روايات وقصص

نور ل مروة جمال ج١

ا الأدهم فدعاء تفهم نور جيداً فهي طيبة القلب بعيدة كل البعد عن عجرفة أدهم وغروره حتى وإن ظن البعض أنها كذلك فدعاء تفهمها جيداً وكانت نور تعلم ان دعاء غير راضية عن علاقتها بأدهم ولكن نور كانت تريد تلك العلاقة وبشدة ووالدتها كانت دائماً ما تشجعها على ذلك فأدهم بالنسبة لوالدة نور عريس لقطة وخصوصا أن هناك علاقة قوية بين والد أدهم ووالد نور حيث أن مكتب المحامي الشهير هو المختص بكل المعاملات القانونية لشركات والد ادهم أحد أباطرة السلطة والمال وأغني أغنياء البلد .

نور : ياه اخيراً المحاضرة خلصت
دعاء : لحقتي تزهقي إنتي جاية بعد نصها يا خوفي تتعدي من أدهم اللي من ساعة ما دخلنا الكلية وهو في سنة رابعه
نور : هاهاهاهاهاها ظريفة
دعاء : أنا مش عارفة هو دخل صيدلة إزاي
نور : ولا أنا بس اللي اعرفه إن دي كانت رغبة مامته علشان هي دكتورة صيدلانية باباه كان عايزه يساعده في البيزنس ويدرس إدارة اعمال بس هو مش فارقة معاه إنتي عارفه أدهم
دعاء : بس ده مش صح يا نور إنتي أكيد عارفه ده
نور : دعاء بليييييييييز مش حنفتح الموضوع ده تاني وبعدين مامي بتقول بكرة لما يتجوز يعقل ما هو في الآخر لازم حيشتغل مع والده .
قابلت دعاء كلام نور بإبتسامة وفضلت عدم الخوض في هذا الحديث

….إتجهت الصديقتان بعد المحاضرة للكافتريا وهناك كالعادة كان أدهم يقف مع بعض أصدقائه كانت نور منبهرة بأدهم السيارة الفارهه والمظهر الوسيم والذوق العالي في كل ما يرتديه بدءاّ من النظارة الشمسية حتى الحذاء كان هو أيضاً منبهراً بها الجمال والأناقة لا توجد فتاة في الجامعة كلها مثلها وهو دائماً كان يريد الأفضل ولكنه لم يكن جاداً فهو إعتاد على الإنتقال من فتاة لأخرى يمل بعد فترة ويبحث عن وجه جديد ويا حبذا لو وجه رافض له أو عاشق لغيره …………

الفصل الثاني

نور : اهو أدهم هناك أهو
دعاء : طيب حسيبك أنا بقه
نور: إستني رايحة فين
دعاء : ياستي مش عايزة أبقى عزول
نور : إستني يا بايخة
عندها إتجه أدهم جهتهم كان أدهم يعلم أن دعاء لا تنظر له بعين الرضى وكيف تنظر له كذلك إبنة القاضي المعروف الذي لا يحب أمثال والد أدهم كان أدهم يفكر أن هذا الرجل وإبنته كصنف قديم يعيش على الشعارات الكاذبة والقيم الواهية في زمن لا يتحدث سوى بلغة المال .

أدهم : إزيك يا نور ……إزيك يا دعاء
نور :تمام
دعاء : تمام الحمد لله
أدهم : إيه حتخلصي الساعة كام أنا بفكر امشي دلوقتي
نور : انا خلصت كان في محاضرة كمان ساعتين وإتلغت
أدهم : طيب يلا يا بينا أنا عايزة امشي الجو هنا خنيق أصلا
تابع أدهم وهو ينظر لدعاء ويعلم جيداً أنها سترفض : ها يا دعاء تحبي نوصلك في طريقنا ولا قاعدة
دعاء : لا شكراً أنا لسه قاعدة شوية
نور : حتقعدي تعملي إيه مفيش محاضرات
دعاء : حابص على حاجات في المكتبه
أدهم : طيب يا نور حستناكي في العربية ولو صاحبتك غيرت رأيها العربية موجوده ………..قال جملته وغادر وهو يبتسم في خبث

غمزت نور صديقتها وتابعت : إيه يا بنتي برده دماغك غبية تعالي حنوصلك عادي
دعاء : لا يا نور مش عادي إنتي عارفه إنه ماينفعش
نور : هو إيه اللي مينفعش خطيبي يا ستي
دعاء : لا مش خطيبك لما يبقى خطيبك يا ستي حابقى أركب معاكم
نور : قديمة
دعاء : هاها جديدة
وكانت تلك طريقة نور ودعاء دائما للسخرية من بعضهما عند الإختلاف فتبكر كل واحده كلمة لتعبر بها عن الأخرى وركبت نور مع أدهم السيارة الذي بادر بقوله : كنت عارف إنها مش حتيجي بس حبيت أغتت عليها
نور : وليه بس ترخم عالبنت

ادهم : عاملة فيها الطالبة المثالية ونضاره وكتب إنتم مش شبه بعض مش عارف إنتم إزاي صحاب
نور : دودو دي أنتيمتي تقدر تقول إحنا مع إختلافنا أكثر إثنين فاهمين بعض وهي بتقول إن اللي بينا إختلاف ومش خلاف وكلام كثير مكعبر كده مش فاكراه عن ثقافة فهم الآخر والتعامل معاه حتى لو كان نقيض ليك
أدهم : خلاص خلاص بلاش وجع دماغ كويس إنها ماركبتش معانا كفاية اللي عملته مع معتز
نور : وهي عملت إيه لمعتز هو بالعافية

ادهم : معتز ده نص بنات الجامعه حتموت عليه وصاحبتك حلقـ,ــ,ـتله حلقتـ,ــ,ـله يعني
نور : هي مش بتفكر في المواضيع دي دلوقتي وبعدين إيه تاخد لقب تبقى من معجبات سي معتز
أدهم : وإنتي مش من معجبات أدهم…………… ده أنا محترف يا بنتي معتز ده هاوي
نور : هاهاهاها أنا مليش زي يا أدهم ولا إنت عندك رأي تاني
أدهم : حبيبتي أنا عمري ما شفت حد في جمالك إنتي مجنناني أصلاً …….تحبي نروح فين انا مش عايز أروح
نور : ولا أنا أي مكان
أدهم : طب أربطي حزامك ……… حنطير
وإنطلقت السيارة الفارهه كالصاروخ مبتعدة عن المكان .

عادت دعاء للمنزل لتجد والدتها تحضر طعام الغذاء
فايزة (والدة دعاء ) : دودو جيتي بدري
دعاء : اه يا ماما المحاضرة إتلغت
فايزة : طيب يلا خدي دش على بال ما بابا وأخوكي يوصولوا يكون الأكل خلص
دعاء : إيه ده ايه الريحة الجامدة دي
فايزة : البامية اللي انتي بتحبيها وملوخية كمان
دعاء : واوا دش مين الدش بعد البامية أنا حاجي أساعدك
كانت أسرة دعاء تتكون من الأم فايزة موظفة بأحد المصالح الحكومية والوالد أحمد قاضي بمحكمة الجنايات والإبن الأكبر أحمد كان يعمل وكيل نيابة والأصغر مصطفى ما زال في المرحلة الثانوية ودعاء بكلية الصيدلة إلتفت الأسرة على مائدة الغداء في حوار يجمع بين قصص العمل والدراسة كانت دعاء تستمع بشغف لحديث والدها عن قضايا الفساد في المجتمع وخصوصا فساد الكبار أمثال والد أدهم كانت دعاء تشعر بالأسى لتلك العلاقة بين نور وأدهم فهي ترى نور كالفراشة التي تعيش وسط الدبابير ولا تعلم أنها فراشة ولا تعلم أنهم دبابير وتذكرت تلك النظرة في وجه أدهم كلما رآها لا تعلم لماذا يصر على رمقها بتلك النظرة التي لا تفهمها وتلك النبرة من السخرية في حديثة الموجه إليها كانت تشعر أنه يرفض صداقتها لنور مثلما ترفض علاقتها به وكانت تتسائل هل ستصمد صداقتهم إذا ما تزوجت نور بأدهم أم ستصبح ذكرى بمرور الزمن ……..

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى