روايات وقصص

في يوم خطوبتي الجزء الاخير

نرمين

ليوم التالي.

 

الملف الكامل للتحريات وصل.. الصفحة الأولى فيها صورة البنت اللي كانت معاه في العربية:”شيرين” – 25 سنة، راجعة من بره مصر من 3 شهور، وكانت زميلته زمان. الكاميرات أظهرت إنها كانت بتتردد على شركة آسر كتير، بس الغريبة.. إن فيه مقطع فيديو ظهر فيه “تامر”.. السكرتير الشخصي بتاع آسر اللي شغال معاه بقاله 8 سنين! تامر هو اللي دخل غرفة المراقبة في الفندق بالليل ولعب في الكاميرات!

 

معنى كده.. إن كل الرسائل اللي كانت بتجيلي منه، وكل إلغاء المواعيد.. كان ملعوب فيها من السكرتير الشخصي لآسر!

 

وفجأة.. جه خبر فرار “تامر” المأجور وسفره بره مصر، وعثروا على عربيته عند المينا الشرقية وفيها “أجندة” مذكرات بتكشف المستور.. وفي نفس الوقت كان فيه شخص مجهول بيلعب لعبة الشطرنج دي من بعيد وبيراقب تحركاتنا!

 

 

 

 

قرب  الخادم  بالمنزل من آسر بصوت واطي:

 

“آسر بيه.. الحاج ‘المنشاوي’ أمرني أديك الظرف دا لو جيت.”

 

سلم له ظرف مقفول. جوا الظرف كان فيه مفتاح الشقة الصغيرة اللي كانوا عايشين فيها سوا زَمان، ومعاه ورقة صغيرة مكتوب فيها سطر واحد بخط إيدها:“رجعتلك الحاجات  اللي تخصك.”

 

مسك آسر المفتاح، وفي ثانية افتكر اليوم اللي اشتروا فيه الشقة دي.. افتكر لما مسكت في دراعه وضحكت وقالتله: “المكان دا هيبقى بيتنا في يوم من الأيام.” وهو وقتها وعدها: “من هنا ورايح، هنسهر ونحتفل بعيد ميلادك هنا كل سنة.” بس للأسف.. على مدار سبع سنين، ما وفاش بوعده ولا مرة كملها صح!

 

صباح اليوم التالي.. ساق آسر عربيته وراح للشقة.. أول ما فتح الباب، لقى البيت كأنه مقبرة مهجورة.. بارد وفاضي. كل حتة عفش في مكانها الأصلي،

 

بس.. مفيش أي أثر ليها! برقع الصور اتمسح من على الرف، أدواتها الشخصية اختفت من الحمام، حتى الصبارة اللي كانت بتسقيها وتراعيها لمدة تلات سنين اختفت! وحتى الكوباية اللي كان مطبوع عليها صورتهم سوا أخدتها معاها! الحاجة الوحيدة اللي سابتها.. كانت كوفية صوف رمادي. دي كانت أول مرة في حياتها تجرب تغزل صوف، وقعدت نص شهر تشك إيديها بالإبر عشان تعملها له.. وساعتها قالها ببرود إن شكلها وحش ورماها في الدرج المهمل. تلات سنين كاملين ما أخدهاش ولا لبسها!

 

سك آسر الكوفية وإيديه بترتجف، فتح الدرج ولقى علبة صغيرة.. علبة الخاتم. خاتم الرجالي اللي جابتهوله كان في مكانه زي ما هو.. اتضح إن طول السبع سنين هي كانت بتلبس الخاتم وحافظة العهد.. وهو الوحيد اللي كان بياخد الموضوع باستخفاف!

 

بعد الظهر.. كنت قاعدة براجع ملفات الشغل في مكتبي، دخلت “راندا”:

 

“آنسة نور.. الباشا…” وسكتت تصحح كلامها: “قصدير آسر بيه.. واقف بره بوابة الشركة بقاله أكتر من ساعتين.” ما رفعتش وشي من على الأوراق:

 

“سيبيه واقف.”

 

“حاضر.”

 

بعد نص ساعة دخلت راندا تاني:

 

“آنسة نور.. المطرة بدأت تنزل بغزارة.” سيبت القلم من إيدي لحظة، وبعدها كملت إمضاء العقول بهدوء:

 

“لما تمطر يركب عربيته ويروح.. بس تنبهي على الأمن ما يعملوش معاه أي مشاكل.”

 

خارج البوابة.. المطر كان نازل زي السيل. وآسر واقف ثابت في مكانه.. لا ماسك شمسية ولا راضي يركب العربية، والمطر نازل على وشه وغرقان تماماً والناس رايحة جاية تبص عليه. مع غياب الشمس، ظهرت شمسية سودة قربت منه ببطء.. رفع عينه وكان فيها بصيص أمل، بس لقى كبير خدم عيلتنا هو اللي ماسكها. حط كبير الخدم الشمسية على الأرض قدام رجليه وقال بهدوء:

 

“آسر بيه.. الأنسة نور بتقول لحضرتك لو تعبت أو جالك برد فدي حاجة تخصك إنت ومسؤوليتك.. بس هي سابتلك الشمسية دي عشان عيلة المنشاوي ما ينقالش عليها إنها معندهاش أصول أو قللت احترامها معاك.”

 

استدار ومشي.. وآسر واقف بيبص للشمسية اللي تحت رجليه ابتسم بسخرية ووجع من نفسه.. فعلاً، “نور” طول عمرها بنت أصول ومحترمة، حتى وهي خلاص ما بقتش تحبه، لسه محافظة على الأدب والأصول.. بس الرقة دي مش هتكون ليه تاني خلاص.

 

في نفس اللحظة.. جالي مسج من المحقق:“استرجعنا جزء من أجندة ‘تامر’ السكرتير.. الصفحة الأولى مكتوب فيها: 16 مارس – نجحنا لأول مرة في إلغاء وتعطيل الميعاد بين الأنسة نور وآسر بيه.”

 

بصيت للكلمات وعينيا اتحولت لبرود تام.. اتضح إن الموضوع مش مجرد يوم الخطوبة بس، دا من زمان أوي وفيه حد بيقطع كل خيط وصل بينا.. وآسر طول السنين دي ولا كان حاسس ولا داري!

 

صباح اليوم التالي.. الأجندة كانت قدامي على المكتب، والمحقق بيشاورلي على السطور:

 

شان الأجندة وقعت في المية، 30% بس اللي واضحة.. بس فيه بلاوي مكتوبة.” قريت السطور بخط “تامر” المنظم:

 

16 مارس: نجحنا في إلغاء أول ميعاد بينهم.

 

2 مايو: مسحت الإيميل اللي بعتته الأنسة نور، وآسر بيه ما لاحظش أي حاجة.

 

18 أغسطس: غيرت مكان العزومة، وحصلت أول خناقة كبيرة بينهم.

 

كل كلمة كانت زي الطعنة.. اتضح إن مرات كتير ما كانش آسر بيطنشني فيها متعمد، بس هو أصلاً ما كانش يعرف إني مستنياه! وفي أخر الصفحة كتب السكرتير جملة خبيثة: “عشان تهد أي علاقة مش محتاج تكدب كتير.. بس سيب الشك والاشتياق ينهي كل حاجة.”

 

وفي نفس الوقت في مكتب رئيس مجلس إدارة شركة النشار.. كان آسر بيقرا نفس النسخة من الأجندة.. وقبضة إيده بتتقفل بغل وندم! افتكر من تلات سنين لما كان عيد ميلاده وطلبت منه نتعشى سوا، وجيه “تامر” قاله إن نور هي اللي ألغت الميعاد فجأة! فغضب وما كلمنيش تلات أيام، ولما اتقابلنا اعتذرت له وقلتله معلش كنت مشغولة.. كان فاكر وقتها إن شغلي أهم منه! وافتكر من سنتين لما جالي حرارة شديدة وكانت أموت، وتامر قاله: “الآنسة نور بتقولك ما تعطيلش نفسك”.. فبعتلي رسالة واحدة “الف سلامة” وكمل اجتماعه، وأنا وقتها قعدت أخد محاليل في المستشفى لوحدي طول الليل! لأول مرة.. آسر يحس إنه بيموت من الندم، مش عشان خسر الجوازة.. بس عشان طول السنين دي ما حاولش مرة واحدة يسألني بنفسه أو يفهمني!

 

رجعت البيت، بابا قعد معايا ووراني صورة قديمة من 7 سنين.. صورتي أنا وآسر زمان.

 

“فاكرة اليوم دا يا نور؟” افتكرت.. دا اليوم اللي عملت فيه حادثة عربية وكانت نقل نقلة هتخبطني، وجري آسر وزقني بعيد وإيديه اتقطعت من القزاز ونام في المستشفى أسبوعين عشان ينقذني! تنهد بابا: “الولد دا زمان كان بيحبك بجد.. بس لما مسك إدارة الشغل، الدنيا غيرته.. وبدل ما يثق في البنت اللي جنبه، بقى يثق في الموظفين والخونة.” هزيت راسي.. أنا مش بنكر إنه حبني في يوم من الأيام، بس الحب دا ما يمنعش الوجع، وما ينفعش يكون سبب إني أسامح على الإهانة.

 

بعدها بشوية، المحقق كلمني: “الشرطة استدعت ‘شيرين’ للتحقيق.. ولقوا في شقتها لابتوب عليه تسجيلات كاميرات الفندق، ولقوا تحويلات مالية بينها وبين السكرتير ‘تامر’!” في النيابة، شيرين انهارت وعيطت وقالت: “أنا اعترفت.. السكرتير تامر هو اللي جالي من 3 سنين وقال لي لو عايزة آسر يبقى ليكي لازم نخلي نور تسيبه.. بس الفلوس الـ 30 مليون مش مني! فيه حد تاني كبير هو اللي بيمول تامر وعاوز يعلم على العيلتين ويوقعهم في بعض

 

لخبر انتشر في مصر كلها، والسوشيال ميديا اتقلبت، والناس اللي كانت بتتهمني وتتريق عليا مسحوا البوستات وبدأوا يعتذروا.. بس اعتذارهم جيه متأخر مالوش أي قيمة.

 

وعملت عيلة “النشار” مؤتمر صحفي عاجل.. وقف فيه الأب الحاج توفيق النشار قدام الكاميرات وأعلن اعتذاره المباشر ليا ولعيلتي، وتطلع آسر ومسك الميكروفون بوش شاحن وقال بصوت مبحوح:

 

“أنا بعتذر لنور المنشاوي قدام مصر كلها.. أنا وثقت في الشخص الغلط، وأهنت إنسانة ما تستاهلش إلا كل خير.. وأنا المسئول عن كل اللي حصل يوم الخطوبة.”

 

راندا ورتني التلفزيون، هزيت راسي وقلت: “هو اعتذر دا شأنه.. وأنا أسامح أو لأ دا شأني أنا.”

 

وبعدها بـ ساعتين.. جالي خبر إنهم لقوا السكرتير الخاين “تامر” في المستشفى بعد ما عمل حادثة عربية مدبرة، وقبل ما يموت ويتوقف قلبه، حاول يكتب إصبعة على ملاية السرير كلمة: “عـ مـ …” وما كملش! وصلتني مسج مجهولة بعدها: “لو كملتي تحريات.. المرة الجاية أنتي اللي هتبقي في أوضة العمليات!”

 

بس أنا ما خفتش.. اللي وقفت 4 ساعات في الحر اتفضحت قدام الناس ما بقتش تخاف من حاجة. وفي اليوم اللي بعده، زارني في الشركة رجل الأعمال “عمر الجبالي”.. زميلي القديم في الجامعة اللي كان بيحبني زمان ولما عرف إني بحب آسر انسحب بشرف ودعالي بالسعادة. عمر جابلي ملفات ومعلومات كاملة عن الشركات الوهمية اللي حولت الفلوس للتفريق بين العيلتين، واكتشفنا إن الكلمة اللي كان بيكتبها تامر قبل ما يموت هي كلمة “عَمْد” (يعني الحادثة كانت مدبرة عمداً) مش اسم شخص!

 

 

 

 

والتحريات جابت أول الخيط.. اتضح إن المنافس الأكبر للشركتين هو “جلال الثابت” صاحب شركة “المستقبل”.. هو اللي أجر السكرتير تامر واستغل شيرين ورشاهم بملايين عشان يهد الشراكة بين عيلة المنشاوي وعيلة النشار ويخليهم يفلسوا ويسيطر هو على السوق!

 

بعد 3 شهور.. القضية اتكشفت بالكامل، وبوليس الأموال العامة أقبض على “جلال الثابت” وشيرين ودخلوا السجن، وشركة المستقبل أفلست. وبعد 6 شهور.. رجعت الأمور لمستقرها، وعيلة المنشاوي فضلت في الصدارة، وآسر قدر ينقذ شركته بالعافية بس خسر هيبته وكتير من مشاريعه.. وبقى إنسان تاني خالص، هادي ومكسور.

 

ي احتفالية خيرية.. اتقابلت أنا وآسر بالصدفة تحت الشجر.. كان خاسس جداً، بصلي وأومأ براسه:

 

“ازيك يا نور.. مر وقت طويل.”

 

” الحمد لله يا آسر.” طلع ظرف من جيبه وقال: “دا جواب كنت كاتبهولك من 8 سنين وما أديتوهولكيش..” هزيت راسي برفض: “مفيش داعي.. اللي فات مات.” سحب إيده وقال بنبرة مليانة ندم: “عندك حق.. أنا أكبر ندم في حياتي مش إن الجوازة باظت.. بس إن وأنتي بتحبيني ما عرفتش أقَدّرك.. أنا أسف يا نور.” استدار ومشي.. وأنا بصيت لطيفه بسلام تام، مفيش في قلبي كره ولا وجع خلاص.

 

بعد سنة.. وفي المزرعة  في الفجرية.. كان واقف “عمر الجبالي” وسط الزهور، أخرج علبة خاتم وقال لي بهدوء وبدون أي ضغط:

 

“نور.. أنا مستعد أستناكي العمر كله.. هل تقبلي تبدأي معايا حياة جديدة بجد؟ حياة فيها احترام وتقدير قبل أي حاجة؟”

 

بصيت للراجل اللي كان دايماً بيظهر في ظهري من غير ما يطلب مقابل.. وابتسمت ومديتله إيدي.. ولَبّسني الخاتم، وزهور دوار الشمس كلها اتجهت للقطة النور. وبعد شهر اتجوزنا في حفل هادي وبسيط بين الأهل والأصحاب، وبابا مسك إيدي وعينيه مدمعة من الفرحة وقال: “لو أمك عايشة النهاردة كانت هتبقى مرتاحة وهي شايفاكي مع راجل بيصونك بجد.”

 

مرت السنين.. آسر ما اتجوزش أبداً، وكل سنة في ذكرى وفاة أمي، كان بيروح يحط باقة ورد بيضا قدام مدفنها ويرحل في صمت من غير ما يسيب اسمه.. ولما حد سأله: “ندمان؟” قال: “أكبر ندم.. إن لما كانت بتحبني، ما عرفتش قيمتها.”

 

 

 

 

اتعلمت إن فيه ناس بتدخل حياتنا عشان تعلمنا الحب، وناس بتعلمنا القسوة والرحمة.. بس الشخص الصح هو اللي عمره ما يسيبك تتأذي أو تقفي لوحدك في الزحمة، وعمره ما يخليك تساومي على كرامتك عشان شوية حب!

 

الكاتبة نرمين عادل همام

 

تمت

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى