
أول ما فتحتله، بصلي بدموع مالية عينيه ونبرة هزت كياني معقولة يا أمي؟ هنت عليكي أسبوع بحاله متساليش عني؟… بس على فكرة، أنتِ مهنتيش عليا، وعشان كده أنا رجعتلك بنفسي.
وقفت قصاده الدموع نازلة من عيني والتوتر بياكل جسمي، ما كنتش عارفة أنطق ولا أقول إيه.
ابني قرب مني وحضني بطفولة وقوة، حضن الملهوف اللي ما صدق إنه رجع لأمه.
ولسه بمد إيدي عشان أحضنه وضمه لقلبي…
خرج ادم من أوضة النوم!
طالع، لابس روب نوم قصير، وبيقول بصوت عالي… مين يا حياتي اللي على الباب؟.
في اللحظة دي… ابني بعد عني فجأة.
اتجمد في مكانه زي الصنم، عينيه اتسعت بشكل يرعب، بص لهدوم الشاب ولهيئته وللروب، واتيقن إننا اتجوزنا فعلاً وإن أمه ضحكت عليه وغدرت بيه.
واللي حصل بعد اللحظة دي… ما كانش أبداً زي ما تخيلت ولا زي ما زوّقلي عقلي إنه هيتخانق شوية ويرضى.
اللي حصل ميتوصفش… مصيبة ما شوفتهاش حتى في أسوأ وأبشع كوابيسي!!!!!!
الزمن اتوقف في اللحظة دي.. ثواني مريرة مرت عليا وكأنها دهور، الهدوء اللي في الشقة تحول لفحيح أفعى جائعة، وعينين ابني خالد اتحولت من عينين طفل بيترجى حنان أمه، لعينين وحش جريح اتدبح في أغلى ما يملك.. في شرفه وكرامته وأمه اللي كانت كل دنيته.
بص لخالد الشاب ده وهو بيلبس الروب وبيمشي بثقة يستفز بيها راجل مجروح.. خالد من غير ولا كلمة، ومن غير ما يخرج منه أي صوت غير زفير حارق، هجم على آدم زي الأسد الثائر.
ضربة واحدة في وشه خلّت آدم يترمي لورا ويتخبط في الحيطة، والدم ينزل من مناخيره.
صرخت بأعلى صوتي لااااا! يا خالد استهدى بالله يا بني! يا خالد بلاش كدة عشان خاطري!
لكن صوتي كان زي الصدى في بئر ملوش قاع.. خالد مكنش بيسمع، كان بيضرب بغل وسواد سنين عمري اللي ضاعت اتجمعت كلها في أيديه.
وآدم، الشاب المتبجح، أخدته المفاجأة في الأول، بس سرعان ما بدأ يدافع عن نفسه، ورد الضرب لخالد.. وبقت خناقة شوارع وسط الصالة اللي كانت زمان شاهدة على ضحكنا وأيامنا الهادية.
الكراسي اتكسرت، الفازات اتفتت على الأرض، والدم بقى مالي المكان.. وأنا واقفة في النص وصرخ وبطش بين إيديهم، اتزقيت أترعشت على الأرض والدموع ماليش عينيا..
فجأة، خالد قدر يزنق آدم عند الترابيزة الرخام اللي في الصالة، وبدأ يخنقه بلمسة انتقام مرعبة يا خاين.. يا واطي.. بتستغل أمي يا ابن السريرة؟ بتبص لست أد أمك يا وسخ؟!
آدم كان وشه بيحمر، عينيه بتخرج لبرا، وبيحاول يفك إيد خالد.. وبتلقائية ومن غير ما يفكر، إيد آدم جابت الأداة الحادة بتاعة الفاكهة اللي كانت محطوطة على الترابيزة.. وتسبب بها في إصابة خالد إصابة بالغة!
خالد صرخ صرخة قطعت شغاف قلبي، الصوت شق السقف، وإيديه سابت رقبة آدم.. وبص لبطنه، وبصلي بصة انكسار عمري ما هنساه..
آدم قام بسرعة وهو بيلهث ومش شايف قدامه من الرعب، والأداة لسه في إيديه ومطبوعة..
خالد وهو بيقع على الأرض، مسك في آدم بكل قوته، كان عايز يمنعه يهرب أو ياخد حقه منه، وهما بيمسكوا في بعض وبيشتبكوا تاني على الأرض.. خالد بآخر طاقة فيه تزق آدم بجنون باتجاه بوز المكتبة الخشب الثقيلة..
رأس آدم اتخبطت في الزاوية الناشفة للمكتبة بفرقعة ترعب القلب.. طرقعة العضم والمشهد كان كفيل يوقف دقات قلبي.. آدم اترسخ على الأرض كأنه لوح خشب، عينيه مفتوحة ومثبتة في السقف.. ومتحركش تاني! ولا نفس.. ولا حركة!
آاادم! صرخت وأنا بزحف على الأرض، جيت أقومه كان جثمان هامد.. فارق الحياة في ساعتها.
لكن الصدمة الأكبر.. والوجع اللي قطّع أنفاسي.. لما بصيت جمبي ولقيت خالد، ابني، حتة مني، سايح في دمه وبيطلع في الروح!
سيبت جثمان الزوج اللي ما لحقتش أتهنى بيه أسبوع، وجريت زحف على ركبي لخالد.. أخدته في أحضاني، حطيت إيدي على جرحه بحاول أوقف اللي طالع منه: خالد! رد عليا يا حبيب أمك! عشان خاطر ربنا ما تسيبنيش! أنا آسفة يا بني، أنا الجزمة، أنا اللي غلطت، سامحني يا خالد!
خالد رفع إيده، وحطها على وشي، ابتسم ابتسامة مكسورة وموجوعة وقال بنبرة طالعة بالعافية ضيعتيني يا أمي.. عشان واحد صايع.. ضيعتيني…
وغمض عينيه.. وإيده وقعت من على وشي!
خااااااااااااااااااالد! صرخت صرخة رجت العمارة كلها.. الجيران اتجمعوا على الصوت، كسروا الباب ودخلوا.. المشهد كان كابوس، الصالة فيها اللي حصل، وابني سايح في دمه وأنا حاضناه وصرخ زي المجنونة.
المطافئ والإسعاف والبوليس وصلوا في دقايق.. طلبوا الإسعاف بسرعة لخالد اللي كان لسه فيه نبض ضعيف جداً، ونقلوه للمستشفى وهو بين الحياة والموت.. وأنا اتسحبت مع البوليس على النيابة والتحقيق، ومصدومة ومش حاسة بالدنيا حواليا.
كل اللي كان شاغل تفكيري مش آدم اللي فارق الحياة ولا التحقيقات.. كان ابني! كنت بدعي ربنا كل ثانية يا رب خدهم وخدني وهاتلي ابني.. يا رب ابني يعيش وعاقبني أنا!.
النيابة وجهت لخالد تهمة الاعتداء الذي أدى إلى الوفاة، وأنا اتسألت، وبكلامي المشتت والدموع مغرقاني حاولت أدافع عن ابني وأقول إنه كان بيدافع عن نفسه وعن شرفه.. بس الشواهد والطب الشرعي والمشاجرة كانت واضحة.. آدم فارق الحياة في خناقة شديدة.
عدت الأيام زي الجحيم، خالد اتعالج في المستشفى وتحت الحراسة، ولما بدأ يفوق، كانت نظراته ليا في الزيارة أبرد من التلج.. مكنش بيكلمني، كان بيبصلي بصه غريبة.. بصلة حد غريب، حد ملوش وجود في حياته.
ولما جيه يوم المحاكمة.. القاعة كانت مليانة على أخرها.. أهلي وأقرايبي اللي قاطعوني من يوم ما عرفوا المصيبة، كانوا قاعدين ورايا، بيتهامسوا ونظراتهم ليا كانت زي السكاكين.




