منوعات

زيدان ودهبيه 3

أمانى سيد

ايه : استمتعي يا حبيبتي بكل لحظه في الحمل . بس ليه يا دهبيه خليتينا نقول للمعلم انك سقطتي

دهبيه : عشان يوصلهم عشان ما يبقاش ليا نقطه ضعف هم عارفينها يحاولوا ياذونى فيها فهمتى هما لو كان نيتهم يسقطونى فكده خلاص هيدوروا على حاجه تانيه واكون انا اخدت فرصه اشوف اتصرف معاهم ازاى

بس بجد يا ايه انا مش عارفه اشكرك ازاي انتى ودكتور مؤمن على اللي عملتوه معايا في المستشفى

ايه: كويس ان ساعتها دكتور مؤمن اللى كان نبطشيه وعرفك ساعتها عشان كان بيشوفك معايا بس طبعا كان صعب ان اننا نقنعه انه يقول لجوزك الكلام اللي قاله وهو شايف ان ما فيكيش حاجه غير ان ضغطك كان واطي

دهبيه : واضح انه كان عايز يخلي حد غيري هو اللي يقنعه 😉😉😉

ايه : انا مش عارفه انت في ايه ولا في ايه

بس انا خايفه لما جوزك يعرف يعمل في حاجه كده ولا كده

دهبيه : لا ما تخافيش مش هيقدر يعمل حاجه

ايه : ربنا يستر

دهبيه : طيب ابقى كلميه بقى ووصليله شكرى وسلامى

ايه : روحى نامى لان واضح ان دماغك فاضيه وبتشغليها بيه

دهبيه : طيب تصبحى على خير هروح افتح الباب واشوف مين

دهبيه . فتحت الباب لقت عزه وام احمد اللى كانوا عندها فى الشقة القديمه : اهلا اهلا اتفضلوا

عزه : ازيك يا ست دهبيه عامله ايه

دهبيه : بخير يا عزه انتى عامله ايه وعرفتوا مكانى منين

عزه : ده المعلم زيدان ربنا يبارك له جابنا لحد هنا عشان نشوف طلباتك ايه وادانا كمان بقيت قبضنا القديم وقبض شهر مقدم

دهبيه : تنوري يا عزه انت وام احمد

تانى يوم بعد الضهر ايه راحت تزور دهبيه وتطمن عليها

ايه : يخرب عقلك يا دهبيه عملت فيهم كل ده ده انتى معلمه بحقي وحقيقي اهو ويخاف منك

دهبيه : عايزه الصراحه انا كنت فاكره ان ممكن زيدان ياخدهم شقتي بس ما عملش كده

ايه : امال راحوا فين والمعلم عمل فيهم ايه

دهبيه : ابو محروس السمسار كلمني وانا قلت له يشوفلهم شقه بس ما يتقعدش فيها

ايه : وهو عمل ايه

دهبيه : مش هتصدقي فاكره شقه الشحاته ام جلال قبل ما تسيبها فاكره سابتها ليه قال ايه عشان ما بقتش تليق بيها تخيلي انت بقى شكل الشقه دي ايه

ايه : معقول يا نهار 😂😂😂 قيمتهم الصراحه

طيب وانتى ناويه على ايه هتسبيهم كده

دهبيه : وانا عبيطه لا طبعا وانا لو سبتهم هم مش هيسيبوني في حالي انا بقى ايه خليت الولا حمص يسيب كل اللي وراه ويفضل مراقبهم لاني واثقه انهم مش هيسكتوا بعد اللي انا عملته معاهم هما حاليا خلاص شالوا من دماغهم فكره العيال وبيدوروا على حاجه ثانيه الله اعلم ايه هي بكره نعرف

اثناء كلامهم الباب خبط وعزه فتحت وكان يونس وامه

دهبيه : يا اهلا يا اهلا يا اهلا خطوه عزيزه نورتونا اتفضلوا

ام يونس : عزيزه باصحابها سمعنا انك انت في المستشفى جينا على طول الف سلامه عليكى يا حبيبتي

دهبيه : الله يسلمك يا خالتي انت عامله ايه واحفادك عاملين ايه

ام يونس : بخير يا بنتي بخير بيجوا يباتوا معايا كل خميس وجمعه

دهبيه : ما فيش امل تاني يا خالتي ان ابنك يرجع طليقته

ام يونس : صعب يا بنتي صعب لو كان رجعوا كان زمانهم رجعوا من زمان

دهبيه : ربنا يسهلهم حالهم يا رب

ام يونس: الا صحيح اللي سمعته ده يا بنت يا دهبيه

دهبيه : اه يا خالتي صح

ام يونس: طب انت يا بت كنت حاكيالو عملوا فيكى ايه زمان

دهبيه : لا يا خالتي كنت بخاف احكيله لاحسن يتهور عليهم وانا كنت خايفه عليه

ام يونس : غلطانه يا دهبيه غلطانه الصح يا بنتي انك كنتى تقوليله مش كل حاجه ينفع تدريها

يونس : بصراحه يا دهبيه امي معاها حق احكيله كل اللي عملوه معاكي

دهبيه : حاضر بس مش دلوقتي. عزه يا عزه خلصي الغداء بسرعه واعملي حساب الدكتوره وام يونس ويونس بيه

عزه : اوامرك يا ست دهبيه هوا

ام يونس: ما لوش لزوم احنا جايين نطمن عليكى ونمشي

دهبيه : والله ما يحصل ابدا ده انت معزتك كبيره قوي عندي يا خالتي فاكره وانا بتجوز ما كنتيش بتسيبيني ابدا ما كنتى معايا خطوه بخطوه

أم يونس : امك الله يرحمها كانت اكثر من اخت يا دهبيه ومن كتر حب ابوكى ليها سماكي على اسم شبهها

واثناء حديثهم الباب خبط وفتحت ام احمد

زيدان : السلام عليكم

كل القاعدين : وعليكم السلام

ام يونس: اهلا يابنى منور

زيدان: اهلا بيكى الحاره نورت

ام يونس: منوره باصحابها يا ابني سمعنا ان دهبيه تعبانه قلنا نيجي نطمن عليها ونعمل الواجب

زيدان: كلك واجب يا حاجه. وبص لذهبيه اللي بتبص له بجمود عامله ايه النهارده يا دهبيه

دهبيه بجمود : انا بخير الحمد لله

زيدان : ازيك يا يونس بيه مش واجب كنت تعرفني انك جاي

يونس: احنا كلمنا صاحبه البيت ولا انتوا رجعتوا لبعض

زيدان: احنا لسه في العده يا يونس وفي اي لحظه ممكن اردها وترجع الميه لمجاريها

يونس: لو كانت هترجع كانت رجعت ولا ايه يا دهبيه

زيدان: اسمها المعلمه او مدام زيدان

السابق1 من 5
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى