائلة: خير يا أحمد ، عايز إيه؟

أحمد: غادة، عايز أقولك ، أنا ….

أبتسمت له غادة أبتسامة حزينة قائلة: عايز تقولى إيه يا ابن خالتى ، إنى مبقتش أنفعك ، وإنك دلوقتى بقيت طالب فى كلية الطب ، وكلها كام سنة وتبقى دكتور ، ومن حقك ترتبط بدكتورة زيك مش كده؟

أحمد: لا يا غادة ، مش كده صدقينى ، بس غصب عنى الموضوع مش بإيدى ، إنتى غالية أوى ، دا إنتى عمرى اللي فات كله ، صدقينى يا غادة إنتى أكتر من أختى

تضحك غادة فى آلم: أختك ! يعنى لما كنت بتقولى يا حبيبتى وإنك نفسك أبقى جنبك العمر كله كان قصدك إنى أختك ، يعنى لما كنت بتجيلى ترمى فى حضنى همومك وأوجاعك وتخلينى اشاركك أحلامك كان عشان أنا أختك، يعنى سهرى جنبك ، وأنت عيان وخوفى عليك أكتر من نفسى دا عشان أنا أختك ، يعنى حبك ليا كان…..

وهنا لم تستطع غادة إكمال حديثها وشعرت بصوتها يختنق بداخلها ، همّ أحمد بالحديث ، فرفعت غادة يدها فى وجهه توقفه عن الحديث قائلة: كفاية يا أحمد ، كفاية وجع لحد كده ، أنت دبحت قلبى بس\كينة ومش من السهل حد يداويه

همّت غادة المغادرة ولكن أوقفها صوت أحمد قائلاً : غادة

نظرت له غادة ، فأكمل حديثه : ممكن ماما متعرفش موضوع نهى ، غير لما أقولها فى الوقت المناسب؟

نظرت له غادة فى آلم وتركته وغادرت ، وصوت صرخات قلبها يعلو بداخلها لا يستطيع الوصول إلى فمها ، أنقطعت علاقة غادة بأحمد تماماً وأنقطعت عن زيارة خالتها بحجة انشغالها بالدراسة ، حتى أنها لم تعد تهتم أن تعلم بأخبار أحمد

وهنا أفاقت غادة من شرودها على صوت خالد يدعوها للخروج من السيارة للذهاب إلى القاعة المقام به حفل الزفاف ، تمسك غادة فى زراع خالد وتسير أثناء الزفة ، وهى تشعر وكأنها بداخل فيلم تشاهده وسينتهى فى وقت ما ،وأنها ما هى إلَّا مشاهدة وليست هى البطلة ، ظلت تنظر لمن يجلس بجانبها ،مَن هذا الغريب الذي أصبحت مكتوبة على أسمه ، من هذا الذى أخترته ليكمل لها مسيرة العذاب التى توالت عبر حياتها ، مَن هذا الرجل التى أمنته نفسها وهى تعلم تمام العلم أن لا أمان مع رجل ، ظلت على هذا الحال غلى أن أنتهى حفل الزفاف وذهب إلى منزلها الجديد برفقة ما يدعونه زوجها.

جلست غادة على سريرها خائفة ، فهى مازالت تشعر أنها مع رجل غريب في مكان واحد ، وأن كل من حولها شاركوا في هذه الخطة للتخلص منها وإلقائها في حضن رجل سوف يكمل مسيرة عذابها ، أقترب خالد منها في حنان فأنتفضت حين لمسها ، فاشفق عليها قائلاً : بس يا حبيبتى متخافيش ، ده أنا

نظرت له غادة في قلق دون أن تجيبه ، فأمسك يدها في حنان قائلاً: بصى يا غادة ، أنا عارف يا حبيبتى إن جوازنا جه بسرعة ، وإنك ملحقتيش تاخدى عليا ، بس أنا عايز أطمنك ، أنا عمرى ما هخليكى تعملى حاجة غصب عنك ، ومش عايز في يوم أشوف نظرة الخوف في عينيكى ، إنتى مراتى يعنى على أسمى، وواجبى ناحيتك إنى أعيشك في أمان ، مخلكيش تخافى من أى حاجة

نظرت له غادة في إرتياح بثّه لها كلامه معها ، يا لك من رجل طيب يبدو على ملامحك الحب والحنان ، هل يمكن أن يكون قد بعثك القدر لى لتعوضنى عما عانيته في حياتى ، هل يمكن أن يكون ما أراه في عينيك هو حب صادق، ولكن لا ، أنت رجل ، والرجال ما أسهل عليهم تمثيل الحب ببراعة ، حتى يسقط القناع عن وجوههم ليظهره بالوجه الحقيقى المغطى الكداع والكذب و….. الخيانة

