روايات وقصص

جبت بنت صغيره

مريم كانت علمتها قبل موتها إنها لو حصل لها حاجة، تحتفظ بذاكرة صغيرة عليها تسجيلات. فتشنا شنطتها. ما لقيناش الذاكرة. لحد ما نور أشارت لحذائها القديم. فتحنا النعل من جوه. وكانت هناك. كارت ميموري صغير. حطيناه في اللاب. وطلع تسجيل صوتي.

صوت مريم. مرعوب. بتقول لو التسجيل ده وصل لأي حد يبقى أنا غالبًا مت. وبعدين بدأت تحكي. عن الدكتور شريف. وعن طارق. وعن تزوير ملفات المرضى. وعن إن بعض المرضى بيتاخد لهم أدوية معينة من غير علم أهلهم. لكن آخر جملة في التسجيل كانت الأخطر سلمى اكتشفت كل حاجة.

ولو حصل لها حاجة، دوروا على النسخة الأصلية من العقود في المكان اللي ما حدش هيفكر يدور فيه. بصيت لحسام. فين؟ قبل ما يجاوب نور قالت عندها. بصينا لها. أشارت لصورة سلمى. ماما قالتلي إن الست دي خبّت الورق. رجعت المستشفى. المرة دي ما دخلتش كزوج.

الأكثر قراءة الان
متزعلشى ياعمو حكايات نورهان العشرى
منذ 6 أيام

الصمت المزدوج
منذ أسبوع

رواية: غريب في منتصف الطريق حكايات نورهان العشري
منذ يوم

دخلت وأنا عارف إن في حد بيراقبني. روحت لأوضة سلمى. قفلت الباب. وقلت سلمى لو إنتِ سامعاني، حرّكي صباعك. ما حصلش حاجة. قربت. أنا عرفت. جفن عينها اتحرك. عرفت مين اللي عمل فيكي كده. دمعة نزلت من عينها. أنا بدأت أعيط. أنا آسف. مسكت إيدها.

آسف إني ما صدقتكيش من الأول. حاولت تحرك صباعها. مرة. وبعدين مرة تانية. وفجأة رفعت عينها ناحية لوحة معلقة على الحيطة. بصيت للوحة. كانت لوحة بسيطة عليها منظر للنيل. شلتها. وراها كان في تجويف صغير. وجواه ظرف.

فتحته. العقود الأصلية. تسجيلات. وصور. وأهم حاجة نسخة من عقد ملكية الأرض باسم سلمى. الدليل اللي كانوا بيدوروا عليه. لكن قبل ما أقدر أخرج الباب اتفتح. الدكتور شريف. وراه طارق. طارق كان ماسك مس. دس. بصلي وقال كان نفسي ما توصلش للمرحلة دي. قلت قتلتها؟

ضحك. لأ. بص لسلمى. حاولنا نخليها تموت يوم الحادث. وبعدين قرب مني. بس مراتك طلعت عنيدة. قلت وإنت كنت بتقتلها بالبطيء. رد كنت بحافظ على مصالحنا. مصالحكم؟ ضحك. الأرض دي بمئات الملايين يا محمود. سكت لحظة. وبعدين قال وإنت كنت أسهل واحد نتحكم فيه.

بصيتله. كنت بتديني العلاج اللي بيمرضها. بالظبط. وكنت بتخليني أدفع؟ وإنت كنت بتدفع وأنت مبسوط. ما كنتش لوحدي. قبل ما أدخل الأوضة، كنت ضغطت زر تسجيل في موبايلي. وحسام كان واقف بره مع الشرطة. لكن طارق ما كانش عارف.

قلتله خلصت؟ ابتسم. أيوه. وفجأة الباب اتفتح. دخلت الشرطة. طارق حاول يهرب. الدكتور شريف حاول يكسر الموبايل. لكن حسام مسكه. وخلال دقائق الاتنين كانوا متكلبشين. ولما خرجوا من الأوضة، طارق بصلي وقال إنت فاكر إنك كسبت؟ بصيتله. لأ.

وأشرت لسلمى. أنا ما كسبتش. أنا أنقذتها. الق. ضية استمرت شهور. الأدلة كانت كافية. تسجيل مريم. تحليل المادة. العقود المزورة. كاميرات المستشفى. شهادة عماد. وتسجيل اعتراف طارق والدكتور شريف. اتفتح تحقيق كبير في المستشفى. واتكشف إن مريم ما ماتتش في حادث عادي.

وإنها كانت بتحاول تفضح شبكة تلاعب في ملفات المرضى والأدوية. أما طارق، فثبت تورطه في تزوير العقود ومحاولة الاستيلاء على أرض سلمى والتخطيط للحادث. والأرض؟ رجعت رسميًا لسلمى. أما شركتي، فبعد ما راجعت الحسابات، اكتشفت إن طارق كان بيسحب فلوس من ورايا من سنين. كان بيعيش على ثقتي.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى