
الفصل الثاني حكايات مني السيد حصري.
الهوا في صالة الشقة كان أتقل من جبل حديد، وريحة التوتر خانقة كأن في أنبوبة غاز مفتوحة ومستنية شرارة. كلمة المحامي بلاغ في قسم الشرطة بالاستيلاء على أموال وخېانة أمانة نزلت على دماغ طارق زي قالب طوب مكسور، عروق رقبته نفرت، وبقى وشه يقلب من الأصفر للاحتقان المكتوم، ولسانه شغال يبلع في ريقه الناشف بالعافية.
أمه، الحاجة فتحية، أول ما حست إن المركب بټغرق وإن الحسبة قلبت جد، تبخرت من وشها ابتسامة الفخر والفشخرة، وبدلت جلدها في ثانية كعادة الستات اللي حافظة فنون المسكنة لحد ما تتمكن. رفعت إيديها الاتنين على خدودها ولطمت لطمة
مكتومة عشان ما تصحيش العمارة يا وقعة طينة سودة! شرطة إيه وبلاغات إيه يا أستاذ أنت؟! أنتم هتعملوا فينا فيلم عربي على الصبح؟ إحنا ناس محترمين وأولاد أصول، وابني دخل البيت ده من بابه بكرامته! نيرة… يا بتي، عيب الكلام ده، بقى تدخلي الغرباء بينك وبين جوزك في أول يوم ليكي مع بناتك؟ ده حتى ضفر بنتك الصغير برقبة الدنيا بحالها!
نيرة ما رمتش عليها حتى نظرة عطف، كانت ساندة كتفها على عضادة باب المطبخ، حاطة إيد على بطنها المشدودة بالحزام الطبي، ونبرة صوتها طالعة من قاع بير متلج الأصول أنتي نسيتيها من زمان يا حماتي… من يوم ما وقفتي تتفشخري عليا بالجبنة الرومي وأنا
رجلي مش شيلاني من ډم النفاس. والراجل اللي بتتكلمي عليه ده مابقاش غريب، ده أبويا اللي شقيتي من فلوسه، ودول إخواتي اللي طارق كان بيقفل بابه في وشهم ويقولهم معندناش وقت للزيارات.
أحمد خطى خطوة واسعة، وصوته الجهوري رن في الصالة خلصنا من جو الندب ده! النص ساعة بتعدي. أستاذ وحيد، فكّرهم بالباقي عشان شكلهم فاكرين الحكاية تلاجة وبس.
الأستاذ وحيد قعد على كرسي السفرة، فرد رجليه بأريحية وفتح نوتة جلد سودا كان كاتب فيها تفاصيل بالتواريخ والأرقام، وبص لطارق اللي كان واقف مسمر مكانه بيفرك في صوابعه أستاذ طارق، أنت شغال محاسب في شركة مقاولات صغيرة، ومرتبك مبيكملش عشرة
ف جنيه في أحسن حالاته، صح؟ طارق جز على سنانه ورد بنرفزة مرتبي وحياتي الشخصية ملكش دعوة بيها! أنت بتستجوبني بصفتك إيه في شقتي؟ المحامي ابتسم بسخرية هادية بصفتي وكيل رسمي عن الحاج عبد الحميد ومدام نيرة. مرتبك يخصك لوحدك، بس لما يكون حساب نيرة في البنك الأهلي اللي أنت مضاف عليه بحق السحب والإيداع فقط لإدارة مصاريف العيادات والتحاليل اتسحب منه على مدار التلات شهور اللي فاتوا ربع مليون جنيه كاش، يبقى ده صميم شغلنا وشغل النيابة كمان ساعة لو حبيت.
طارق عينه زاغت وبص لأمه بصة كلها ړعب، أمه بلعت ريقها ونزلت إيديها من على وشها وبدأت تبص في السقف، المحامي كمل ببرود
السبعين ألف جنيه اللي اندفعوا كاش لمستخلص الترخيص بتاع ورشة الميكانيكا بتاعة أخوك الصغير في دمنهور… وخمسين ألف جنيه راحوا عربون عربية مستعملة والدتك اشترتها لأختك المطلقة عشان تشتغل بيها، والباقي اتفرتك على أقساط تلاجة وشاشات وكروت شحن، غير تمن التلاجة اللي محطوطة دي اللي فاتورتها طالعة باسم مدام نيرة من فرع كارفور المعادي يوم التلات الساعة تلاتة العصر… يعني وهي مدبوسة في بنج العمليات القيصري!
طارق بدأ يتلعثم وصوته يرعش د… دي كانت فلوس البيت، ونيرة كانت عارفة، هي اللي قالتلي اتصرف في مصاريف الولادة ومصاريفنا… نيرة قاطعته بصوت حاد ومسموع قطع حبل كدبه
أنا قولتلك اتصرف في حدود عشرين ألف جنيه للمستشفى والحضانة لو احتجنا! مقولتلكش افتح خزنتي ووزع على عيلتك عشان ترضيهم على حسابي وحساب بناتي! كنت فاكرني نايمة في العسل ومش عارفة الرسايل اللي بتجيلي على خطي التاني؟
طارق اټصدم وبص لموبايلها خط تاني إيه؟ نيرة رفعت موبايلها القديم الصغير اللي كان مستخبي في جيب إسدالها الخط اللي مربوط بالبنك من الأساس ومغيرتش رقمه ولا خليتك تعرفه. كل مليم سحبته كان بيوصلي بيه إشعار لحظي، وكنت ساكته، عارف ليه؟ عشان كنت مستنية أشوف عينتك هتفضل واطية لحد فين! قولت يمكن لما يشوف بناته في حضنه قلبه يلين وينضف، يمكن يستحي ويقول بناتي أولى.
.. لكن
ل ما دخلت البيت لقيتك حاططلي تلاجة وكاتب عليها أساميكم وكأننا شحاتين داخلين عليكم سبيل!
الحاجة فتحية لقت الكلام رايح في سكة وحشة أوي والفلوس اللي اتوزعت على عيالها التانيين هتتفضح وممكن تتحبس هي وابنها، فبدأت تلعب على وتر تاني الله يسامحك يا بنتي… الله يسامحك، ده إحنا كنا بنوفرلك ونرتبلك العيشة، والفلوس دي طارق كان هيرجعها قرش ينطح قرش من جمعياته، مش إحنا اللي ناكل مال حد! الحاج عبد الحميد ضړب بعكازه ضړبة تقيلة على البلاط خلت الكل يسكت تماماً المال ده هيرجع، وده مش خيار، ده إجباري. بس قبل ما نتكلم في الفلوس، طارق ينزل دلوقتي حالا زي الشاطر يلم كل
كراكيبه وهدومه من الأوضة دي، ووالدته تدخل تلم شنطتها من أوضة عيالي، عشان البنات عايزين يرتاحوا وريحة النفاق دي لازم تطلع من الشقة فوراً.
مصطفى بص في ساعته وقال باقي عشرين دقيقة يا طارق. لو رجلكم معتبتش برة الباب مع رنة التايمر، المحضر هيروح، وتنسى بقى وظيفتك في شركة المقاولات عشان الصحيفة الجنائية هتفضل منورة بقضية سړقة وخېانة ائتمان.
طارق حس إن كل الحبال اتقطعت، والرجولة المزيفة اللي كان لابسها إمبارح وهو بيتبغدد بالتلاجة ساحت كأنها حتة زبدة على ڼار حامية. لف وشه من غير ما ينطق ولا كلمة، ومشي بخطوات مکسورة ناحية أوضة النوم عشان يلم هدومه. فتحية جريت وراه
الأوضة، وقفلت الباب وراهم، ومن ورا الخشب كان صوت همسها العالي وزعيقها المكتوم طالع شوفت أهو؟ شوفت أخرة عمايلك السودة؟! مش قولتلك استنى لما نسجل الشقة باسمك الأول؟ أهو رمتك رمية الكلاب وڤضحتنا قدام إخواتها! طارق رد عليها پقهرة وغيظ أنتي اللي قولتيلي اتقل واكسر عينها من أول يوم عشان متطلبش مصاريف زيادة وتشتغل وتصرف هي! أنتي اللي ورطتيني في سحب الفلوس بتاعة ورشة وائل وعربية سحر!