أكمل خالد حديثه قائلاً : إيه يا غادة، هتفضلى ساكتة.؟

غادة: خالد ، ممكن أطلب منك طلب؟

خالد: طبعا يا حبيبتى

غادة: ممكن ننام النهاردة ، أنا حاسة إننى قلقانة ومش واخدة على المكان، ولا …

خالد: ولا واخدة عليا ، مش كده؟ على العموم زى ما تحبى يا غادة، أنا قلتلك مش هغصب عليكى في أى حاجة ، إنتى مراتى ، ولازم أحطك تاج فوق رأسى

نظرت له غادة محاولة إقناع نفسها أنه يتظاهر بالطيبة والحب ، نام الأثنان بعد أن أبدلا ملابسهما ، وسريعا ما غاط خالد في نومه ، أما غادة فلم تستطع وقف عقلها عن الرجوع بالزمن إلى الوراء من جديد

تجلس غادة على أحد المقاعد في الجامعة تحتسى مشروبها ويبدو على ملامحها الحزن الذى اصبح رفيقها منذ بُعدها عن أحمد ، تجلس بجانبها رحمة صديقتها التي تعرفت عليها في الكلية ، وأصبحت في وقت قليل الصديقة المقربة لها التي تلقى بأوجاعها في حضنها

رحمة: وبعدهالك يا غادة ، لحد إمتى هتفضلى حزينة كده ، فات كذا شهر من ساعة اللي حصل ، انسى بقى

غادة: أنسى ؟! أنسى إيه يا رحمة ، أنسى عمر ضيعته بحب في إنسان أنانى واخدنى إستبن ، ولا أنسى إنى بسببه مدخلتش الكلية اللي كنت عايزاها، لمجرد إنى فضلته على نفسى ، لو النسيان سهل مكنش حد بات موجوع

تحاول رحمة التخفيف عنها في مرح قائلة: يا ستى دا كتر خيره إنه عمل كده ، عشان تدخلى الكلية وأعرفك ، وإلَّا كان زمانك في هندسة وبتبصلى للغلابنة اللي زيي من فوق لتحت

تضحك غادة على كلامها

رحمة: أيوا يا ستى ، أضحكى محدش واخد منها حاجة

تنظر رحمة إلى شخص ما قادم وتكمل حديثها : أووووبا ، حظك في رجليكى يا غدغد ، المعجب الولهان جه

غادة: قصدك مين؟

رحمة : هيكون قصدى مين يعنى، هو في غيره ؟

غادة: سيف !!!!

الفصل الثالث

تكمل غادة ورحمة حديثهما في الجامعة

غادة: قصدك مين؟

رحمة : هيكون قصدى مين يعنى، هو في غيره ؟

غادة: سيف !!!!

رحمة: آه يا أختى سيف ، هو في غيره ، اللي بيفضل مش على بعضه وعينه بتلف عليكى لحد ما تدخلى المدرج ، وأول ما بتدخلى الإبتسامة بتبقى من الودن دى للودن دى ، وعينيه مبتتشالش من عليكى طول المحاضرة

غادة: علفكرة بقى إنتى بتبالغى

رحمة: طب أراهنك إنه هيجى يقعد على المقعد اللي أدامك

وبالفعل جلس سيف في المقعد المقابل لمقعد رحمة وغادة في ضحك من رحمة ، تضرب غادة رحمة في كتفها قائلة: علفكرة إنتى رخمة

رحمة: لا لا أنا جامدة أخر تلات حاجات ، بفرح أى لما بشوف حد الحب مشحتفه كده

غادة: حب إيه يا بنتى ، بطلى تسوقى فيها ، عشان مياخدش باله ويبقى منظرنا وحش

رحمة: وإيه يعنى ، ما ياخد باله دا حتى يفرح

همّت غادة بالقيام في غضب مزعوم قائلة: لا أنا هقوم ، الكلام معاكى مش جايب نتيجة ، والمحاضرة هتفوتنا

رحمة: طب أستنى متزعليش ، أنا جاية معاكى

سار كل من غادة ورحمة في إتجاه المدرج ، ليجدوا من يعترض طريقهم في خجل قائلاً: آنسة لو سمحت

أتسعت عين غادة عندما وجدته سيف ، بينما كتمت رحمة ضحكتها بداخلها

غادة: نعم

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى