
من ساعة ما عرفت إن ندى راحت الفندق وإنت متغير أحمد رد عايز أعرف هي عرفت إيه سهير قالت هي مش عارفة حاجة أحمد بص لها وقال إنت متأكدة؟ سهير اتوترت أكيد أحمد فتح درج مكتبه وطلع منه ظرف قديم وقال الظرف ده لو خرج من هنا كل اللي بنيناه هينهار سهير قربت وقالت إنت مخبي إيه؟
أحمد ما ردش فتح الظرف جواه نسخة من عقد قديم باسم ندى لكن التوقيع اللي تحته ما كانش توقيع أحمد كان توقيع والد ندى سهير شهقت إيه ده؟ أحمد قال أبوها كان شريك في تمويل المطعم من البداية سهير بصت له بصدمة وإنت كنت بتقول لنا إن الفلوس من شغلك قال لأن أبوها اشترط إن ندى تكون صاحبة الحق في نسبة كبيرة من المشروع سهير قالت طب إزاي المطعم بقى باسمك؟
أحمد ابتسم ابتسامة متوترة بعض الأوراق اتغيرت بعد ما أبوها توفى سهير فهمت وقالت يعني إنت… أحمد قاطعها ما تسأليش كتير لكن سهير ما قدرتش تسكت قالت إنت أخدت حقها؟ أحمد بص لها وقال أنا كنت بحافظ على المطعم وفي اللحظة دي تليفونه رن المرة دي كان المتصل محامي أحمد رد ألو جاله صوت المحامي الأستاذة ندى طلبت نسخة كاملة من كل العقود القديمة أحمد وقف مكانه وقال مين قال لك؟
قال هي بنفسها وبعتت طلب رسمي كمان أحمد قفل المكالمة ورمى الموبايل على المكتب سهير قالت ندى عرفت؟ أحمد رد لسه لكن هتعرف وفي نفس الوقت كانت ندى قاعدة في الكافيه مستنية الشخص الغامض الساعة عدت 8 ثم 8 وربع وبعدين ظهر راجل كبير في السن ماسك شنطة جلد قرب منها وقال الأستاذة ندى؟
ندى قامت أيوه الراجل قعد وقال أنا اسمي محمود ندى بصت له وقالت بس حضرتك مين؟ محمود فتح الشنطة وطلع نفس الملف الأسود اللي ظهر في الصورة وقال أنا كنت شريك والدك ندى اتجمدت قالت شريك بابا؟
هز راسه أيوه وأبوك قبل ما يموت كان عارف إن أحمد بيحاول ياخد حقك ندى حسّت نفسها مش قادرة تتنفس وقالت ليه محدش قال لي؟ محمود رد لأن أبوك كان فاكر إن أحمد هيحافظ عليكي لكن قبل وفاته بشهر اكتشف الحقيقة ندى قربت منه وقالت إيه الحقيقة؟
محمود فتح الملف وطلع مجموعة أوراق وقال أبوك ما سابلكيش فلوس وبس هو سابلك نص المطعم ندى بصت له مصدومة قال والأهم من ده كله أبوك كتب شرط في العقد لو حصل طلاق بينك وبين أحمد لأي سبب كل الأسهم والضمانات ترجع ليكي فورًا ندى فضلت ساكتة وبعدين قالت يعني المطعم دلوقتي حقي؟
محمود قال مش بس المطعم فيه حسابات وتحويلات وأوراق تانية ولو ظهرت للمحكمة أحمد ممكن يخسر أكتر بكتير ندى مدت إيدها للملف لكن قبل ما تمسكه موبايلها رن المرة دي كان أحمد بصت للشاشة وسابت الموبايل يرن محمود قال ماترديش عليه ندى قالت ليه؟
محمود بص لها بجدية وقال لأن أحمد مش بيتصل عشان يرجعك هو عرف إنك اكتشفتي الحقيقة ندى سكتت وفجأة وصلتها رسالة من أحمد أنا عارف إنك مع محمود ندى رفعت عينيها بسرعة محمود نفسه اتوتر وبعد ثواني وصلت رسالة تانية لو فتحتي الملف ده قدام أي حد هتندمي ندى بصت لمحمود وقالت هو عرف مكاننا إزاي؟
محمود ما ردش ندى بدأت تحس إن فيه حد بيراقبهم وفجأة لمحت من زجاج الكافيه عربية سودا واقفة الناحية التانية من الشارع جواها شخص ماسك موبايل وبيصورهم محمود قفل الملف بسرعة وقال لازم نمشي حالًا ندى قامت وهي ماسكة الملف لكن قبل ما تخرج قال لها محمود جملة خلتها تقف مكانها في حاجة لسه ما قلتهاش لك ندى بصت له قال الراجل اللي كان واقف وراكي في الصورة مش أنا ندى اتسمرت مكانها وقالت أمال مين؟
محمود بص ناحية العربية السودا وقال ده الشخص اللي كان أبوكي خايف منه قبل ما يموت وفي نفس اللحظة باب الكافيه اتفتح ودخل أحمد لكن المرة دي ما كانش جاي لوحده كان معاه المحامي وملف في إيده وقال بصوت هادي بشكل مخيف كويس إنكم لسه هنا عشان في حاجة لازم نوضحها قبل ما ندى تفتح الملف ندى بصت له وقالت إيه هي؟
أحمد حط الملف على الترابيزة وقال الحقيقة إن أبوكي ما كانش شريك في المطعم أصلًا ندى بصت لمحمود ومحمود وشه اتغير لأن الجملة دي كانت أول مرة يسمعها وأحمد فتح الملف وقال والدليل موجود هنا لكن أول ورقة ظهرت قدام ندى كانت تحمل توقيع والدها وتحت التوقيع جملة واحدة لو حصل لي أي حاجه لا تثقي في محمود ندى فضلت واقفة مكانها وهي بتبص للورقة توقيع أبوها كان واضح قدام عينيها والجملة اللي تحت التوقيع كانت أخطر من أي حاجة سمعتها في حياتها لو حصل لي أي حاجة لا تثقي في محمود رفعت عينيها وقالت يعني إنت كنت بتكدب عليا يا محمود؟
محمود ما ردش أحمد ابتسم وقال أنا حاولت أحميكي يا ندى بس إنتي ما سمعتيش كلامي ندى بصت له باحتقار تحميني؟ إنت عايز تحميني من إيه بالظبط؟ أحمد حط إيده على الملف وقال من الحقيقة محمود أخد نفس طويل وقال الحقيقة مش اللي أحمد بيقولها أحمد بص له بغضب كفاية يا محمود ندى صرخت لا محدش هيتكلم غير لما أفهم كل حاجة محمود سكت ثواني وبعدين قال أبوكي فعلاً كتب الجملة دي ندى شهقت بس بعدها؟
محمود طلع ورقة تانية من شنطته وقال قبل وفاته بيومين أبوكي بعتلي الورقة دي ندى أخدتها بسرعة وكان مكتوب فيها لو ندى اتطلقت من أحمد خليها تستلم كل أوراق الشركة بنفسها وماتخليش أي حد يتدخل بينها وبين المحامي ندى بصت لأحمد يعني بابا كان عارف؟




