روايات وقصص

نور ل مروة جمال ج١

في منزل نور عادت نور لمنزلها في سيارة اجرة والدموع تنهمر من عينيها كان المنزل خاوياً بإستثناء الخدم كانت نور تشعر برغبة قوية في التحدث بحثت عن والدتها وهمت لتتصل بها ولكنها ترددت فلم تكن تعلم كيف تخبر أمها بما حدث نظرت لهاتفها كثيرا ولكنها تركته وأخذت مفاتيح سيارتها وإتجهت فوراً لمنزل دعاء …………

الفصل الثالث

في منزل دعاء دق جرس الباب لتجد نور أمامها يبدو على وجهها أثار البكاء
دعاء : نور خير في إيه
نور باكية :أنا مخنوقة قوي يا دعاء
دعاء : حصل إيه تعالي خشي تعالي
كان أحمد أخو دعاء الأكبر واقفاً عند دخول نور شعر بالقلق لرؤيتها باكية إتجه نحوها في رقة وناولها محرمة ورقية وهو يقول : خير في إيه
دعاء : مفيش يا أحمد نور بس مضايقة شوية حنقعد في أوضتي علشان أفوقها
سحبت دعاء صديقتها بسرعة من أمام أخيها الذي رمق نور بنظرة حانية وسيطر القلق والحزن عليه بعد رؤية دموعها ….وفي الغرفة جلست الصديقتان بدأت دعاء الحديث بقلق : نور مالك قلقتيني
نور : إنتي كان عندك حق يا دعاء كل كلمة قلتيها على ادهم كان عندك حق فيها …….انا اللي غبية
دعاء : أفهم بس حصل إيه
نور : تخيلي ………..أنا نور يبصلي زيي زي أي واحده من اللي كان بيعرفهم ومتخيل إني أهاوده على كل حاجه عايزها ………..
دعاء : نور إنتي بخير أدهم عملك حاجه
نور : أنا بخير ……..بس كرامتي إنجرحت قوي قوي يا دعاء
دعاء : هو حصل إيه يا نور
نور : ححكيلك ……..حاقولك حصل إيه
وبدأت نور تقص ما حدث………..

كنا مع بعض في العربية قالي حوديكي مكان هادي ورومانسي ورحنا حتة مقطوعة كده ممكن ناحية الاهرامات …..
أدهم : إنتي جميلة قوي يا نور أجمل بنت شفتها في حياتي
نور : بجد أد كده شايفني جميلة
ادهم : فوق ما تتخيلي لدرجة إني مش قادر أمسك نفسي قدام الجمال ده كله
إقترب أدهم من نور وهم بتقبيلها إبتعدت نور عنه وأشاحت وجهها وقالت : إنت وعدتني إنك مش حتعمل ده
أدهم : في إيه إنتي مش بتحبيني ولا إيه
نور : إنت لو بتحبني مش حترضى تعمل كده
أدهم : متبقيش بايخة بقه وتبوظي اللحظة الحلوة دي
إقترب منها أدهم مجدداً وجذبها بحزم شعرت بأنفاس كريهه تخرج من فمه نهرته بقوة وقالت في غضب : إنت عملت إيه ……إنت إتجننت عملت ده إمتى و أنا معاك يا أدهم للدرجة دي مش خايف عليا
أدهم : في إيه دي حاجة صاحب واحد جابها وإنتي في الحمام في المطعم وبعدين متقلقيش أنا واعي كويس وعارف انا بعمل إيه

نور : لا ما هو واضح لو سمحت انا عايزة امشي دلوقتي
أدهم : قلبتيها نكد ليه يا نور حبيبي أنا بعبر ليكي عن حبي بطريقتي إديني فرصة
إقترب منها هذه المرة أكثر أمسك يدها وبدأ يقترب منها بقوة شعرت بضعفها أمام قوته وإصراره ولكنها خلصت نفسها من قبضته و صفعته صفعة قوية على وجهه لم يشعر أدهم بنفسه إلا وأصابعها الصغيرة تضرب بقوة على خديه نظر لها في غضب شديد وهو يقول : إطلعي بره عربيتي …….إنزلي
نظرت له نور في دهشة وصدمة أفقدتها القدرة على الرد وخرجت مسرعة من السيارة مشيت قليلاً والبكاء والخوف يسيطرون عليها خاصةً أن المكان خالي من البشر وجدت سيارة تقترب منها شعرت بالفزع نظر لها من السيارة وقال : إركبي الحتة هنا مقطوعة

إستمرت في سيرها ولم تجيبه تابع في غضب : بقولك إركبي لحد يخطفك
نظرت نحو السيارة في حيرة إضطرت للركوب وظل هو صامتاً وهي تراقب الطريق حتى وصلوا للعمران ….
نور : نزلني هنا
أدهم : خلاص حاوصلك البيت
نور: نزلني هنا
اوقف السيارة وإنطلق مبتعداً وألقت نور نفسها في أول سيارة أجرة و إتجهت للمنزل ………….

نور : هو ده كل اللي حصل
دعاء : حقير ……..بس مش مستغربة هو ده أدهم
نور : أنا عارفه بس كنت فاكرة إني بالنسبة ليه حاجة ثانية ……أنا إنصدمت فيه بجد
وإنخرطت نور في بكاء شديد إحتضنتها دعاء ثم قالت
دعاء :نور إنتي بتحبيه
صمتت نور قليلا ثم قالت : مش عارفة ده حب ولا لأ بس برتاح معاه ومعجبة بيه و دايماً مامي بتقولي إن هو المناسب ليا
دعاء : سيبك من مامي انا بتكلم عنك إنتي
نور : وهو ده يفرق دلوقتي
دعاء : يفرق كثير يا نور حيكون أسهل عليكي كثير إنك تسيبيه لو مش بتحبيه
نور : أنا دلوقتي مش بفكر غير في حاجه واحده ……….لازم أدفعه الثمن ويعيش في الندم على اللي عمله معايا …….لازم أعرفه مين هي نور

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى