روايات وقصص

أخو جوزى 4

أمانى سيد

رحاب بصت لي، وملامحها مكنش فيها غل ولا قسوة، بالعكس، وشها كان مرتاح
لمحة نيوز

ورايق جداً. ابتسمت وهدتني وقالت لي بكلام ريح قلبي
أنا مسمحاكي يا أصيلة.. ومن كل قلبي كمان. متشيليش هم ولا تأنبي نفسك، أنا كدة كدة مكنتش مرتاحة في البيت هناك، ولا كنت هعرف أعيش وسط القيد والمقارنات دي طول عمري. يمكن اللي حصل كان سبب عشان كل واحد يروح لطريقه الصح.
بصيت لها بذهول، فكملت وهي بتوريني دبلة في إيدها ووجها منور
أنا اتخطبت يا أصيلة.. وقريب جداً هتجوز إنسان شاريني ومقدرني زي ما أنا، ومبيدورش على ست تفصل حياته على مزاج حد. ربنا يعوضك أنتِ كمان يا بنت الناس.
خرجت من عند رحاب وكأن جبل انزاح من على صدري. حسيت إن ربنا غسل قلبي بمسامحتها ليا، ورجعت بيتي وأنا مسلمة أمري لله وقانعة بأي نصيب يكتبهولي.
ومرت شهرين… شهرين وأنا قاعدة في هدوء، بحسب حسابات نفسي وبصلح من روحي.
وفي يوم، الباب خبط.. فتحت ولقيت لبيب واقف قدامي! وحشته كانت باينة في عينه، والكسرة واللوم اللي كانوا مالين وشه اتمسحوا. بص لي بنظرة كلها ندم وشوق، ودخل خطوتين وهو بيقول بصوت كله حنية ورجاء
سامحيني يا أصيلة.. الشهور اللي فاتت من غيرك ورتني إن ماليش عيش من بعدك، وإنك كنتِ دايماً الست الأصيلة الشهمة اللي ملهاش ذنب في طمع غيرها. أنا جيت أراضيكي وقدام الكل، ومستعد أعمل أي حاجة عشان ترجعي تنوري بيتي وحياتي تاني.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى