روايات وقصص

احكام بقلم زهرة الربيع

جري عليها شاب في العشرينات ووقفها وهو بيقول بزهول… أحكام… قومي معايا باسم الله. والتفت للشاب وقال… انت بتعمل ايه.. ووطي صوتك هتفضح الدنيا وانت فاهم غلط أصلاً. رد عليه وقال بسخريه… أااه.. شديد! وأحكام وقفت وهي بتبكي بشدة وقالت.. انت بتقول ايه؟ وقالت.. متبكيش يا ماما.. بتبكي ليه.. انا خايفة.

أحكام لسه هتحضنها، جوده شد البنت وقال… خلي البت معاكي يا نوال.. متخليهاش تلمسها، دي مهما كان بنت أخويا.
أحكام قالت بدموع وقهر… يالهوي.. يالهوي انت بتقول ايه؟!
وبصت لنوال وقالت بلهفه ورجاء… نوال.. نوال انا مليش غيرك.. أبوس ايدك قولي كلمة حق.. انتي كنتي في البيت وعارفه اللي حصل، انبي تتكلمي وتفهمي جوزك أبوس ايدك.
جوده بص لنوال بطرف عينه وهي نزلت عيونها في الأرض وقالت… أحم.. أنا.. أنا معرفش يا أحكام.. انا كنت نايمة وصحيت على صوت زعيق.
أحكام اتسعت عينيها بذهول وقالت… انتي بتقولي ايه؟!
ابراهيم هز راسو بحزن ويأس وقال… مفيش فايدة يا أحكام.. متتعبيش نفسك معاهم.. واضح انهم مش عايزين يحلوا الموضوع بالطريقة الكويسة.
جوده قال بسخريه… هو فعلا لازم يتخذ موقف.. ما هو مش هينفع يفضل الوضع كده.
أحكام قالت بغضب… أنت بتقول ايه يا ابراهيم.. ده بيت جوزي، وهو بس اللي من حقو يمشيني من بيتو، وانا هفضل في بيت جوزي مع بنتي ومش هتحرك إلا لو خالد جاني بنفسو.
(بقلم.. زهرة الربيع)

جوده قال بانفعال… ليه، أنتِ فاكرة إني هسيبك كده يا بنت الناس؟ والبيت ده مش هيستمر على الوضع ده.
أحكام لسه هتتكلم، اتفاجأت بناس طالعين على السلم، وراجل كبير في السن منهم قال… فيه ايه.. خير يا جوده صوتكم طالع ليه؟
مفيش، انزلوا لو سمحتوا احنا هنحلها.
بس جوده قال… لا فيه.. اسألوا!
الناس استغربوا وبقوا يتابعوا الموقف.
ابراهيم قال… يلا بينا يا أحكام.. هنكلم جوزك وهو يتصرف مع اخوه يلا.
أحكام قالت ببكا وصراخ… مش همشي من غير بنتي، عايزه بنتي!
والبنت بقت تبكي وعايزة تروح لمامتها، بس جوده دخل جوه الشقة وقفل الباب.
أحكام بقت تخبط على الباب بكل قوتها وتقول ببكا… جوده أبوس ايدك هات البنت.. جوده حرام عليك هات البنت.
.. حنان يا حبيبتي متخافيش أنا هنا يا قلب ماما.. جوده افتح، حد يجبلي بنتي عايزه بنتي يا ناااس!
وقعدت باِنهار عند الباب وبقت تبكي بشدة.
ابراهيم لمعت عيونه بالدموع من منظرها وقرب عليها يقومها، بس أحكام وقفت وقالت… متقربش.. انت السبب.. منك لله انت التاني!
وجريت وهي بتبكي بقوة ومش شايفه قدامها، راحت لبيت اهلها، وطلعت الدور التاني بسرعة وبقت تخبط على الباب بقوة.
فتحت ست في الخمسين وهي بتقول… براحة ياللي على الباب…
بس قطعت جملتها بصدمة وقالت… أحكام.. يا مصيبتي فيه ايه؟
أحكام بقت تبكي جامد وقالت… الحقيني يا أما.. الحقيني اخدو بنتي مني!
أمها بذهول ورعب شديد وهي مش فاهمة أي حاجة، وبعد ما أحكام حكت لها اللي حصل، والدتها اتضايقت جدا وشدت طرحتها وقالت بغضب… طب والنعمة لأنزل أفهم إيه اللي بيحصل ده في نص الشارع، هو فاكرها سكتت علشان أبوها مات ومالهاش حد؟ لا، أنا لسه عايشة وبصحتي، أوعي من قدامي!
ودفعتها بالراحة وخرجت جري ناحية بيت جوده، وأحكام وراها بسرعة.
أم أحكام بقت تخبط على بيت جوده وبتقول… افتح يا جوده.. إيه اللي عملتوه ده؟
جوده فتح الباب وقال… فيه ايه يا وليه، مش هنخلص النهاردا ولا إيه؟
أم أحكام مسكت في هدومه وقالت… فين بنت البنت يا راجل انت؟
جوده نفض إيديها وقال… مش فاضي للمشاكل دي، كل واحد يروح بيته.
وجات عينه على أحكام اللي كانت بتبصله بقهر وغضب ودموعها مالية عيونها، فاتنهد وقفل الباب بسرعة مش قادر يواجه نظراتها.