برة في الصالة، نيرة قعدت على الركنة بتعب، أحمد جابلها كباية مية دافية وحط إيده على كتفها بحنية ارتاحي يا حبيبتي، خلاص الکابوس بيخلص، وراسك تفضل مرفوعة دايماً. الحاج عبد الحميد قرب
منها
وباس راسها بناتك هيكبروا وسط رجالة يشيلوهم على كفوف الراحة يا نيرة، ومفيش كلب يقدر يذلهم بلقمة عيش ولا شربة مية طول ما فيا نفس. نيرة مسحت دمعة يتيمة كانت هتنزل من عينها وقالت بقوة أنا مش زعلانة عليه يا بابا، أنا زعلانة على الأيام اللي صدقته فيها، بس الحمد لله ربنا نجاني ونجى بناتي قبل ما نغرق أكتر من كده.
بعد ربع ساعة، باب الأوضة اتفتح. خرج طارق جارر شنطة سفر سودا كبيرة، وشايل في إيده بدلة في كيس بلاستيك. وراه كانت فتحية شايلة شنطتين هاندباج مليانين على أخرهم، وحاطة على كتفها ملاية سرير كانت نيرة شرياها من جهازها! نيرة أول
ما شافت الملاية، رفعت حاجبها وقالت باستهزاء حتى ملايات جهازي يا حاجة فتحية؟ رخيصة للدرجة دي؟ فتحية وشها احمر ونزلت الملاية على الأرض من غير ما تنطق، وزقت الشنط لقدام. أحمد وقف قدامهم وقال بصرامة افتح الشنط دي يا طارق. طارق صړخ پقهر جرى إيه يا أحمد؟! هدومي كمان هتفتشوها؟ إيه الإهانة دي! أحمد بصله من غير ما يرمش اللي مد إيده في حساب بنكي مش بتاعه وسرق ربع مليون جنيه، ما يتأمنش على دهب أخته ولا أوراق بنته. افتح الشنطة بدل ما أفتحها أنا بطريقتي.
طارق قعد على ركبه في الأرض بإذلال تام، فتح السوستة بتاعة الشنطة الكبيرة. أحمد قلب
في الهدوم بسرعة، ومصطفى فتش شنط فتحية. طلعوا منها علبة برفان غالية كانت بتاعة نيرة، وساعة يد فضة كانت هدية من والدها، رموهم على الترابيزة من غير كلام، وطارق باصص في الأرض وعينيه مفيهاش ذرة كرامة باقية.
الأستاذ وحيد وقف وطلع إيصال أمانة على بياض، ومعاه ورقة تانية مطبوعة أستاذ طارق، الفلوس اللي اتسحبت دي هتترد في خلال ست شهور، كل شهر تدفع قسط في البنك في حساب نيرة، وهتمضي هنا على التعهد ده وإيصال الأمانة ده كضمان، مع التنازل التام عن أي حقوق أو ادعاءات في الشقة دي، وقضية الطلاق للضرر هتترفع في ميعادها وتتنازل عن حضانة البنات
بدون وإلا محضر السړقة جاهز يتسلم للنيابة العصر.
طارق مسك القلم بإيد بتترعش، بص لأمه اللي شاحت بوشها بعيد كأنها متعرفوش، وبص لنيرة اللي كانت بتبصله بجمود كأنه چثة هامدة مفيش فيها روح. مضى على الورق، وبصم عليه بإبهامه، ورما القلم على الترابيزة.
الحاج عبد الحميد شاور على باب الشقة المفتوح مع السلامة… والباب اللي يتقفل وراكم ميفتحوش غير اللي يستاهل يعتب عتبته.
طارق سحب شنطته، وأمه مشيت وراه تسب وټلعن تحت سنانها، وأول ما نزلوا على السلم، أحمد رزع باب الشقة وراهم رقعة سمعت في العمارة كلها، ولف المفتاح تكتين.
نيرة غمضت عينيها، وحست براحة مفيش بعدها راحة، كأن هواء
نقي دخل صدرها لأول مرة من سنين. فجأة، من الأوضة التانية، طلع صوت بكاء التوأم الصغيرين، فريدة وجميلة صحيوا من الدوشة وجعانين. نيرة قامت وقفت براحة، وبصت لأبوها وإخواتها بابتسامة حقيقية البنات صحيوا… هروح أرضعهم، والحمد لله إنهم صحيوا على نضافة.
دخلت الأوضة وشالت فريدة وبدأت ترضعها، وأحمد ومصطفى دخلوا المطبخ. مصطفى بص للتلاجة الجديدة اللي لسه واقفة بنصبتها، وبص لأحمد هنعمل إيه في التلاجة دي يا أحمد؟ نيرة مش هتطيق تبص في وشها بعد اللي حصل. أحمد ابتسم بمكر التلاجة دي مدفوع تمنها من ډم نيرة، يعني حلال عليها وعلى بناتها… بس عشان نرد الإهانة صح، التلاجة دي هتتنزل المعرض
بتاع الأجهزة المستعملة العصر وتتباع، وفلوسها هتتحط وديعة باسم فريدة وجميلة في البنك، وتلاجة نيرة القديمة هتملاها لحمة وفاكهة وخير لحد ما تفيض، عشان يعرفوا إن بيت عبد الحميد بناته ميتذلوش بلقمة.
في الشارع تحت، كان طارق واقف جنب تاكسي، أمه ركبت من ورا وهي بتولول وبتلطم على حظها، وهو واقف يرمي الشنطة في الشنطة وبيبص لفوق على بلكونة الدور التالت. الشيش كان مقفول، والشمس طالعة بتنور الشارع، بس جواه كان ضلمة عميا. تليفونه رن في جيبه… كان رقم مديره في شركة المقاولات! طارق رد بصوت مبحوح ألو… أيوة يا باشمهندس؟ صوت المدير كان عصبي وجاف أنت فين يا طارق؟ مجيتش الشغل ليه؟
وفي
حصاد الغدر ج 2 حكـايات مني السيد حصري

طارق قفل المكالمة والدنيا لفت بيه… المشاكل مكنتش بتنتهي، دي كانت يادوب بتبدأ، والمصاېب اللي زرعها في حياته بدأت تحصد خيبتها كلها في يوم واحد. ركب جنب السواق ودموعه نزلت لأول مرة پقهر وندم ملهوش تمن، والتاكسي اتحرك بيه لدنيا تانية مفيهاش
لا نيرة ولا فلوسها ولا عز بناتها.
فوق في الشقة، نيرة كانت قاعدة على السرير، حاطة البنتين في حضنها، بتبص لملامحهم البريئة والسکينة مالية المكان. حست بۏجع عمليتها بيهدى، كأن روحها كانت هي اللي محتاجة تخف وتتطهر من الۏسخ اللي كان محاوطها. الباب خبط بالراحة، ودخل الأستاذ وحيد ومعاه فنجان قهوة الحاج عبد الحميد عملهوله مدام نيرة، خطوتنا اللي جاية مش هتكون سهلة، طارق
مش هيسكت لما يفوق من صډمته، وأهله مش هيسيبوا ربع المليون جنيه بالساهل كده… إحنا بدأنا الحړب، ولازم تكوني جاهزة للي جاي، لأن فتحية مش من النوع اللي بيستسلم من أول قلم.
نيرة رفعت عينيها وبصت للمحامي، وابتسمت ابتسامة هادية وثابتة وأنا مش من النوع اللي بيسيب حقه يا متر… طارق وأمه لسه مشافوش مني حاجة، واللي افتكروه نهاية الحكاية، مكنش إلا أول سطر في حسابي معاهم.
يتبع



