روايات وقصص

حماتى بعتتنى لست شمال ١

زهره الربيع

. كلمات معدودة مخدتش ثواني.

أول ما الكلمات دي دخلت ودن حماتي، الضحكة والشماتة اللي كانت على وشها اختفت تماماً، وعينيها برقت لدرجة حسيت إنهم هيطلعوا من مكانهم، كأنها شافت مشهد مرعب قدامها. حاولت تتكلم أو تنطق، بس لسانها عجز، وفجأة.. طولها خانها، ووقعت من طولها من الصدمه”!!!!!

جوزي أول ما شاف أمه وقعت على الأرض بالشكل ده، صرخ بأعلى صوته: “أمي!”، وجري عليها وحاول يفوقها وهو مرعوب، والست صاحبة الشقة والناس اللي كانوا قاعدين اتلموا حوالينا والمكان اتقلب في ثانية.

أنا وقفت مكاني حاطة إيدي في وسطي، وباصة لها ببرود شديد، والابتسامة لسه فارقة وشي. أحمد بص لي بنظرة كلها غل وعياط وقال لي:

“أنتِ قولتِ لها إيه؟ عملتِ في أمه إيه يا غادرة؟”

رديت عليه بكل هدوء وثقة:

“فوق أمك الأول يا أحمد، وخلينا نخرج من المستنقع ده، ولما نروح البيت هقولك أنا قولت لها إيه بالظبط، وهتعرف مين فينا اللي غادر ومين الشريف.”

الست صاحبة الشقة خافت من لمتنا ومنظر حماتي اللي زي حالتها، وزقتنا بره وقالت: “برا.. خدوها وموتوا بعيد عني وعن شقتي، مش ناقصين خراب بيوت وشرطة!”

شيلنا حماتي وأنا ساعدته من غير ولا كلمة، ونزلنا بيها على أول مستشفى. دكاترة الطوارئ جريوا بيها ودخلوها الأوضة، وأحمد كان رايح جاي في الطرقة زي المجنون، الشك بياكله من ناحيتي، والخوف على أمه هيموته. بعد نص ساعة خرج الدكتور وهو بيتمسح في جبينه وقال:

“الحمد لله، لحقناها.. جالها صدمة عصبية شديدة أدت لهبوط حاد في الدورة الدموية وتأثر مؤقت في الأحبال الصوتية من خضة أو خبر صادم، هي مش هتقدر تتكلم كام يوم، بس حالتها مستقرة ونقلناها أوضة عادية.”

أول ما سمعت كلمة “مش هتقدر تتكلم”، ضحكت من جوايا وقولت: “يا محاسن الصدف! ربنا منع كلامك عشان اللعبة تخلص على نظيف”.

أحمد دخل جري عليها، لقاها مفتحة عينيها وبتبص للسقف بذهول، وأول ما شافتني داخلة وراه، عينيها اتملت بخوف حقيقي وحاولت ترفع إيدها تشاور عليا وهي بتترعش وجسمها بيتنفض، بس مكنتش قادرة تطلع صوت.

أحمد لف ليا، وعينيه كلها شرار، ومسكني من دراعي جامد وقال:

“أنطقي.. قولتِ لها إيه خلاها بالمنظر ده؟ وإيه اللي جابك الشقة دي؟ لو منطقتيش حالاً هطربق الدنيا فوق دماغك!”

شديت دراعي منه بقوة وبصيت له في عينيه وقولت له:

“امشي معايا يا أحمد، سيب أمك ترتاح هنا، وتعالى معايا على البيت وأنا هسلمك المفاجأة اللي خلت أمك تقع من طولها.. هسلمك كرامتك اللي أمك كانت عايزة تبيعها برخيص.”

مشي ورايا وهو زي المغيب، مش فاهم حاجة وتايه بين منظر أمه المرعوبة مني وبين ثقتي اللامتناهية. وصلنا الشقة، أول ما دخلنا قفل الباب ووقف وقالي: “أدينا في البيت.. أنطقي!”

قولت له: “فاكر الأسبوع اللي فات لما قولت لك إني رايحة عند أمي، وأمك فضلت تزن في ودنك وتقولك دي بتخرج ومحدش عارف بتروح فين؟”

قال لي: “آه.. وكنتِ بتكدبي؟”

قولت له: “لأ مكنتش بـكدب.. أنا فعلاً روحت لأمي، بس وأنا هناك، بالصدفة البحتة، شوفت أمك داخلة العمارة اللي قصاد بيت أمي.. وعارف دخلت شقة مين؟ دخلت شقة الأستاذ (ممدوح) المحامي اللي ماسك قضية الميراث بتاعة أرض أبوك الله يرحمه!”

أحمد استغرب وقال: “طب وإيه يعني؟ ما هي رايحة تتابع القضية!”

ضحكت بسخرية وقولت له:

“تتابع القضية الساعة ١١ بالليل يا أحمد؟ وفي شقته السكنية مش مكتبه؟! أنا قلبي اتقبض، ووقفت في البلكونة عند أمي وراقبت، ولما اتأخرت نزلت ووقفت عند بواب العمارة اللي هو قريبي وأصلاً من بلدنا، وسألته.. والراجل من كتر صدمته وأمانته حكى لي على المستخبى.. أمك بايعة أرض أبوك من وراك بعقد غير صحيح بالاتفاق مع المحامي ده، وقابضة تمنها ومخبياه في حساب سري باسمها، والمحامي بيقاسمها في الفلوس والمقابل كان…”

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى