روايات وقصص

زهره الربيع

الناس في الكلية والمجلس وأهلي كانوا بيكلموا عن القصة.. الشائعات كانت زي النار في القش شوف الست اللي اتجوزت عيل من سن ابنها وصاحبه.. ولما الولد كشفهم ورجع لقاه مع أمه في البيت، اتحانق معاه وحصل اللي حصل!.

كانت الفضيحة مجلجلة، كرامة عيلتي وسمعتي وسمعة ابني بقت في الطين.. بقيت مادة للسخرية والقرف في كل بيت.

وقف خالد في قفص الاتهام.. كان خاسس، وشه أصفر، وعينيه دبلانة، بس كان ساكت وهادي، استسلم لمصيره من غير ما يدافع عن نفسه، وكأنه عقاب بيعاقب بيه نفسه وبيكفر بيه عن ذنب أمه.

المحكمة نظرت القضية، ودفاع المحامي عن الدفاع عن النفس قلل العقوبة شوية، لكن ضرب ضربة القاضية لما القاضي نطق بالحكم

حكمت المحكمة على المتهم خالد … بالسجن المشدد لمدة سبع سنوات!

في اللحظة دي.. الأرض زلزلت تحت رجليا!

صرخت لاااا! سبع سنين؟! حرام عليكم ده يضيع مستقبله! أنتوا بتحاكموا مين؟! حكاموني أنا! أنا الجانية! أنا اللي تسببت في كل ده وأنا اللي جبت الراجل ده البيت! ابني بريء يا سيادة القاضي.. ابني كان بيدافع عن بيته!

خالد بصلي من جوة القفص.. ما صرخاش، ما بكاش.. بس بصلي ونزل راسه للأرض، والعساكر بيسحبوه عشان ياخدوه على السجن.

سبع سنين من شبابه ومستقبله في الجامعة هيضيعوا بين أربع حيطان.. فضيحته هتنلاحقه طول عمره.. والسبب؟ أمه!

رجعت البيت الفاضي.. البيت اللي كان زمان مليان دفا وضحك. قعدت على الأرض في نفس المكان اللي حصل فيه اللي حصل.. مسكت هدوم خالد، وشطت بالبكاء لحد ما صوتي اتقطع.

ضيّعت ابني.. ضيّعت الراجل الوحيد اللي كان بيحبني بنقاء.. ضيعت مستقبله، وهدمت بيتي، وبعت كرامتي وكرامة أهلي عشان وهم اسمه الحب من شاب صايع استغل ضعفي وجدودي.

دلوقتي، أنا عايشة بين أربع حيطان، زي الميتة اللي بتتفس، أهلي اتبروا مني، والناس في الشارع بيبصوا عليا بقرف، وكل يوم بيعدي عليا بيموتني ألف مرة وأنا بتخيل ابني قاعد في السجن والظلم وراء القضبان بسببي.

يا ريتني كنت سمعت كلامه.. يا ريتني ما فتحت قلبي للشيطان.. بس كلمة يا ريت عمرها ما بترجع اللي راح، ولا بتمسح اللي حصل وكتب نهاية عيلتي للأبد.

3 من 3التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى