منوعات

ضراير تحت سقف واحد

ندى الجمل

بصيت له وأنا مش مصدقة إنه بيكلمني بالطريقة دي، خصوصًا إني مراته، مش واحدة غريبة داخلة عليهم!قلت له: ـ أنا مراتك يا محمود، ومن حقي أفهم إيه اللي بيحصل. رد عليا بعصبية: ـ هو كل حاجة لازم تعملي منها مشكلة؟ دي مرات أخويا، وزي أختي، وبتحكي لي عن مشاكلها.

انزلي بقى!نزلت شقتي وأنا حاسة إن قلبي بيتعصر. مش علشان سعاد بتعيط في ح. ضن جوزي وبس، لكن علشان محمود نفسه بقى شايف إن وجودي ملوش قيمة في الموقف ده. دخلت أوضتي وقفلت الباب، وفضلت أفكر: هو أنا اللي غيرانة زيادة عن اللزوم؟

ولا فيه حاجة غلط فعلًا؟لكن الإجابة جت لي أسرع مما تخيلت. بعد المغرب، كنت طالعة أجيب حاجة من عند أمي، ولما قربت من أوضة نجلاء، سمعت صوت سعاد بتقول لها:ـ أنا بقولك يا نجلاء، محمود ده لو اتساب لي شهرين بس، هخليه هو اللي يطلبني للجواز!

الأكثر قراءة الان
خطبة ابنى 1حكايات زهره
منذ أسبوع

سلفتى استلفت منى حكاوى شيمو
منذ يومين

خطبة ابنى 2 حكايات زهره
منذ أسبوع

اتسمرت مكاني!نجلاء ردت عليها وقالت: ـ وإنتِ فاكرة إن الموضوع سهل؟ ده أخو جوزك، ومراته عايشة معاه، وعندهم بنت كمان!سعاد ضحكت وقالت بثقة: ـ ما أنا عارفة كل ده، وعارفة كمان إني دخلت دماغه، وبقى أول ما أكلمه يسيب أي حاجة في إيده ويطلع لي.

نجلاء قالت بلهفة: ـ طب وحسن؟ هتعملي إيه معاه؟سعاد ردت بمنتهى البرود: ـ حسن دي حكايته خلصانة. إنتِ بس ساعديني أخليه يطلقني، وبعدها كل حاجة هتبقى سهلة. حسيت رجلي مش شيلاني. لكن الكلام اللي سمعته بعد كده كان أقسى من أي حاجة تخيلتها.

نجلاء قالت لها: ـ وأنا هساعدك، بس أوعي تنسي اتفاقنا. أنا مش هفضل طول عمري عايشة مع ضرة، وعايزة أرجع أعيش مع حسن لوحدي، من غير ما إنتِ تنغصي عليا حياتي. سعاد ردت عليها: ـ اتفقنا يا حبيبتي.

إنتِ تتخلصي مني، وأنا آخد محمود من منال، وكل واحدة فينا ترتاح من التانية. في اللحظة دي، حسيت إن الدنيا بتلف بيا. أنا كنت فاكرة إن سعاد ست بتعاني من مشاكل مع جوزها، وإن محمود بيقف جنبها علشان خاطر أخوه وولاد أخوه.

لكن الحقيقة إن فيه مؤامرة كاملة بتتعمل، وأنا وجوزي في قلبها!فضلت واقفة ورا باب أوضة نجلاء، مش قادرة أصدق اللي سمعته. سعاد عايزة تسيب حسن وتتجوز محمود جوزي، ونجلاء موافقة تساعدها علشان تتخلص منها كضرة!

يعني الاتنين اللي كنت فاكرة إن كل واحدة فيهم مش طايقة التانية، طلعوا متفقين عليا أنا!رجعت شقتي بهدوء، ودخلت أوضتي وقفلت الباب، وفضلت قاعدة أفكر في كل المواقف اللي حصلت من أول ما سعاد بدأت تستدعي محمود لشقتها.

افتكرت نظراتها ليا، وطريقتها وهي بتعيط في ح. ضنه، وإصرار محمود إني أنزل وأسيبهم لوحدهم. كل حاجة بدأت تتجمع في دماغي، لكن كان فيه سؤال واحد مش عارفة إجابته:هل محمود عارف إن سعاد عايزة تتجوزه، ولا هي بتخطط لوحدها؟

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى