روايات وقصص

جبت بنت صغيره

اتصلت بواحد صاحبي اسمه حسام، وكان شغال في المباحث زمان، وبعدها بقى محامي. قلتله محتاجك تعمل حاجة من غير ما حد يعرف. سألني إيه؟ عايز تعرف مين دخل أوضة سلمى خلال آخر شهرين، ومين كان بيكتب لها الأدوية.

سكت ثواني. وبعدين قال محمود إنت داخل على حاجة كبيرة؟ قلت أنا مش عارف. وبعدين بصيت من بعيد على باب أوضة سلمى. بس عارف إن مراتي كانت بتموت وأنا فاكر إني بعالجها. بالليل، وأنا راجع البيت، لقيت عربية واقفة قدام العمارة. عربية سودا.

ما اهتمتش. طلعت شقتي. دخلت. ولما فتحت باب الصالون وقفت مكاني. كل حاجة كانت متلخبطة. الأدراج مفتوحة. الورق على الأرض. الخزنة مفتوحة. واللاب توب مش موجود. جريت على غرفة سلمى. فتحت الدولاب. العلبة اللي كنت حاطط فيها أوراق الحادث اختفت.

الأكثر قراءة الان
متزعلشى ياعمو حكايات نورهان العشرى
منذ 6 أيام

الصمت المزدوج
منذ أسبوع

رواية: غريب في منتصف الطريق حكايات نورهان العشري
منذ يوم

ما سرقوش فلوس. ولا دهب. ولا حتى الأجهزة. سرقوا حاجة واحدة بس. ملف الحادث. هنا عرفت إنهم عرفوا إني بدأت أدور. اتصلت بحسام. قلتله حصل اقتحام. رد بسرعة ما تلمسش حاجة. قلت خلاص فهمت. فهمت إيه؟ إنهم خايفين.

تاني يوم الصبح حصلت المفاجأة. وأنا داخل المستشفى، لقيت البنت الصغيرة قاعدة في الاستقبال. كانت لابسة هدوم جديدة. وقاعدة في هدوء. روحت ناحيتها. إنتِ هنا؟ رفعت عيني لي. وبعد ثواني قالت أول جملة كاملة من ساعة ما لقيتها مراتك مش نايمة. اتجمدت. نزلت على ركبتي قدامها. إنتِ اسمك إيه؟

بصت حواليها. وبعدين قربت مني وهمست نور. نور إنتِ تعرفي سلمى؟ هزت راسها. أيوه. منين؟ ما ردتش. بدل ما تجاوب، قالت الراجل اللي بيدخل لها بالليل هو اللي بيخوفها. حسيت بقشعريرة في جسمي. مين الراجل؟ بصت ناحية المصعد. وقالت اللي عنده المفتاح الدهب.

بصيت ناحية المصعد. في نفس اللحظة، باب المصعد اتفتح. وخرج الدكتور شريف. وفي إيده سلسلة مفاتيح. وفي وسطهم مفتاح صغير لونه دهبي. بصيت له. وبصيت لنور. نور كانت مستخبية ورايا. دخلت مكتب الدكتور شريف لوحدي. قعد قدامي وابتسم. إيه يا محمود؟ شكلك متوتر. قلت التحليل طلع. الابتسامة اختفت.

تحليل إيه؟ حطيت نسخة من التقرير قدامه. المادة اللي في الإزازة. سكت. وبعدين قال بهدوء إنت بتتهمني؟ لسه. قربت منه. أنا بس مستنيك تقول لي إيه اللي حصل. ضحك ضحكة قصيرة. محمود، إنت في حالة نفسية صعبة بسبب اللي حصل لمراتك.

ما ينفعش تبني اتهامات على كلام طفلة لقيتها في الزبالة. قلت عشان كده عملت تحليل في معمل مستقل. وشه اتغير. بس قبل ما يتكلم، تليفونه رن. بص للشاشة. وقام بسرعة. لازم أرد. خرج. وأنا فضلت مكانى. لكن عيني وقعت على مكتبه. كان في درج نص مفتوح. وجواه ملف.

على الملف اسم سلمى. فتحت الدرج. سحبت الملف. وأول صفحة كانت حالة المريضة لا يوجد تحسن عصبي ملحوظ. لكن تحتها كانت ملاحظة مكتوبة بخط اليد الجرعة مستمرة حتى إشعار آخر. صورت الورقة بالموبايل. رجعت الملف مكانه. وخرجت. في نفس الليلة، حسام قابلني.

حط قدامي مجموعة صور. وقال راجعت كاميرات المستشفى. و؟ عندي خبر كويس وخبر وحش. ابدأ بالوحش. حط صورة قدامي. كانت صورة عربية طارق. شريكك دخل المستشفى أربع مرات بعد نص الليل خلال الشهر اللي فات. والخبر الكويس؟

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى