سعاد ابتسمت وقالت بثقة: ـ متخافيش، أنا عارفة هعمل إيه. وبصت لها وقالت: ـ بس المرة دي، لازم محمود هو اللي يقف في صفّي ضد مراته!ضراير تحت سقف واحدالجزء الثالث: سلفتي بتخطط تاخد جوزي!تاني يوم الصبح، كنت بجهز الفطار لبنتي ملك، وفجأة سمعت خبط على الباب.
فتحت لقيت نجلاء واقفة، ووشها فيه ابتسامة غريبة. قالت لي: ـ صباح الخير يا منال، إنتِ فاضية شوية؟رديت عليها: ـ صباح النور، خير يا نجلاء؟دخلت وقعدت في الصالة، وبعدين قالت: ـ بصي يا منال، أنا عايزة أتكلم معاكي في موضوع، بس أوعي تزعلي مني.
قلبي اتقبض، لكن رديت بهدوء: ـ اتكلمي يا حبيبتي. قالت: ـ إنتِ مش ملاحظة إن سعاد بقت تعتمد على محمود في كل حاجة؟ كل شوية تنادي عليه، وكل شوية تطلب منه يطلع لها، مع إن حسن موجود. بصيت لها وأنا بحاول أفهم هي عايزة توصل لإيه.
الأكثر قراءة الان
خطبة ابنى 1حكايات زهره
منذ أسبوع
سلفتى استلفت منى حكاوى شيمو
منذ يومين
خطبة ابنى 2 حكايات زهره
منذ أسبوع
قلت: ـ أيوه، ملاحظة، بس يمكن علشان محمود أخو جوزها، وهي متعودة عليه. نجلاء هزت راسها وقالت: ـ يا ريت الموضوع يقف عند كده، بس أنا خايفة عليكي يا منال. سعاد لما بتحط حاجة في دماغها، مبتسيبهاش غير لما توصل لها.
كان نفسي أضحك في وشها وأقول لها إني عارفة كل حاجة، لكن تماسكت وقلت: ـ ربنا يستر، وكل واحد ياخد باله من بيته. قامت نجلاء، وقبل ما تمشي قالت: ـ خلي بالك من جوزك يا منال، مش كل الناس بتتمنى الخير لبعض.
خرجت، وأنا واقفة مكاني بفكر. يا ترى نجلاء بتحاول تحذرني بجد؟ ولا دي لعبة جديدة علشان تخليني أشك في سعاد، وهي تفضل بعيدة عن الصورة؟بعد الضهر، كنت طالعة أنشر الغسيل على السطح، وسمعت صوت سعاد وهي بتتكلم في التليفون. كانت واقفة في ركن بعيد، ومش واخدة بالها إني قربت.
سمعتها بتقول: ـ أيوه يا حبيبتي، أنا ماشية في الخطة زي ما اتفقنا. محمود بدأ يتعود إنه يطلع لي كل ما أطلبه، ومنال مش عارفة تعمل حاجة. سكتت شوية، وبعدين قالت: ـ المهم حسن يطلقني الأول، وبعدها نبقى نشوف هنعمل إيه. حسيت بقلبي بيدق بسرعة.
يعني هي فعلًا بتخطط للطلاق من حسن، وعايزة تتجوز محمود!لكن مين اللي كانت بتكلمها؟نجلاء؟ ولا فيه حد تاني داخل معاهم في الموضوع؟قبل ما أقدر أسمع باقي المكالمة، سعاد لفتت وشها ناحيتي، فأنا اتحركت بسرعة وكأني لسه طالعة السطح.
بصت لي بشك وقالت: ـ إنتِ هنا من إمتى يا منال؟ابتسمت وقلت: ـ لسه طالعة أنشر الغسيل، خير؟ردت بسرعة: ـ مفيش، كنت بكلم واحدة صاحبتي. شلت الغسيل ومشيت، لكن المرة دي بقيت متأكدة إن الموضوع أكبر من مجرد غيرة بين سلايف.
بالليل، كنت قاعدة مع محمود في شقتنا، وقررت أفتح معاه الموضوع بطريقة غير مباشرة. قلت له: ـ إنت مش ملاحظ إن سعاد بقت تنادي عليك كتير أوي اليومين دول؟بص لي وقال: ـ مالها سعاد؟ دي مرات أخويا، وفي مقام أختي، ولما تحتاجني هقف جنبها.