بعد شويه عند أحكام، كانت قاعدة جنب أمها وبتبكي بحرقة.
أمها نزلت دموعها وقالت… حقك عليا يا ضنايا.. مش عارفه أحميكي وانا لوحدي يا بنتي.
ابراهيم وقف وقال… وانتي تحميها ليه يا خالتي.. دي متجوزه راجل يحميها، ولو معرفش يعملها يبقى ميستاهلهاش.
أحكام قالت بسرعة… ابراهيم معاه حق يا أما.. بقولك يا ابراهيم، تليفونك معاك؟ اصل تليفوني جوه معرفتش اخد حاجة.. وتليفون أمي عطلان.
ابراهيم طلع تليفونه بسرعة وقال… التليفون أهوه، وانا معاكي وهفضل معاكم للاخر لحد ما ييجي جوزك وياخدك على أي حته بعيد عن المشاكل دي.
أحكام أخدت التليفون وراحت تكلم جوزها.

في مكان تاني، كان واقف شاب في أواخر العشرين بيشرف على عمله، وصاحبه ضحك وقال… مالك مشغول كده؟ من ساعة ما سافرت وأنت مش على بعضك.
ضحك وقال… مش كفاية برنلها مش بترد.. أنا هتجنن عمرها ما طنشتني كده.
صاحبه قال… اتقل، كل اللي اتجوزوا كده.
اتنهد وقال بحب… لا طبعاً.. ولا كل الستات أحكام.
ولسه هيتكلم، تليفونه رن باسم “ابراهيم”، رد وقال… هيما وحشني يا جدع..
بس قطع جملته لما جاله صوتها وهي بتبكي جامد وقالت بالعافيه… خالد.. الحقني.. تعالى بسرعة أبوس ايدك..
خالد اتسعت عينه بذهول شديد وهو بيسمعها بتعيط وبتتكلم بسرعة.
قال بتوتر… أهدي.. طيب أهدي يا أحكام.. انا مش فاهم حاجة.. اديني ابراهيم.
أحكام كانت بتبكي وبس وبتقول… انا محتجالك يا خالد.. عايزه بنتي.. عايزه بنتي والنبي.
هنا ابراهيم أخد منها التليفون وقال… أرجوكي يا أحكام اهدي علشان الراجل يفهمك.
ورد على خالد وقال… ايوه يا خالد.
خالد كان بياخد حاجته بسرعة وقال… ايه اللي بيحصل عندك يا ابراهيم، ايه اللي أحكام قالته ده؟
ابراهيم اتنهد وقال… ده اللي حصل يا خالد.. جوده زودها قوي المرادي، لو سمحت متتأخرش.
خالد قال بسرعة… جاي مسافة السكة وأكون عندكم.
وقفل معاه.

السابق1 من 2
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى